Evesos 3:1 - Tennet

¹ Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Evesos 3:1 ပူးပေါင်းရင်းမြစ်များ

Lu̱ka̱ 21:12

“Ma̱i̱je̱ ming ngen kaala ne̱ko̱ ka̱ka̱tte̱, a̱gga̱mnyu̱ng ol azzine kar ki̱gi̱ddu̱ng. Ovvoyyung lo̱ki̱ka̱ kar ku̱ju̱kte̱u̱ng lagam, ovvoyyung alaate Ce̱e̱zi̱nne̱ wak Lawinto zo̱ze̱ cinanni.

Buk wa To̱ni̱a̱u̱ 21:33

I̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ eceb Pa̱u̱lo̱ kar zin enne ku̱du̱wa̱k ol kecebit nonno diditai cik e̱e̱ggi̱n rama. Kar zin enne ki̱jji̱no̱, een enne ngene, u̱tu̱gu̱ enne nyaa?

Buk wa To̱ni̱a̱u̱ 23:18

Uwe zin enne nonno rok ddi̱ki̱ryo̱i̱t wa a̱ddi̱ki̱re̱. Kar zin ddi̱ki̱ryo̱i̱ti̱ kizek nonno ne, “I̱tto̱na̱na̱ Pa̱u̱lo̱ wa e̱ce̱bje̱ ko̱, a̱jji̱nna̱ bo̱do̱k annita kar kanyaha lo̱gu̱t cu rok i̱nne̱ta̱ eci enne anyak zoz ci okko a̱du̱wa̱ki̱ i̱nne̱ta̱.”

Buk wa To̱ni̱a̱u̱ 26:29

Iizek Pa̱u̱lo̱ nonno ne, “Ma̱i̱je̱ nu̱nu̱n ming een i̱i̱te̱n co̱de̱ icima i̱i̱nya̱ cik meelek, kalaweki i̱nne̱t ki ol cik azikna ko̱ do̱o̱k Ta̱mu̱ta̱dde̱n kar kizeto Kiristian ki i̱yo̱ko̱ anna ko̱, iróng korongi ming e̱ce̱bje̱ nege lagama.”

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

2 Ko̱ri̱nto̱ 1:6

Kapirnanna naga abunna ming a̱ti̱ri̱zu̱ng Ta̱mu̱ta̱dde̱n, ming eelannet Ta̱mu̱ta̱dde̱n, abunna keelannung, kar ka̱a̱nyu̱ng nimenet no̱ngi̱tto̱n cik kapirnanna naga ko̱.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 11:23

E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

Ga̱la̱ti̱a̱ 5:11

Gotonogga ki ngonogga tu̱we̱nta̱, ming ngen anna ke̱de̱me̱zi̱ ol zoz ci ettede ol vi̱ca̱vi̱cce̱t kize gool ci amudanne ol baiz ci abunna Ta̱mu̱ta̱dde̱no̱, inya bo̱do̱k ming a̱gi̱dda̱ ol ko̱? Ka̱gga̱ ngen ol a̱gi̱dda̱ annit eci kuwahek ol zoz ci a̱ti̱ri̱ze̱ Ta̱mu̱ta̱dde̱n nogo go̱o̱le̱ ci a̱da̱kne̱ Ye̱su̱ ta̱la̱ke̱ca̱ do̱ niko kar kaara ol mu̱nye̱n.

Ga̱la̱ti̱a̱ 5:2

Izikto da̱, annita Pa̱u̱lo̱ ci ka̱du̱wa̱kku̱ng zoz cu: Ming etteddu vi̱ca̱vi̱cce̱t abunna Ta̱mu̱ta̱dde̱n a̱gga̱mnyu̱ng, iróng zin amudannu gi̱i̱ imma ngati Ki̱ri̱sto̱.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Evesos 3:11

U̱tu̱gu̱ Ta̱mu̱ta̱dde̱n zoz necu niko gi̱i̱ye̱ ci i̱no̱n enne do̱ zinina. Uule zin enne ku̱tu̱gu̱ zoz bali i̱no̱n enne ke̱ eci Manyitinna Ye̱su̱ Ki̱ri̱sto̱ u̱tu̱gu̱ kaal ne̱ke̱ do̱o̱k.

Evesos 3:13

Abarik i̱yo̱ko̱ kilalekkung ka̱nne̱kku̱ng ne ma akannu culum, eci anna kapirna zo̱ze̱ cunno̱ng. Eci zo̱ze̱ necu, o̱ngo̱o̱li̱nnu̱ng atin ol i̱ge̱ta̱.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 6:20

Eci ke̱e̱ni̱ zin anna to̱na̱i̱t ci kar kuwahek ol kaviyak cik Ta̱mu̱ta̱dde̱no̱ abunna, ming kecebje nu̱nu̱n ko̱. Alayeang Ta̱mu̱ta̱dde̱n kar kuwahek ol zoz ci Ta̱mu̱ta̱dde̱no̱ mazeta labak.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

Kolosiya 4:18

Annita Pa̱u̱lo̱ ci keherakkung i̱ge̱t zawinet cu a̱tte̱ cinanni. Abunna zin ming a̱a̱da̱nnu̱ ce̱bi̱ne̱t cinanni lagama. Anyik deten ci Ta̱mu̱ta̱dde̱no̱ ka̱vvu̱ ngatinno̱ng.

Kolosiya 4:3

Kar alayettu agit bu̱k Ta̱mu̱ta̱dde̱n, kar enne koowet gool ci kuwaheka ol kaviyak cik abunna, kar ku̱du̱kta̱k ol zoz ci Ye̱su̱ Ki̱ri̱sto̱ bali a̱lu̱gnye̱ ke̱. Kecebje zin anna lagama zo̱ze̱ necu.

2 Ti̱mo̱te̱yo̱ 1:16

Anyik Manyi ka̱mu̱yu̱k ce̱e̱z ci Onesiphorus, ma̱rri̱t ba̱li̱ye̱ ozozikan, iróng enne anyak a̱li̱ya̱n zo̱ze̱ ci kecebine anna lagama ko̱.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

Vilomene 1:1

Ki̱tto̱na̱ waraga cu anna Pa̱u̱lo̱ wa kecebje lagama zo̱ze̱ ci Ye̱su̱ Ki̱ri̱sto̱. Keherya waraga cu anna ki Ti̱mo̱te̱yo̱ gotonet tu̱we̱nta̱. Keherika Vilomene gotonet tu̱we̱nta̱ kar bo̱do̱k ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱.

Vilomene 1:23

I̱tto̱na̱ zin e̱e̱ti̱ ci een zara Epaphras zawinet cinne, nonno ci kecebina bu̱k zo̱ze̱ ci kuwaheka ol kaviyak cik Ki̱ri̱sto̱ Ye̱su̱.

Vilomene 1:9

Abarik kilaleki rezinta, anna Pa̱u̱lo̱ e̱e̱ti̱ ci a̱ddi̱ki̱re̱. I̱yo̱ko̱ kecebje zo̱ze̱ ci kuwahek ol kaviyak cik Ye̱su̱ Ki̱ri̱sto̱.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.