Evesos 4:26 - Tennet

²⁶ “Imma ming ette aburnnu nong zo̱ze̱ emani, ma anyikku burnenet nong kuwuyung mu̱nye̱ne̱.” Ma ovvoyyu ungnyahe ming ngen aburnnu nong,

Evesos 4:26 ပူးပေါင်းရင်းမြစ်များ

Lu̱ge̱z 11:8

A̱vvu̱na̱ka̱ atin lo̱ddi̱ki̱re̱ cigunnek do̱o̱k annita, ovvo atin nege akanneka u̱zu̱ngti̱nne̱ kar kizeto ne, ‘Oto, niga ol do̱o̱k wak annuyi i̱nne̱ta̱!’ Imma atin vu̱rrta̱ kokko anna kowo.” Omoze zin Musesi kar kutungek alaan ci Masiro lo̱o̱c.

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Marko 10:14

Baling icin Ye̱su̱ zoz neci niko, utubur zin nong. Kar kizek nogo ne, “Aanycik dooli ne̱ko̱ ki̱vi̱ta̱n, ma alamnyu nogo! Eci ba̱a̱li̱ne̱t ci Ta̱mu̱ta̱dde̱n abale ol een ci dooli cik ogon ki ne̱ko̱.

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 1:20

eci mozinet ci e̱e̱to̱, iróng anyaha bunnat ci orong Ta̱mu̱ta̱dde̱n ko̱.