Evesos 3:17 - Tennet

¹⁷ Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.

Evesos 3:17 ပူးပေါင်းရင်းမြစ်များ

Ma̱te̱yo̱ 13:6

Imma baling okko iyowa koor ci a̱bu̱re̱, utuz ma̱na̱ neci kodok eci iróng nege anyak egero cik i̱i̱zo̱ lo̱o̱c ju̱rru̱m.

Lu̱ka̱ 6:48

Ogon enne ki e̱e̱ti̱ ci eenyet ce̱e̱z, a̱da̱ enne lo̱o̱c kuk lo̱o̱ta̱ kar keteheenyek ce̱e̱z nginti een bee. Ming okko tawani a̱kku̱ rok ce̱e̱z, ma̱i̱je̱ ngatu iróng ce̱e̱z omoti, eci eenyce ce̱e̱z neci ju̱rru̱m.

Kaviyak wak Abunna Ta̱mu̱ta̱dde̱no̱ eher Joni 14:17

Een zin neci Vongiz wa een de̱de̱. Iróng zin ol cik lo̱o̱tu̱ elemi nonno eci nege iróng acin icima a̱gga̱ nonno. A̱gga̱yyu̱ zin abarik niga nonno ma̱rri̱t ming abakku bu̱k, kar zin atin ka̱vvu̱ zi̱nze̱tti̱nne̱ cuggo̱k.”

Kaviyak wak Abunna Ta̱mu̱ta̱dde̱no̱ eher Joni 14:23

O̱bo̱de̱k Ye̱su̱ nogo a̱nne̱k ne, “Ming ireza e̱e̱ti̱ imma annita, elemi wo̱ye̱ enne de̱mzi̱ne̱t cinanni. Okko atin Baba irez nonno, kar zin naga ki̱vi̱ta̱ha̱ nonno, kar koot kidimanta ce̱e̱z wanna̱ng, kar kabakta ki e̱e̱t neci.

Kaviyak wak Abunna Ta̱mu̱ta̱dde̱no̱ eher Joni 17:23

Ko̱do̱wi̱na̱ anna ki nogo kar zin bo̱do̱k i̱nna̱ ki annita ko̱do̱ye̱. Anyik bai nogo kurumte ko̱do̱ye̱ ṯok kar anyik ol wak lo̱o̱tu̱ ka̱gga̱c ming een i̱nne̱t ci i̱tto̱na̱na̱n, irezzit zin nogo ki bali ming irezang annit ke̱.”

Kaviyak wak Abunna Ta̱mu̱ta̱dde̱no̱ eher Joni 6:56

Ming adak e̱e̱ti̱ ele cinanni kar bo̱do̱k kuud bi̱ye̱ cigannik, karumena ki nonno.

Roma 5:5

Iróng zoz ci karike naga zi̱nze̱tti̱ Ta̱mu̱ta̱dde̱n ko̱ unyaneta, eci Ta̱mu̱ta̱dde̱n aanyyet agit rezinet cinne zi̱nze̱tti̱nne̱ cigga̱c go̱o̱le̱ ci Vongiz ci A̱li̱le̱, ci aanyet enne agita.

1 Ko̱ri̱nto̱ 3:6

Kirira ba̱li̱ye̱ anna ma̱na̱, okko Apollosi a̱ddu̱te̱k maam, ma̱i̱je̱ Ta̱mu̱ta̱dde̱n anyak li̱ngli̱ngo̱n ci riili oroot, eci enne aanyik ma̱na̱ kitiliz.

1 Ko̱ri̱nto̱ 8:1

Korongi ku̱du̱wa̱u̱ng zoz ci obod ki da̱i̱ne̱t wak aanyik ol ta̱mu̱ta̱dde̱ne̱t wak adimanai azzine. Ka̱gga̱ naga do̱o̱k kanyak naga genyiz. Aanyyet genyizi kodongit e̱le̱tti̱. Ma̱i̱je̱ rezinet aanyyet ka̱vvu̱t labak kodoit kak.

2 Ko̱ri̱nto̱ 13:5

Timan ele cunne kar ruba ming anyai i̱nna̱ tu̱we̱ne̱t de̱de̱. Ming anyai i̱nna̱ tu̱we̱ne̱t neci, okko a̱gga̱ aave Ki̱ri̱sto̱ ngatinne. Ming iróng Ye̱su̱ Ki̱ri̱sto̱ abak ngatunne, u̱yu̱we̱ i̱nna̱ timaninet neci.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.

Kolosiya 2:7

U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.

1 Jon 4:16

Ka̱gga̱yya̱ naga e̱le̱tti̱ne̱, irezet agit Ta̱mu̱ta̱dde̱n, ka̱tu̱yya̱ zin zoz neci. Een Ta̱mu̱ta̱dde̱n rezinet, ming aruge e̱e̱ti̱ ngati Ta̱mu̱ta̱dde̱no̱, aave Ta̱mu̱ta̱dde̱n bu̱k ngatinne. Een Ta̱mu̱ta̱dde̱n rezinet. Ming kabak naga rezinta, kabak naga ki Ta̱mu̱ta̱dde̱n, kar enne ka̱vvu̱ baize cinna.

1 Jon 4:4

Niga dooli cigannik tu̱we̱nta̱, a̱gga̱c e̱e̱ggi̱nnu̱ niga dooli cik Ta̱mu̱ta̱dde̱no̱, ommogtu niga vongizzok eci Vongizi ci A̱li̱le̱ aave ngatinno̱ng ko̱ ommog Sitan ci aave lo̱o̱ta̱ ngatu ko̱.

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.