Evesos 2:19 - Tennet

¹⁹ Niga ol wak iróng e̱e̱ggi̱n Ya̱u̱d, iróng niga e̱e̱ggi̱nnu̱ mo̱ddo̱ icima i̱do̱ngi̱ ngu̱me̱ ci Ta̱mu̱ta̱dde̱no̱, abarik izetu niga boor co̱de̱ ki i̱yo̱ko̱ ol wak een boor ci Ta̱mu̱ta̱dde̱no̱ a̱tu̱ nonno ko̱.

Evesos 2:19 ပူးပေါင်းရင်းမြစ်များ

Ma̱te̱yo̱ 10:25

Ovvo zin atin demezyaha icima nuyaha wak edemez ol ko̱ ogon ki de̱me̱zo̱i̱ti̱. Ovvo bo̱do̱k du̱cca̱ha̱ ogon ki ddi̱ki̱ryo̱i̱ti̱. Ming a̱nne̱k ol manyi ce̱e̱z ne Beelzebub, a̱nne̱k wo̱ye̱ olli ce̱e̱z cinne do̱o̱k ne?

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

Evesos 2:12

Imma e̱rki̱te̱ neci, iróng niga a̱gga̱yyu̱ zoz ci obod ki Ki̱ri̱sto̱. E̱e̱ggi̱nnu̱ niga i̱do̱ngi̱ ki olli Israilo ngati olom bali u̱du̱ya̱i̱ ke̱, iróng niga anyakku taban ci aanyik Ta̱mu̱ta̱dde̱n nogo. Abakku ba̱li̱ye̱ niga lo̱o̱ce̱ cu gaganiko, i̱llo̱i̱ zoz ci a̱kku̱ atin, i̱llo̱i̱ rok Ta̱mu̱ta̱dde̱n bu̱k.

Evesos 3:15

Amuda kaala cik abak ta̱mu̱-kenga ki lo̱o̱ta̱ ngatu ruget do̱o̱k ngatinne.

Evesos 3:6

Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

I̱bu̱ru̱ 13:14

Ka̱gga̱ naga ju̱rru̱m iróng looci cu ci kabahe udut, anyak atin orog ci aave udut, ngen naga kere orog ci aave do̱ ci atin a̱kku̱.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

1 Jon 3:1

A̱ppwa̱ rezinet ci irezet Baba oroot, awuyet zin ol agit kizetta dooli cik Ta̱mu̱ta̱dde̱no̱, ke̱e̱ggi̱n naga dooli cik Ta̱mu̱ta̱dde̱no̱ de̱de̱. Kar zin zoz ci iróng olli lo̱o̱tu̱ a̱gga̱yye̱t ko̱ icu, iróng nege a̱gga̱ nonno.