Evesos 3:2 - Tennet

² Iziktu niga bunnat ci Ta̱mu̱ta̱dde̱no̱ ngati ahalana annit kar keelaung zo̱ze̱ ci Ta̱mu̱ta̱dde̱no̱.

Evesos 3:2 ပူးပေါင်းရင်းမြစ်များ

Buk wa To̱ni̱a̱u̱ 13:2

Imma ngati bali alawe nege Manyi kar bo̱do̱k ki̱ya̱yo̱, ize Vongizi ci A̱li̱le̱ ne, “Atahaltta Saul ki Barnabas ku̱tu̱gu̱zzo̱ li̱ngli̱ngo̱n bali kawak anna nogo la̱du̱n ke̱.”

Buk wa To̱ni̱a̱u̱ 13:46

O̱bo̱dde̱k zin bo̱do̱k Pa̱u̱lo̱ ki Barnabas mazeta: Korongnya arrak naga ku̱du̱ktta̱u̱ng i̱ge̱t zoz ci Ta̱mu̱ta̱dde̱no̱. Ma i̱yo̱ko̱ ming aburnnu ko̱, i̱ye̱la̱ zoz necu azi ne, iróng niga orongnyu baiz wa aave udut, kovvo zin naga kuwaheka ol cik iróng e̱e̱ggi̱n Ya̱u̱d.

Buk wa To̱ni̱a̱u̱ 22:21

“Kar zin Manyi, kizeya ne, ‘Bito; ki̱tto̱ni̱ atin anna i̱nne̱t bit ngati reeni many ngati i̱do̱ngi̱nnu̱.’”

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 11:13

Korongi kozozeung i̱ge̱t ol cik iróng e̱e̱ggi̱nnu̱ Ya̱u̱d ko̱, i̱tto̱na̱na̱ Ta̱mu̱ta̱dde̱n kar kize to̱ni̱a̱t ci Ye̱su̱, ka̱li̱ngli̱ngi̱ zoz cinne orgene ci ol cik iróng e̱e̱ggi̱n Ya̱u̱d. Katalne anna oroot li̱ngli̱ngo̱ne̱ necu.

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

Ga̱la̱ti̱a̱ 1:13

A̱gga̱yyu̱ ri̱t niga ba̱li̱ye̱ baiz cinanni kabahe kize e̱e̱t ci kazunne keer ci Ya̱u̱do̱. Ki̱gi̱da̱ ba̱li̱ye̱ oroot ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱, korongi kegerzan nogo.

Evesos 1:10

I̱ye̱le̱kke̱t Ta̱mu̱ta̱dde̱n gi̱i̱ ci arike enne i̱i̱te̱n ci atin kar kidongte kaala waginnek eenyca ta̱mu̱-kenga ki lo̱o̱ta̱ do̱o̱k ko̱do̱ye̱ kar Ki̱ri̱sto̱ kabal nogo do̱o̱k.

Evesos 3:7

Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Evesos 3:9

Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱.

Evesos 4:21

Iziktu niga zoz ci obod ki Ye̱su̱ ju̱rru̱m, edemeztu gool wainne de̱de̱.

Evesos 4:7

Ma̱i̱je̱ Ki̱ri̱sto̱ engerek ol deten ci a̱li̱ngli̱nge̱ ngengene baize cinne.

Kolosiya 1:4

eci kizikta naga tu̱we̱ne̱t ci anyakku ngati Ye̱su̱ Ki̱ri̱sto̱, ki rezinet ci irezzu niga ol cik Ta̱mu̱ta̱dde̱no̱ do̱o̱k.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

1 Ti̱mo̱te̱yo̱ 1:11

orkor ki kaviyak cik abunna Ta̱mu̱ta̱dde̱no̱ manyi ma̱yu̱we̱ne̱t balik i̱lo̱ti̱ka̱ enne annit ke̱.

1 Ti̱mo̱te̱yo̱ 1:4

Ma anyike ol ne̱ke̱ kecebta ol wak a̱tu̱we̱ o̱o̱tti̱ nga̱ri̱de̱te̱ wak reentik ki boorzet wa obod ki ji̱ji̱ti̱gga̱c, ma̱rri̱t kaala ne̱ke̱ ming anyaha dangonet ci gerze do̱ niko. Iróng dangonet neci eela e̱e̱t imma kabak baiz ci a̱tu̱we̱ enne Ta̱mu̱ta̱dde̱n zinine ci abunna.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

2 Ti̱mo̱te̱yo̱ 1:11

Atahala Ta̱mu̱ta̱dde̱n kize to̱ni̱a̱t ci Ye̱su̱ kar kuwahek ol kaviyak cik abunna, kar bo̱do̱k kize de̱me̱zo̱i̱t ci zoz neci.