2 Ti̱mo̱te̱yo̱ 4:8 - Tennet

⁸ I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

2 Ti̱mo̱te̱yo̱ 4:8 ပူးပေါင်းရင်းမြစ်များ

Kananet 18:25

Iróng wo̱ye̱ i̱nna̱ a̱ru̱i̱ ol cik abunna ki cik gerzek nga̱to̱de̱, iróng wo̱ye̱ i̱nna̱ ogonni ol cik abunna ki cik gerzek kutubto. Iróng een niko. Abunna i̱nna̱ Manyi ettedi lo̱ki̱ko̱ ci lo̱o̱tu̱ go̱o̱le̱ ci abunna.”

Ma̱te̱yo̱ 24:36

“I̱llo̱i̱ e̱e̱t co̱de̱ ci a̱gga̱ i̱i̱te̱n icima i̱i̱ ci ovvo kaala ne̱ke̱ ogonine, iróng anjilonya ta̱mu̱-kenga a̱gga̱ bu̱k icima Ngerinne bu̱k. Abarik Baatinna wa aave ta̱mu̱-kenga do̱ ci a̱gga̱.

Ma̱te̱yo̱ 7:22

Anyak ol cik meelek atin a̱nne̱ka̱ i̱i̱te̱ne̱ ci lo̱ki̱ko̱ ko̱ ne, ‘Manyi, Manyi ba̱li̱ye̱ naga kuwaheka ol kaviyak zare cigunnek, ma zin go̱o̱le̱ neci kottoktta kuulo cik lo̱rye̱nta̱k ngati ol cik meelek, kar bo̱do̱k ku̱tu̱gu̱zza̱ kaal cik meelek a̱vu̱la̱.’

Lu̱ka̱ 10:12

Ka̱du̱wa̱kku̱ng, anime atin olli Sodomi no̱ngi̱tto̱n kommog orog cu.

Roma 2:5

Abarik odoi i̱nne̱t oo kak, iróng orongi bodak Ta̱mu̱ta̱dde̱n. U̱tu̱gu̱ zin i̱nna̱ zoz ci gerze, i̱ta̱k zin mozinet ci Ta̱mu̱ta̱dde̱no̱ oo cunne, okko atin enne ettedeki lo̱ki̱ko̱ ming uk looci uṯurehe.

Roma 8:23

Abarik iróng pirnanet neci aave kaale cik eenycai do̱, aave pirnanet bu̱k ngatinna, ol balik aanyyet Ta̱mu̱ta̱dde̱n Vongiz arrak oowa ke̱; kabalac zin naga zi̱nze̱tti̱nne̱, ngati kerewe e̱le̱tti̱ cik een jor ko̱, kar Manyi ki̱ye̱le̱t ke̱e̱ggi̱n naga dooli ciginnek.

1 Ko̱ri̱nto̱ 2:9

Ki i̱yo̱ko̱ ming e̱he̱rye̱ warage wa Ta̱mu̱ta̱dde̱no̱ azi ne: “Ngen e̱be̱re̱ci̱ imma kicin, ngen itati imma kizik, ngen e̱e̱ti̱ imma ki̱no̱na̱, kaal cik idimanek Ta̱mu̱ta̱dde̱n ol wak irez nonno”

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

1 Ko̱ri̱nto̱ 9:25

Ming orong e̱e̱ti̱ kize ti̱i̱r, orong ming edemez enne ele arrak ngati a̱vi̱re̱ kar kize ti̱i̱r. Ogon enne niko kar ming anyak gi̱i̱ ci irawone ol kar enne kize oo. Abarik gon ol wak a̱vi̱r kar kurubta kaal, aruba gi̱i̱ ci iróng aave udut, ovvo ol wak a̱tu̱we̱ aruba gi̱i̱ ci atin aave udut.

2 Ko̱ri̱nto̱ 5:2

Ming ngen kabak lo̱o̱ta̱ ngatu, kapirna, kabalac odohize eci korong kovvoya ta̱mu̱-kenga, ngati kovvo kabak ki Ta̱mu̱ta̱dde̱n ta̱mu̱-kenga.

Vilipia 3:11

kar atin anna bu̱k kitinga daiza kurug ki bali enne ke̱.

Kolosiya 1:5

Een tu̱we̱ne̱t necu ki rezinet ci a̱kku̱ zo̱ze̱ ci arikku niga zi̱nze̱tti̱ zoz ci e̱re̱yyu̱ niga aave ta̱mu̱-kenga, iziktu niga zoz neci zo̱ze̱ ci een de̱de̱, kaviyahe cik abunna

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

1 Te̱se̱lo̱ni̱ka̱ 5:4

Imma niga ol wak a̱tu̱yyu̱ zoz ci Ye̱su̱ ko̱, ma anyikku zoz ci lo̱o̱c ci gerze ko̱ kecebaung o̱o̱tti̱, koboung wazini neci. Obokkung atin wazini ci a̱kku̱nne̱ Ye̱su̱ ke̱ ki ta̱mu̱ ci tagizo.

2 Te̱se̱lo̱ni̱ka̱ 2:8

Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

1 Ti̱mo̱te̱yo̱ 6:19

Imma go̱o̱le̱ necu aarik atin nege i̱to̱kze̱t cinne̱ng kize ci een ja̱mi̱te̱n ci bu̱u̱llo̱k cik a̱vvu̱, kar nege ka̱gga̱mi̱t baiz wa een baiz de̱de̱.

2 Ti̱mo̱te̱yo̱ 1:10

Kar i̱yo̱ko̱, i̱ye̱le̱i̱t zin Ta̱mu̱ta̱dde̱n bunnat cinne ngati aanyyet Ti̱ri̱zo̱i̱t cinna Ye̱su̱ Ki̱ri̱sto̱, kar kommog daiz, kar kanyaha ruget wa aave udut, kamuda go̱o̱le̱ ci kazikne kaviyak cik abunna.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 1:18

Anyik Manyi bai ka̱mu̱yu̱k Onesiphorus kar kuruba eezet ming okko Manyi Ye̱su̱ obodak lo̱o̱c. A̱gga̱ ri̱t i̱nna̱ bu̱k eelawa enne go̱o̱lo̱we̱ cik meelek lo̱o̱ce̱ ci Ephesusi.

2 Ti̱mo̱te̱yo̱ 2:5

Ming ngen e̱e̱ti̱ ci a̱vi̱r kedeca vi̱ra̱, iróng ol amuci, anyike ol atin nonno gi̱i̱ ci ijare enne ol vu̱rrta̱ ngati edeccai vi̱ra̱ go̱o̱le̱ ci a̱du̱wa̱ne̱ nege.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 12:11

Iróng e̱e̱ti̱ irez ti̱lo̱wi̱ne̱t i̱i̱te̱n neci ele, abarik a̱u̱ce̱, imma vu̱rrta̱, aanyik ti̱lo̱wi̱ne̱t neci e̱e̱t kubunna ngu̱me̱ ci Ta̱mu̱ta̱dde̱no̱ kar kabak labak baiza eci enne umuda mediz ci ti̱lo̱wi̱ne̱t neci.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

1 Peturu 1:4

Aanyyet kaal cik karagiz naga abak aavtte udut, aavtte ta̱mu̱-kenga kize cuggo̱k,

1 Peturu 5:4

Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.

O̱no̱zzo̱k 19:11

Kedenya anna ta̱mu̱-keng ming o̱o̱ye̱, kar zin anna kicin vartangec ci voori, imma E̱e̱ti̱ ci ottod vartangec ko̱ een e̱e̱t ci abunna kar kize de̱de̱. Etted enne lo̱ki̱ko̱ cinne ju̱rru̱m kar kuk illa.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 22:20

Okko e̱e̱ti̱ ci ibbac kaal ne̱ko̱, azi ne, “I̱i̱ny, ka̱kku̱ni̱ anna ataman.” Nonno nenen, i̱jja̱, Manyi Ye̱su̱.

O̱no̱zzo̱k 4:10

ovvo lo̱ddi̱ki̱re̱ cik e̱e̱ggi̱n moten rama ki we̱c ko̱ akannek u̱zu̱ngti̱nne̱ ngati E̱e̱t ci aave lecera ko̱, kar ki̱di̱ngdi̱nga̱ni̱t nonno wa aruge udut ko̱. Arike nege lulukwa cigge̱k lecer ci alaanzetinu lo̱o̱ta̱ kar kizeto ne,

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.