Evesos 1:17 - Tennet

¹⁷ Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

Evesos 1:17 ပူးပေါင်းရင်းမြစ်များ

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Ma̱te̱yo̱ 20:33

Izeto zin bo̱do̱k nege ne, “Manyi, korongnya kicintewa!”

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Lu̱ka̱ 12:12

eci Vongizi ci A̱li̱le̱ edemezekung atin i̱ge̱t zoz ci a̱du̱wa̱nnu̱ niga.”

Lu̱ka̱ 2:14

“Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”

Lu̱ka̱ 21:15

Eci ka̱a̱nyu̱ng atin anna i̱ge̱ta̱ zoz ki genyiz kar zin ol ne̱k amarinnung ko̱, iróng amuda gool ci aburne zoz cunno̱ng.

Kaviyak wak Abunna Ta̱mu̱ta̱dde̱no̱ eher Joni 14:17

Een zin neci Vongiz wa een de̱de̱. Iróng zin ol cik lo̱o̱tu̱ elemi nonno eci nege iróng acin icima a̱gga̱ nonno. A̱gga̱yyu̱ zin abarik niga nonno ma̱rri̱t ming abakku bu̱k, kar zin atin ka̱vvu̱ zi̱nze̱tti̱nne̱ cuggo̱k.”

Kaviyak wak Abunna Ta̱mu̱ta̱dde̱no̱ eher Joni 14:26

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 16:3

Ogonekku̱ng atin kaal ne̱ko̱ eci nege iróng a̱gga̱ Baba, iróng a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Buk wa To̱ni̱a̱u̱ 6:10

abarik iróng nege uule ka̱da̱ngi̱t nonno zo̱ze̱ ci genyizo ki Vongiz ci A̱li̱le̱ ozoze enne ko̱.

Buk wa To̱ni̱a̱u̱ 7:2

O̱bo̱de̱k zin Stepheni izek nogo ne, “Gotonogga ki be̱e̱ti̱ga̱ni̱k, izikttang annit ju̱rru̱m! I̱ye̱le̱k Ta̱mu̱ta̱dde̱n bunnat cinne ji̱ji̱ti̱nna̱ Aburaham bali ngen enne aave lo̱o̱ce̱ ci Mesopotamia, ngati ngen kuk o̱rge̱ ci een Haran.

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 15:6

kar zin zinine co̱de̱ inatit Ta̱mu̱ta̱dde̱n wa een be̱e̱ti̱ Manyitinna Ye̱su̱ Ki̱ri̱sto̱.

1 Ko̱ri̱nto̱ 12:8

Aanyik Vongizi ci A̱li̱le̱ e̱e̱t doiz ci kar enne kozoz arizet ci obod ki zoz ci genyizo. Okko bo̱do̱k ngati e̱e̱t imma aanyik doiz ci a̱gga̱we̱ zoz ci abunna a̱du̱wa̱k ol.

1 Ko̱ri̱nto̱ 14:6

I̱yo̱ko̱ zin, gotonogga ki ngonogga tu̱we̱nta̱, ming ka̱kku̱na̱ku̱ng kar kozoz utuge ci iróng niga a̱gga̱yyu̱, abunna ni̱i̱ ngatinno̱ng? Maya ming ka̱du̱wa̱kku̱ng arizet ci zoz ci a̱du̱wa̱ Ta̱mu̱ta̱dde̱n, icima gga̱wa̱ne̱t ci zoz ci Ta̱mu̱ta̱dde̱no̱ icima de̱mzi̱ne̱t.

1 Ko̱ri̱nto̱ 2:10

I̱ye̱le̱i̱t zin Ta̱mu̱ta̱dde̱n agit zoz ci a̱lu̱gnye̱ Vongize cinne. Orongnye Vongizi orong kaal do̱o̱k, orong rok kaal cik riilik Ta̱mu̱ta̱dde̱no̱.

1 Ko̱ri̱nto̱ 2:8

Iróng alaata cik bu̱u̱l cu lo̱o̱ta̱ ngatu ko̱ a̱gga̱ zoz neci. Ming a̱gga̱c weda, iróng weda nege ododike Manyi ci di̱ngdi̱ngo̱nto̱ ko̱ ta̱la̱ke̱c.

2 Ko̱ri̱nto̱ 12:1

Anycang kodong ele. I̱llo̱i̱ gi̱i̱ imma ci kar kuruba ngatu, kodongi ele kaale cik kicina i̱ye̱le̱ka̱ Manyi o̱no̱zo̱we̱.

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Evesos 3:5

Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne.

Evesos 4:13

Okko zoz necu zee ka̱vvu̱t naga kizet ol co̱de̱ tu̱we̱nte̱ ci ka̱tu̱we̱ Ta̱mu̱ta̱dde̱n ki gga̱wa̱ne̱t ci ka̱gga̱we̱ naga Ngerrti Ta̱mu̱ta̱dde̱no̱. Kar atin naga kegenyit ki i̱yo̱ko̱ Ki̱ri̱sto̱ ko̱, kogon zin atin naga ki enne.

Vilipia 3:15

Imma naga ol wak kanyak tu̱we̱ne̱t ci okkomi ko̱, abunna ming ki̱no̱ne̱ go̱o̱le̱ necu do̱o̱k. Kar ming anyak ol u̱gge̱ cik iróng elemi zoz necu, okko atin Ta̱mu̱ta̱dde̱n i̱ye̱le̱ke̱ nogo gool necu ju̱rru̱m.

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

Je̱mi̱s 2:1

Gotonogga ki Ngonogga tu̱we̱nta̱, ki i̱yo̱ko̱ ming ke̱e̱ggi̱n naga ol wak ka̱tu̱ Manyitinna Ye̱su̱ Ki̱ri̱sto̱, ma ahali ol.

2 Peturu 1:3

Aanyyet komizi ci Ta̱mu̱ta̱dde̱no̱ agit kaal do̱o̱k wak korong naga baize cinna, abunna kaanyik Ta̱mu̱ta̱dde̱n katalo ngatinna, baling kiziyet naga awuyet di̱ngdi̱ngo̱nte̱ cinne kar kozolit bunnat cinne.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

O̱no̱zzo̱k 7:12

izeto ne, “Een enne de̱de̱! Kinnatit Manyi kar bo̱do̱k ki̱di̱ngdi̱nga̱ni̱t nonno anyak enne genyiz ki zany ki ngo̱li̱ne̱t ki doiz, eci enne ize Ta̱mu̱ta̱dde̱n cinna udut. Een enne de̱de̱!”