Evesos 3:20 - Tennet

²⁰ Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c.

Evesos 3:20 ပူးပေါင်းရင်းမြစ်များ

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 18:4

Inya kanyaha maam u̱gge̱ cik uudentak kar ocokte e̱le̱tti̱ kar i̱ye̱be̱zi̱t arrak do̱yo̱i̱t keete cu.

Ma̱te̱yo̱ 3:9

Ma a̱nne̱kku̱ zi̱nze̱tti̱ ne, ‘Kanyaka be̱e̱ti̱nna̱ng Aburaham.’ Ka̱du̱wa̱kku̱ng adimanek wo̱ye̱ Ta̱mu̱ta̱dde̱n Aburaham dooli biyene ciko.

Kaviyak wak Abunna Ta̱mu̱ta̱dde̱no̱ eher Joni 10:10

A̱kku̱ gon la̱du̱n ogoryaiti ogor ki ru̱we̱ne̱t e̱e̱t ka̱da̱k kar bo̱do̱k kegerzan lo̱o̱c. Imma anna ka̱kku̱ni̱ ko̱ kanyahakung ruget wa aave udut, abunna ming anyakku ruget do̱o̱k.”

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

Roma 4:21

A̱gga̱ enne anyak Ta̱mu̱ta̱dde̱n komiz kar ku̱tu̱gu̱ kaal balik u̱du̱wa̱ enne ke̱.

1 Ko̱ri̱nto̱ 2:9

Ki i̱yo̱ko̱ ming e̱he̱rye̱ warage wa Ta̱mu̱ta̱dde̱no̱ azi ne: “Ngen e̱be̱re̱ci̱ imma kicin, ngen itati imma kizik, ngen e̱e̱ti̱ imma ki̱no̱na̱, kaal cik idimanek Ta̱mu̱ta̱dde̱n ol wak irez nonno”

2 Ko̱ri̱nto̱ 9:8

A̱ma̱yu̱ki̱n zin atin Ta̱mu̱ta̱dde̱n kaale cik orongi i̱nna̱ do̱o̱k, aanyi atin Ta̱mu̱ta̱dde̱n kaal cik meelek kar umuc ol cik meelek kaale cik abunna.

Evesos 1:19

Korongnyung abunna ming a̱gga̱yyu̱ doiz ci Ta̱mu̱ta̱dde̱no̱ a̱ddi̱ki̱re̱ wa a̱li̱ngli̱ng ngatinna ol wak a̱tu̱ zoz cinne. Doiz neci ele ci a̱li̱ngli̱ng zi̱nze̱tti̱nne̱ cigga̱c,

Evesos 3:7

Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu.

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

I̱bu̱ru̱ 11:19

U̱du̱wa̱ zin Aburahami zinine cinne zoz ci azi ne ming a̱da̱i̱ I̱sa̱ko̱, ingane atin Ta̱mu̱ta̱dde̱n nonno daiza. U̱tu̱gu̱ zin ki ming ingane Ta̱mu̱ta̱dde̱n nonno daiza.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

Je̱mi̱s 4:12

Anyak e̱e̱t co̱de̱ ṯok, Ta̱mu̱ta̱dde̱n ci aanyik ol lo̱ti̱nno̱k kar ketted lo̱ki̱ko̱, nonno do̱ ci uule ki̱ti̱ri̱z kar kidita ol do̱o̱k. Abarik, e̱e̱ni̱ i̱nna̱ ngene kar ettedik e̱e̱t ci diiri lo̱ki̱ko̱ ko̱?

2 Peturu 1:11

Kar zin go̱o̱le̱ necu, a̱gga̱ma̱nu̱ng atin Manyitinna Ti̱ri̱zo̱i̱t Ye̱su̱ Ki̱ri̱sto̱ talinte ci a̱ppwe̱ oroot ba̱a̱li̱nte̱ cinne aave udut.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.