Evesos 1:10 - Tennet

¹⁰ I̱ye̱le̱kke̱t Ta̱mu̱ta̱dde̱n gi̱i̱ ci arike enne i̱i̱te̱n ci atin kar kidongte kaala waginnek eenyca ta̱mu̱-kenga ki lo̱o̱ta̱ do̱o̱k ko̱do̱ye̱ kar Ki̱ri̱sto̱ kabal nogo do̱o̱k.

Evesos 1:10 ပူးပေါင်းရင်းမြစ်များ

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Ma̱te̱yo̱ 25:32

Alutai atin ol cik lo̱o̱tu̱ do̱o̱k ki̱vi̱ta̱k nonno, kar enne kenger nogo kiwagon ming enger e̱e̱ti̱ a̱zza̱ eezai.

Marko 1:15

Ize enne ne, “Ize ojon ba̱a̱li̱ne̱t ci Ta̱mu̱ta̱dde̱no̱ abale ol. Utungtek mu̱nye̱n lo̱o̱c kar elemtta kaviyak cik abunna.”

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

1 Ko̱ri̱nto̱ 11:3

I̱yo̱ko̱ zin, korongi ku̱du̱wa̱u̱ng, Ki̱ri̱sto̱ ci abal ol cik macik do̱o̱k, okko e̱e̱ti̱ ci maci abal ngaa, ma̱i̱je̱ Ta̱mu̱ta̱dde̱n nonno ci abal Ki̱ri̱sto̱.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

Evesos 1:22

Aanyik Ta̱mu̱ta̱dde̱n Ki̱ri̱sto̱ kabal kaal do̱o̱k, adima zin Ye̱su̱ kize alaan ci a̱ddi̱ki̱re̱ ngati ol wak ke̱le̱ci̱a̱k a̱tu̱ nonno do̱o̱k.

Evesos 2:15

Aara bo̱do̱k Ye̱su̱ marnonet bali anyaha lo̱ti̱nno̱wa̱ wak Ya̱u̱do̱ eher Musesi ke̱. Anyaha enne olli Ya̱u̱do̱ ki modden ka̱vvu̱to̱ nga̱to̱de̱, ku̱tu̱gu̱zzo̱ ki ci e̱e̱ggi̱n nege dooli cik e̱e̱t co̱de̱, ming idonget enne ganonte ci anyaha enne ko̱.

Evesos 3:15

Amuda kaala cik abak ta̱mu̱-kenga ki lo̱o̱ta̱ ngatu ruget do̱o̱k ngatinne.

Evesos 3:2

Iziktu niga bunnat ci Ta̱mu̱ta̱dde̱no̱ ngati ahalana annit kar keelaung zo̱ze̱ ci Ta̱mu̱ta̱dde̱no̱.

Kolosiya 1:16

Eci Ta̱mu̱ta̱dde̱n eenyca kaal do̱o̱k ngatinne, kaal cik aavtte ta̱mu̱-kenga ko̱ ki cik aavtte lo̱o̱ta̱, cik kacin naga eberene ki cik iróng kacin eberene, leceret cik alaatu icima doiz icima alaat icima alaanzet; eenycai kaala ne̱ko̱ do̱o̱k ngatinne kar bo̱do̱k kizeto ciginnek.

Kolosiya 1:20

kar zo̱ze̱ cinne aganto enne eliya ki kaal do̱o̱k, kaal lo̱o̱ta̱ ngatu icima ta̱mu̱-kenga, go̱o̱le̱ ci anyahe enne gano bi̱ye̱te̱ ciginnek a̱ddu̱te̱ ta̱la̱ke̱ca̱.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

I̱bu̱ru̱ 11:40

Anyak Ta̱mu̱ta̱dde̱n gi̱i̱ ci abunna oroot zinine cinne ci orong kaanyyet agit do̱o̱k, abunna kazuca nginti A̱li̱le̱ ta̱mu̱-kenga ki ol ne̱ke̱ do̱o̱k nga̱to̱de̱.

I̱bu̱ru̱ 9:10

Eci gool ci unuk ogone nege kaal ko̱ een da̱i̱ne̱t, ki gool ci aburuce nege e̱le̱tti̱. Ogon nege kaal ne̱ko̱ zee ki̱ki̱ya̱ i̱i̱te̱ni̱ ci een jor ming okko Ye̱su̱ anyaha olom ci een jor, kar ku̱tu̱gu̱zzo̱ keer neci go̱o̱le̱ ci aave do̱.

1 Peturu 1:20

Atahala bali Ta̱mu̱ta̱dde̱n nonno baling ngen looci keteehenyai ke̱, abarik i̱ye̱la̱i̱ atin Ye̱su̱ ngati aṯurneke looci zo̱ze̱ cunno̱ng.

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.