Evesos 1:20 - Tennet

²⁰ imma doizi ci aave zi̱nze̱tti̱nne̱ cigga̱c ko̱, atubo ki doiz ci bali ingane Ta̱mu̱ta̱dde̱n Ki̱ri̱sto̱ daiza kar kaanyik ka̱vvu̱ a̱tte̱ cinne a̱zzo̱, ta̱mu̱-kenga.

Evesos 1:20 ပူးပေါင်းရင်းမြစ်များ

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Marko 14:62

O̱bo̱de̱k zin Ye̱su̱ nonno, a̱nne̱k ne, “I̱i̱ny, Ke̱e̱ni̱, acinni atin Ngerrti E̱e̱to̱ ming aave a̱tte̱ ci a̱zzo̱ Ta̱mu̱ta̱dde̱no̱, kar atin ki̱ki̱ya̱ di̱i̱zo̱ca̱ ta̱mu̱-kenga.”

Marko 16:19

Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

Kaviyak wak Abunna Ta̱mu̱ta̱dde̱no̱ eher Joni 10:18

I̱llo̱i̱ e̱e̱t ci okkoye ruget ngatinanni. Annit do̱ ci kanyike ele cinanni daiz. Kanyike anna ele daiz zinine cinanni. Kanyai doiz ci kanyike ele cinanni, kanyai doiz ci ka̱mi̱re̱ne̱ ele cinanni. Een zin icu zoz ci erecaneka Baba annit kar ku̱tu̱gu̱.”

Kaviyak wak Abunna Ta̱mu̱ta̱dde̱no̱ eher Joni 10:30

Kodowina anna ki Baba.”

Buk wa To̱ni̱a̱u̱ 10:40

imma Ta̱mu̱ta̱dde̱n itingawe nonno daiza i̱nya̱we̱ cik een i̱i̱yo̱ kurug kar ol kicinnet.

Buk wa To̱ni̱a̱u̱ 26:8

Nyaa ming odoi zi̱nze̱tti̱ cuggo̱k ko̱, ming ingane Ta̱mu̱ta̱dde̱n ol wak a̱da̱i̱to̱ daiza ko̱?

Buk wa To̱ni̱a̱u̱ 4:10

A̱gga̱yyu̱ niga ki olli Israilo do̱o̱k zoz cu: Abile e̱e̱ti̱ cu ngatu kubunna ko̱ zo̱ze̱ ci zar cik Ye̱su̱ Ki̱ri̱sto̱ wa Nazereti, wa bali ododikku niga ta̱la̱ke̱c ka̱da̱k, ma̱i̱je̱ Ta̱mu̱ta̱dde̱n itingai nonno daiza.

Buk wa To̱ni̱a̱u̱ 5:31

Odong zin Ta̱mu̱ta̱dde̱n nonno kar kuk karik ka̱vvu̱ a̱tte̱ cinne a̱zzo̱ kize Alaan ki Ti̱ri̱zo̱i̱t, kar wo̱ye̱ enne kaanyik olli Israilo ko̱bo̱dda̱i̱ zi̱nze̱tti̱ ba̱ci̱no̱we̱ kar kalalek nogo.

Roma 1:4

I̱ye̱la̱ Vongizi ci Ta̱mu̱ta̱dde̱no̱ een Ye̱su̱ Ki̱ri̱sto̱, Manyitinna Ngerrti Ta̱mu̱ta̱dde̱no̱ bali itingawe enne nonno daiza.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Vilipia 3:10

Een gi̱i̱ ci korongi anna do̱o̱k abunna ka̱gga̱ Ki̱ri̱sto̱ ki doiz ci ingane nonno daiza kurug. Korongi kozolta ki nonno pirnanet cinne kar ka̱da̱k ki bali enne ke̱,

Kolosiya 1:16

Eci Ta̱mu̱ta̱dde̱n eenyca kaal do̱o̱k ngatinne, kaal cik aavtte ta̱mu̱-kenga ko̱ ki cik aavtte lo̱o̱ta̱, cik kacin naga eberene ki cik iróng kacin eberene, leceret cik alaatu icima doiz icima alaat icima alaanzet; eenycai kaala ne̱ko̱ do̱o̱k ngatinne kar bo̱do̱k kizeto ciginnek.

Kolosiya 3:1

A̱gga̱yyu̱ itingtau niga ki Ki̱ri̱sto̱ daiza, abunna ming arikku zi̱nze̱tti̱ cuggo̱k kaal cik aavtte ta̱mu̱-kenga, ngati aave Ki̱ri̱sto̱ a̱tte̱ ci a̱zzo̱ Ta̱mu̱ta̱dde̱no̱ ngati doizo.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 10:12

Imma e̱e̱ti̱ ci wawaco wa aanyik ele cinne Ta̱mu̱ta̱dde̱n kize wawac ci aara ol mu̱nye̱n do̱o̱k. Kar Ta̱mu̱ta̱dde̱n kaanyik nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

I̱bu̱ru̱ 2:9

Abarik zin kicinnta Ye̱su̱ bali a̱rri̱ta̱i̱ kar kize vu̱rru̱t anjilonyai cik Ta̱mu̱ta̱dde̱no̱ arrak do̱yo̱i̱t. I̱yo̱ko̱, i̱di̱ngdi̱nga̱n Ta̱mu̱ta̱dde̱n nonno kize alaan, eci atar enne daiz, kar zin zo̱ze̱ ci deten ci Ta̱mu̱ta̱dde̱no̱ atar enne daiz zo̱ze̱ cinna do̱o̱k.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.

O̱no̱zzo̱k 1:17

Baling kicina anna nonno, kuduwa lo̱o̱c zoone ciginnek kiwagon e̱e̱ti̱ ci a̱da̱ha̱. Kar zin enne katadeya annit a̱zzi̱t cinne a̱zzo̱ kar kize ne: “Ma o̱ngo̱o̱le̱ gi̱i̱ imma. Annit ci ke̱e̱ni̱ Oo ki Vu̱rru̱t.