Evesos 1:19 - Tennet

¹⁹ Korongnyung abunna ming a̱gga̱yyu̱ doiz ci Ta̱mu̱ta̱dde̱no̱ a̱ddi̱ki̱re̱ wa a̱li̱ngli̱ng ngatinna ol wak a̱tu̱ zoz cinne. Doiz neci ele ci a̱li̱ngli̱ng zi̱nze̱tti̱nne̱ cigga̱c,

Evesos 1:19 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 3:6

A̱rri̱ta̱i̱ e̱e̱ti̱ e̱e̱te̱ ci diiri, imma e̱e̱ti̱ ci anyak vongiz a̱rri̱ta̱i̱ Vongiza.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

2 Ko̱ri̱nto̱ 4:7

Imma li̱ngli̱ngo̱ni̱ ci aanyyet Ta̱mu̱ta̱dde̱n ko̱, atubo ki gi̱i̱ ci riili. Kar bo̱do̱k ol ne̱k anyak gi̱i̱ ci riili ko̱, ogon ki i̱jjo̱nyya̱ cik adimanai todowaca, a̱li̱be̱ wo̱ye̱ ataman. Ogon Ta̱mu̱ta̱dde̱n ki i̱yo̱ko̱ abunna ming a̱gga̱ ol a̱kku̱ doiz ci uhu ol ko̱ ngati Ta̱mu̱ta̱dde̱no̱, iróng een doiz cinna̱ng.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Evesos 3:20

Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c.

Evesos 3:7

Imma anna bunnate ci a̱ddi̱ki̱re̱ Ta̱mu̱ta̱dde̱no̱ aanya enne ko̱, kiize du̱ca̱i̱t ci kar kuwahek ol kaviyak cik abunna. Aanya enne annit doiz kar ki̱li̱ngli̱ng li̱ngli̱ngo̱n necu.

Evesos 6:10

I̱yo̱ko̱ zin okkomit kak rumente ci arumenu niga ki Manyi doize wa a̱a̱nyu̱ng enne i̱ge̱ta̱.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

Kolosiya 2:12

Eci ogon ki ci a̱da̱yo̱zi̱u̱ng ol lo̱o̱k ki bali Ki̱ri̱sto̱ ngati a̱gga̱mnyu̱ niga ba̱ti̱ti̱mo̱, kar itingta ki nonno daiza tu̱we̱nta̱ doize ci Ta̱mu̱ta̱dde̱no̱ bali ingane nonno daiza ke̱.

1 Te̱se̱lo̱ni̱ka̱ 1:5

Ma̱rri̱t baling kanyaktaung kaviyak cik abunna Ta̱mu̱ta̱dde̱no̱ obod ki zoz ci Ye̱su̱ wa atahalai. Iróng ba̱li̱ye̱ een kaviyak cik ku̱du̱kta̱ zar ulla ci a̱a̱nyu̱ng elemtta zoz ci Ye̱su̱, een abarik komize ci Ta̱mu̱ta̱dde̱no̱ ki Vongiz ci A̱li̱le̱ ci bali a̱li̱ngli̱ng orgene cinna. A̱gga̱yyu̱ ri̱t bo̱do̱k niga bu̱k niko baiz cinna̱ng baling kabak ki i̱ge̱t ke̱.

2 Te̱se̱lo̱ni̱ka̱ 1:11

Kalawekku̱ng Ta̱mu̱ta̱dde̱n odohize, kar Ta̱mu̱ta̱dde̱n kize ne abakttu go̱o̱le̱ ci abunna baize ci korongi abait ki bali ka̱du̱wa̱kku̱ng ke̱. Kalawekku̱ng bo̱do̱k Ta̱mu̱ta̱dde̱n cinna ka̱a̱nyu̱ng komiz ci ogonnu kaal cik abunna orongnyu u̱tu̱gu̱z eci niga a̱tu̱yyu̱ zoz ci Manyi Ye̱su̱.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.