Evesos 4:2 - Tennet

² Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Evesos 4:2 ပူးပေါင်းရင်းမြစ်များ

Ma̱te̱yo̱ 11:29

A̱gga̱mtta̱ de̱mzi̱ne̱t cinanni ju̱rru̱m, kar edemezta zoz ngatinanni. Ke̱e̱ni̱ anna e̱e̱t ci alali zinin, amudannu atin yu̱bze̱ne̱t zi̱nze̱tti̱nne̱ cuggo̱k.

Marko 9:19

O̱bo̱de̱k zin Ye̱su̱ nogo, “Eehi, i̱ge̱t bu̱u̱l ci iróng anyakku tu̱we̱ne̱t ko̱, kabak wo̱ye̱ anna ki i̱ge̱t u̱u̱mu̱c? Anyaktta lo̱gu̱t necu rok annita.”

Buk wa To̱ni̱a̱u̱ 20:19

Ki̱li̱ngli̱nga̱ anna ngati Manyi ci iróng kodongi ele cinanni ki ti̱la̱lo̱ eberene, ming nu̱nu̱n ka̱ggi̱de̱ anna oroot zo̱ze̱ ci adawana olli Ya̱u̱do̱,

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

1 Ko̱ri̱nto̱ 13:7

Eela rezinet ol, alam kaal cik gerzek a̱vvu̱na̱k e̱e̱t ci anyak rezinet zinina. Iróng tu̱we̱ne̱t ci e̱e̱t ci anyak rezinet aṯurneke. Aanyik rezinet nonno karik zinin deten ci Ta̱mu̱ta̱dde̱no̱ kar kanyik bo̱do̱k kinim no̱ngi̱tto̱n cik a̱vvu̱na̱k nonno.

Ga̱la̱ti̱a̱ 6:2

Eelta ol cik anyak no̱ngi̱tto̱n orgene cunno̱ng, ming u̱tu̱gu̱zzu̱ niko, u̱zu̱ttu̱ zin niga lo̱ti̱nno̱k cik Ki̱ri̱sto̱.

Evesos 1:4

Atahalait enne agit la̱du̱n baling ngen looci keteehenyai, kar kizet ol cik a̱li̱le̱ ki̱zze̱c mu̱nye̱na̱ ngu̱me̱ cinne kar naga kabait rezinta.

Kolosiya 1:11

Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

1 Peturu 3:15

Abarik o̱to̱ngo̱o̱ltte̱ Ki̱ri̱sto̱ kize Manyi zi̱nze̱tti̱nne̱ cuggo̱k. Abunna ming erewinnu ju̱rru̱m kar abarizet e̱e̱t ci a̱jji̱nne̱ orong ka̱gga̱ zoz ci anyakku niga arikku zi̱nze̱tti̱ ko̱.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.