3 Jon 1:8 - Tennet

⁸ Imma zin naga ol wak ka̱tu̱ Ki̱ri̱sto̱ ko̱, korong ming kawak ce̱e̱zi̱ cigga̱c ol cik ogon ki nege, kar naga bu̱k kidongte ki nogo kizet ol cik ka̱li̱ngli̱ng zoz ci een de̱de̱.

3 Jon 1:8 ပူးပေါင်းရင်းမြစ်များ

Ma̱te̱yo̱ 10:14

Ming iróng e̱e̱ti̱ imma a̱gga̱mnyu̱ng go̱o̱le̱ ci abunna, icima iróng aziye zoz cunno̱ng, utungtek orog neci lo̱o̱c, i̱ti̱vi̱lta̱ tu̱du̱wa̱c ci orog neci zoone cuggo̱k ngati aburnnu nong.

Ma̱te̱yo̱ 10:40

“Abarik ming awekung e̱e̱ti̱ imma da̱i̱ne̱t, aweka annit bu̱k. Ma e̱e̱ti̱ ci ivatana annita, ivata enne e̱e̱t ci bali i̱tto̱na̱na̱ annit ke̱ bu̱k.

Lu̱ka̱ 11:7

“Abariz zin e̱e̱ti̱ neci aave ca̱a̱to̱ ko̱ zoz, ‘Ma acunanan. Unyuge tatug, kar dooli cigannik ka̱vvu̱to̱ imma annit kwe̱e̱na̱. Iróng anna kingazi je̱e̱na̱ kar kaanyi gi̱i̱ imma.’

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

2 Ko̱ri̱nto̱ 8:23

Katahala anna Ti̱to̱ wagon ka̱li̱ngli̱ngnya̱ bu̱k kar ki̱ti̱ri̱zzu̱ng. Imma ol wak een rama ko̱, i̱tto̱na̱ ol cik ke̱le̱ci̱a̱nya̱i̱. Irez ol zoz ci Ki̱ri̱sto̱ go̱o̱le̱ ci ogone nege kaal.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

Kolosiya 4:11

I̱tto̱na̱ e̱e̱ti̱ ci een zara Ye̱su̱ wa azi zar u̱gge̱ bo̱do̱k ne Justus ko̱, zawinet cinne. E̱e̱ggi̱n ol ne̱k izayung ko̱ Ya̱u̱d wak a̱tu̱ zoz ci Ye̱su̱, ka̱li̱ngli̱ngnya̱ zin bu̱k zo̱ze̱ ci ba̱a̱li̱ne̱t ci Ta̱mu̱ta̱dde̱no̱, nogo do̱ cik eelanna annit oroot.

1 Te̱se̱lo̱ni̱ka̱ 3:2

Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.

Vilomene 1:2

Keherika bo̱do̱k ngoonet tu̱we̱nta̱ een zara Apphia, ki gotonet Arkipas wagon a̱li̱ngli̱ng zoz ci Ta̱mu̱ta̱dde̱no̱ bu̱k ko̱, ki ol wak a̱tu̱we̱ ke̱le̱ci̱a̱k gon alute ce̱e̱ze̱ cunne ala Ta̱mu̱ta̱dde̱n ko̱.

Vilomene 1:24

I̱tto̱na̱ bo̱do̱k Marko, ki Aristarkas, ki Demas ki Lu̱ka̱ zawinet cinne̱ng. E̱e̱ggi̱n nege ol cik ka̱li̱ngli̱ngnya̱ bu̱k nga̱to̱de̱.

3 Jon 1:10

Ming ki̱ki̱ya̱u̱ng, kokko atin kozozi zoz cinne, ovolong enne egerzan zar cigga̱c. Abarik abure kar kurumte ki gotonogget tu̱we̱nta̱, iróng orong kar kivata gotonogget. Ottok zin enne ol wak ogon niko ke̱le̱ci̱a̱.

3 Jon 1:7

A̱li̱ngli̱ng nege zo̱ze̱ ci Zar cik abunna ko̱, iróng zin nege elemi kaal cik anyaha ol cik iróng a̱tu̱we̱.

3 Jon 1:9

Ketehereya ba̱li̱ye̱ anna waraga ol cik a̱tu̱we̱ ke̱le̱ci̱a̱, ma̱i̱je̱ e̱e̱ti̱ ci een Diotrephes ci orong kize ddi̱ki̱ryo̱i̱t cinne̱ng ko̱, iróng zin enne orong kizik zoz cinna.