Evesos 2:15 - Tennet

¹⁵ Aara bo̱do̱k Ye̱su̱ marnonet bali anyaha lo̱ti̱nno̱wa̱ wak Ya̱u̱do̱ eher Musesi ke̱. Anyaha enne olli Ya̱u̱do̱ ki modden ka̱vvu̱to̱ nga̱to̱de̱, ku̱tu̱gu̱zzo̱ ki ci e̱e̱ggi̱n nege dooli cik e̱e̱t co̱de̱, ming idonget enne ganonte ci anyaha enne ko̱.

Evesos 2:15 ပူးပေါင်းရင်းမြစ်များ

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Ga̱la̱ti̱a̱ 3:28

Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱.

Ga̱la̱ti̱a̱ 6:15

Icu zoz imma, ming etted e̱e̱ti̱ wucic vi̱ca̱vi̱ca̱ icima iróng ettedi, iróng ogon gi̱i̱ imma. Abarik zoz ci riili do̱o̱k icu, abunna ming anyak e̱e̱ti̱ baiz ci cuulai.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Evesos 2:14

Ye̱su̱ ele ci aganiz olli Ya̱u̱do̱ ki ol cik iróng een Ya̱u̱d, nonno ele ci arum olli Ya̱u̱do̱ ki ol cik iróng een Ya̱u̱d kizeto boor co̱de̱. Aara zin enne gi̱i̱ bali anyike nogo kamarto ke̱. Ogon enne zoz necu daize bali a̱da̱kne̱ enne keete ci een ta̱la̱ke̱c ke̱.

Evesos 2:16

Imma ta̱la̱ke̱ca̱, i̱ti̱vi̱la̱ Ye̱su̱ zoz ci kamarnone naga do̱o̱k. Anyaha gano orgen cinna ki Ta̱mu̱ta̱dde̱n go̱o̱le̱ ci aganize enne olli Ya̱u̱do̱ ki cik iróng een Ya̱u̱d.

Evesos 4:16

ci eliyo, Ki̱ri̱sto̱ zin ci a̱gga̱ ele do̱o̱k kar kaanyik ki̱li̱ngli̱nge̱t ju̱rru̱m, ngati ingane e̱e̱ti̱ kokkom eci enne anyak rezinet.

Kolosiya 2:14

Aara zin enne mu̱nye̱n cik aavtte ngatinna zo̱ze̱ ci iróng naga ko̱ngo̱o̱li̱ne̱ Lo̱ti̱nno̱k cik Musesi. Idimak enne mu̱nye̱n tu̱ go̱o̱le̱ ci a̱da̱kne̱ Ye̱su̱ keete ci een ta̱la̱ke̱c.

Kolosiya 2:20

Urumteziu niga Ki̱ri̱sto̱ daize cinne, kar aarta e̱le̱tti̱ baize ci lo̱o̱tu̱ ko̱. Nya bo̱do̱k ming abakku ki ci ngen o̱ngo̱o̱li̱nnu̱ kaal cik lo̱o̱tu̱ ogon ki ne̱ko̱ ko̱:

Kolosiya 3:10

Anyaktu zin i̱yo̱ko̱ niga baiz ci een jor, kar Manyi ka̱a̱nyu̱ng baiz ci abunna kar a̱gga̱c nonno ju̱rru̱m, kar bo̱do̱k ubunntta ki i̱yo̱ko̱ enne ko̱.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.

I̱bu̱ru̱ 7:16

Een e̱e̱ti̱ ci wawaco ko̱, ci a̱li̱ngli̱ng Ce̱e̱ze̱ wa Ta̱mu̱ta̱dde̱no̱, ahala Manyi zo̱ze̱ ci een jor, iróng een zo̱ze̱ ci boor cinne, abarik eci bo̱do̱k anyak enne doiz ci abahe udut, i̱llo̱i̱ gi̱i̱ imma ci a̱ru̱k nonno.

I̱bu̱ru̱ 8:13

Imma zin go̱o̱le̱ ci a̱du̱wa̱ne̱ enne olom necu, aanyik enne olom necu kize jor. Utung enne olom wa bali reeni iróng ngen bo̱do̱k a̱li̱ngli̱nge̱ eci kaala wak unuweto iróng ol ngen a̱li̱ngli̱nge̱.

I̱bu̱ru̱ 9:23

Imma zin Ce̱e̱z wa Ta̱mu̱ta̱dde̱no̱ aave lo̱o̱ta̱ ko̱ i̱ya̱kzo̱ni̱k Ce̱e̱z ci aave ta̱mu̱-kenga, abunna zin oroot ming apahek ol kaal cik kazace ngin neci bi̱ye̱te̱ cik e̱le̱gje̱nnu̱ kar ki̱ti̱vi̱la̱ mu̱nye̱n cik ollu. Imma Ce̱e̱z wa Ta̱mu̱ta̱dde̱no̱ wa een de̱de̱, aave ta̱mu̱-kenga ko̱, anyak gi̱i̱ ci kapahek kazace ol, ommog bi̱ye̱ cik e̱le̱gje̱nnu̱.