3 Jon 1:1 - Tennet

¹ Ngati ddi̱ki̱ryo̱i̱t ci ke̱le̱ci̱o̱. Keherik anna waraga cu goona wa zinino een zara Gaius, kirezi anna nonno zo̱ze̱ wa een de̱de̱.

3 Jon 1:1 ပူးပေါင်းရင်းမြစ်များ

Buk wa To̱ni̱a̱u̱ 11:30

U̱lu̱tta̱ zin nege kaal cigge̱k kar ki̱jji̱nne̱t Barnabas ki Saul abunna ovvo anyike ol cik a̱ddi̱ki̱re̱ muci cigge̱k ko̱.

Buk wa To̱ni̱a̱u̱ 19:29

Ataman niko u̱la̱le̱ orogi. A̱gga̱mi̱t ol Gaius ki Aristarkas, wak bali orkora ki Pa̱u̱lo̱ Macedoniakte ke̱, kar ko̱o̱tte̱ nogo ngati a̱ddi̱ki̱re̱ uwahe ol zoz.

Buk wa To̱ni̱a̱u̱ 20:4

Orkor enne ki Sopater ngerrti Pyrrhus o̱rge̱ ci een Berea, ki Aristarkas ki Secundus o̱rge̱ ci Te̱se̱lo̱ni̱ka̱, ki Gaius o̱rge̱ ci een Derbe, ki Ti̱mo̱te̱yo̱ bu̱k ki Tychicos ki Trophimos lo̱o̱ce̱ ci Asia.

Roma 16:23

I̱tto̱na̱kku̱ng e̱e̱ti̱ ci een Gaius zawinet cinne, een enne e̱e̱t ci abunna, kabai ba̱li̱ye̱ ce̱e̱ze̱ cinne, aanyet enne da̱i̱ne̱t ki olli ke̱le̱ci̱o̱. Okko e̱e̱ti̱ ci een Erastus wa a̱ddi̱ki̱rne̱ li̱ngli̱ngo̱n ci o̱rgu̱, i̱tto̱na̱ zin enne zawinet cinne. Izayung bo̱do̱k oroot gotoneti wa tu̱we̱nto̱ een zara Guartus.

1 Ko̱ri̱nto̱ 1:14

Kanyike anna Ta̱mu̱ta̱dde̱n zany oroot, eci ngen anna ka̱gga̱me̱k e̱e̱t imma ngatinno̱ng ba̱ti̱ti̱mo̱ udut, ka̱gga̱me̱k ba̱li̱ye̱ anna Crispus ki Gaius ba̱ti̱ti̱mo̱ do̱ niko.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

1 Jon 3:18

Niga dooli wagannik tu̱we̱nta̱, abunna kirez ol rezinet ci een de̱de̱ ngati kogonne kaal cik abunna baize cinna, iróng een zoza utuga.

3 Jon 1:2

Goona wa zinino, kalaweki anna i̱nne̱t Ta̱mu̱ta̱dde̱n abunna ming abai yahe kaale do̱o̱k, kar bo̱do̱k abunna ming abunna ele ju̱rru̱m ki bo̱do̱k vongiz cunne.