Evesos 2:2 - Tennet

² Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 2:2 ပူးပေါင်းရင်းမြစ်များ

Ma̱te̱yo̱ 11:19

Imma anna Ngerrti E̱e̱to̱, kadakce, kaude ki ol do̱o̱k, kar ol kizeto ne, ‘Een e̱e̱ti̱ cu elemnyoit kar bo̱do̱k kize bba̱kco̱i̱t, een gonen ki ol wak aluta mucuru ki olli mu̱nye̱nu̱.’ A̱gga̱ ol genyiz de̱de̱ go̱o̱le̱ ci ogone enne kaal.”

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 13:38

Okko ma̱na̱ een lo̱o̱c ci kaavtte ko̱, ovvo i̱nyo̱mo̱na̱ cik abunna ko̱, e̱e̱ggi̱n dooli cik ba̱a̱li̱ne̱t ci ta̱mu̱-kengo. Ovvo lobali e̱e̱ggi̱n dooli cik lo̱rye̱nta̱k.

Marko 4:19

ma̱i̱je̱ ming i̱no̱n nege kaal wak baizak, ki lu̱te̱ne̱t wa oronge e̱e̱ti̱ kize jaitot, okko zoz necu adudut zoz bali izik e̱e̱ti̱ ke̱, kar zoz neci iróng ngen anyaha zoz ci abunna.

Lu̱ka̱ 16:8

“Innat zin i̱to̱i̱ti̱ ddi̱ki̱ryo̱i̱t ci a̱li̱ngli̱ng ki nonno ko̱ eci enne u̱tu̱gu̱ kaal genyize cinne. Eci ol cik lo̱o̱c cu anyak genyiz ci ogon nege ngati owowone ki ol u̱gge̱, kommog ol cik abak zo̱ze̱ ci een de̱de̱.

Lu̱ka̱ 22:31

“Si̱mo̱ne̱, Si̱mo̱ne̱, a̱jji̱nne̱ Sitani kar ketegelung i̱ge̱t kiwagon labina.

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 13:2

Baling anyaktta ol da̱i̱ne̱t cik adak ol yo̱mo̱na̱, i̱tto̱ da̱ lo̱rye̱nti̱ zinin ci Judas Iskariyot wa een ngerrti Si̱mo̱ne̱ ci atin okko adawa Ye̱su̱.

Kaviyak wak Abunna Ta̱mu̱ta̱dde̱no̱ eher Joni 13:27

Baling a̱gga̱ma̱ Judasi á̱há̱t ngati Ye̱su̱, i̱tto̱ zin Sitani nonno. Izek zin Ye̱su̱ nonno ne, “Tu̱gu̱ zoz ci okko i̱nna̱ ogoni ko̱ ataman.”

Kaviyak wak Abunna Ta̱mu̱ta̱dde̱no̱ eher Joni 14:30

Iróng ngen kozozi u̱u̱mu̱c, i̱ki̱ya̱ ngerrti lo̱rye̱nto̱ wa een alaan ci lo̱o̱tu̱. Iróng anyak komiz ci ommogja annita,

Kaviyak wak Abunna Ta̱mu̱ta̱dde̱no̱ eher Joni 15:19

Ming e̱e̱ggi̱nnu̱ niga ol cik lo̱o̱tu̱, irezung ol cik lo̱o̱tu̱ kiwagon ming irez ol wagge̱k lo̱o̱tu̱ ogon kaal cik gerzek. Iróng niga e̱e̱ggi̱nnu̱ olli lo̱o̱tu̱, katahalaung zin anna i̱ge̱t kar u̱tu̱gu̱z kaal cik ogon ol cik Ta̱mu̱ta̱dde̱no̱ iróng bo̱do̱k ngen ogonnu kaal cik gerzek ogon ol wak lo̱o̱tu̱. Zoz zin ci amarinnung ol cik lo̱o̱tu̱ ko̱ nenen necu.

Kaviyak wak Abunna Ta̱mu̱ta̱dde̱no̱ eher Joni 16:11

I̱ye̱le̱k atin De̱me̱zo̱i̱ti̱ nogo zoz ci lo̱ki̱ko̱ ci etteddek Ta̱mu̱ta̱dde̱n alaan ci kuulou wa lo̱o̱c cu.

Kaviyak wak Abunna Ta̱mu̱ta̱dde̱no̱ eher Joni 7:7

Iróng olli lo̱o̱tu̱ amarinnung, abarik amarinnan eci anna ka̱du̱wa̱ke̱ nogo kaal cik gerzek ogon nege.

Kaviyak wak Abunna Ta̱mu̱ta̱dde̱no̱ eher Joni 8:23

Abarik zin Ye̱su̱ okko oowa zoza dee, kar bo̱do̱k kize ne, “E̱e̱ggi̱nnu̱ niga ol cik ngololu, kokko anna ke̱e̱ni̱ e̱e̱t ci ta̱dde̱nu̱. E̱e̱ggi̱nnu̱ niga ol cik lo̱o̱c cu, iróng anna ke̱e̱ni̱ ci lo̱o̱c cu.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Buk wa To̱ni̱a̱u̱ 19:35

Imma bali vu̱rrta̱, i̱ti̱va̱n zin e̱e̱ti̱ ci gaalau zu̱we̱ kar kizek ne, “Niga ol cik Ephesusi, ma dim ol cik lo̱o̱c cu do̱o̱k iróng a̱gga̱ anyak orogi cinna ce̱e̱z ci ta̱mu̱ta̱dde̱n wa een Artemis a̱ddi̱ki̱re̱ ki ri̱ri̱to̱n cinne bali i̱i̱na̱ ta̱mu̱-kenga ke̱?

Buk wa To̱ni̱a̱u̱ 5:3

Ize zin Peturu ne, “Ananiyas, nyaa ming anyik i̱nna̱ Sitan kuwe zinin cunne do̱o̱k ngati ovolonge Vongiz ci A̱li̱le̱ a̱lu̱gnye̱ o̱ro̱bi̱ya̱ u̱gge̱ cik utene i̱nna̱ lo̱o̱c cunne ko̱?

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

1 Ko̱ri̱nto̱ 5:10

Imma zoz necu iróng akati ol cik lo̱o̱tu̱ e̱e̱ggi̱n a̱li̱ya̱k, anyak zi̱nze̱tti̱ cik a̱ppi̱nte̱k kaale, e̱e̱ggi̱n ogoryak, ala to̱do̱yyo̱k kize ta̱mu̱ta̱dde̱n cinne̱ng. Anyak ol cik iróng a̱tu̱we̱ meelek lo̱o̱co̱we̱ do̱o̱k, i̱llo̱i̱ gool ci aarannu niga e̱le̱tti̱ cuggo̱k.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Evesos 1:21

Imma nginati, anyak Ki̱ri̱sto̱ doiz ci abale kaal do̱o̱k lo̱o̱ta̱ ngatu ki bo̱do̱k atin ta̱mu̱-kenga.

Evesos 2:11

Abunna zin ming a̱a̱da̱nnu̱ iróng niga e̱e̱ggi̱nnu̱ olli Ya̱u̱do̱. Awuyung ba̱li̱ye̱ ol wak etted wucic vi̱ca̱vi̱cce̱t ko̱ izet ol cik iróng etted wucic vi̱ca̱vi̱cce̱t.

Evesos 2:13

E̱e̱ggi̱nnu̱ niga ol balik aavtiyyu reena ngati Ta̱mu̱ta̱dde̱no̱, ma̱i̱je̱ i̱yo̱ko̱, aanyik Ki̱ri̱sto̱ Ye̱su̱ ele cinne kize wawac kar kidimanung i̱ge̱t izet ol cik Ta̱mu̱ta̱dde̱no̱.

Evesos 2:3

Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.

Evesos 4:17

Eci anna ke̱e̱ni̱ nuyait ci Manyi, ki̱lo̱tu̱ng oroot, ma ngen abakku ki ol wak iróng e̱e̱ggi̱n Ya̱u̱d a̱zze̱ o̱o̱tti̱ ki ol wak iróng a̱gga̱ Ta̱mu̱ta̱dde̱n.

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Evesos 5:8

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

Evesos 6:12

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

Kolosiya 1:21

Edewannu niga ba̱li̱ye̱ e̱le̱tti̱ ngati Ta̱mu̱ta̱dde̱no̱ kar izet mo̱ddo̱ i̱no̱ni̱nte̱ cunno̱ng ma̱rri̱t niga ogonnu mu̱nye̱n.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.

Je̱mi̱s 1:7

Imma e̱e̱ti̱ ci anyak zi̱nze̱tti̱ rama, ma i̱no̱ni̱ azi ne, aanyi atin Manyi gi̱i̱ imma;

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

1 Peturu 1:14

Ki i̱yo̱ko̱ dooli cik aziye zoz ko̱, ma ngen ogonnu bo̱do̱k kaal cik gerzek balik ogonnu niga baling ngen a̱gga̱c zoz ci een de̱de̱.

1 Peturu 4:3

Abakttu niga lo̱o̱ta̱ ngatu oroot, ogonnu ki ol wak iróng a̱gga̱ Ta̱mu̱ta̱dde̱n, ogonnu kaal cik gerzek amin zi̱nze̱tti̱ ciggo̱k, e̱e̱ggi̱nnu̱ a̱li̱ya̱k, e̱e̱ggi̱nnu̱ bba̱kco̱k, ogonnu bo̱do̱k to̱do̱yyo̱k kize ta̱mu̱ta̱dde̱ne̱t.

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

1 Jon 4:4

Niga dooli cigannik tu̱we̱nta̱, a̱gga̱c e̱e̱ggi̱nnu̱ niga dooli cik Ta̱mu̱ta̱dde̱no̱, ommogtu niga vongizzok eci Vongizi ci A̱li̱le̱ aave ngatinno̱ng ko̱ ommog Sitan ci aave lo̱o̱ta̱ ngatu ko̱.

1 Jon 5:19

Ka̱gga̱ naga niko ming ke̱e̱ggi̱n naga dooli cik Ta̱mu̱ta̱dde̱no̱, imma lo̱rye̱nti̱ abal ol wak lo̱o̱tu̱ iróng a̱gga̱ Ta̱mu̱ta̱dde̱n ko̱ do̱o̱k.

1 Jon 5:4

eci dooli cik Ta̱mu̱ta̱dde̱no̱ ommog kaal cik lo̱o̱c cu. Kar tu̱we̱ne̱t cinna ci aanyet doiz ci kommoge kaal ne̱ko̱ do̱o̱k.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 16:17

U̱ddu̱te̱k zin anjilo wa een turgerem ko̱ uduc cinne ngoot. Iyowa zin Ce̱e̱ze̱ wa Ta̱mu̱ta̱dde̱no̱ mului ci oroi lecera, azi ne, “U̱tu̱gu̱we̱ ubunna!”

O̱no̱zzo̱k 20:2

A̱gga̱m enne u̱ggu̱l ci a̱ddi̱ki̱re̱, een enne bo̱do̱k uwat ci a̱ddi̱ki̱re̱ unuk da̱, een enne lo̱rye̱ni̱t ci een zara Sitan, kar zin enne keceb nonno e̱rki̱to̱k i̱bbo̱ng co̱de̱ (1,000).