2 Ti̱mo̱te̱yo̱ 4:7 - Tennet

⁷ Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

2 Ti̱mo̱te̱yo̱ 4:7 ပူးပေါင်းရင်းမြစ်များ

Lu̱ka̱ 11:28

O̱bo̱de̱k zin Ye̱su̱ nonno, “U̱mu̱yu̱kte̱ zin abarik ol wak aziye zoz ci Ta̱mu̱ta̱dde̱no̱ kar ko̱to̱ngo̱o̱ltte̱ zoz neci.”

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Kaviyak wak Abunna Ta̱mu̱ta̱dde̱no̱ eher Joni 17:6

“I̱yo̱ko̱ zin ki̱ye̱le̱ya̱ ol balik aanya i̱nna̱ annit lo̱o̱ta̱ ke̱ ka̱gga̱yi̱ i̱nne̱t ju̱rru̱m. E̱e̱ggi̱n ba̱li̱ye̱ nege ol cigunnek kar zin i̱nna̱ inya annita, o̱to̱ngo̱o̱ltte̱ zin nege kaal cik edemezi i̱nna̱.

Kaviyak wak Abunna Ta̱mu̱ta̱dde̱no̱ eher Joni 4:34

Ize Ye̱su̱ ne, “Een da̱i̱ne̱t cigannik li̱ngli̱ngo̱n ci e̱e̱t bali i̱tto̱na̱na̱ ke̱, kar ku̱tu̱gu̱ bak kedeca.

Buk wa To̱ni̱a̱u̱ 13:25

Baling orong Joni kedeca li̱ngli̱ngo̱n cinne, kar kize ne, ‘I̱no̱nnu̱ niga ke̱e̱ni̱ anna ngene? Iróng anna ke̱e̱ni̱ wa o̱de̱ bali u̱du̱wa̱ Manyi ke̱. I̱llo̱i̱, abarik enne a̱kku̱ vu̱rrte̱ cinanni, ommogja enne annita, iróng wo̱ye̱ anna ke̱e̱ni̱ du̱ca̱i̱t cinne.’

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Ga̱la̱ti̱a̱ 2:2

Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Vilipia 1:30

eci niga amudannu pirnanet ki bali ming icinntu niga kapirna anna ke̱, iziyyet zin, ngen anna kapirna dee rok i̱yo̱ko̱.

1 Ti̱mo̱te̱yo̱ 1:18

Ti̱mo̱te̱yo̱ wa e̱e̱ni̱ ngeranni tu̱we̱nta̱, kamitaneki zoz necu niko kar zuute ele olle wak edemezek gonoggi volong azi ne zoz ci a̱kku̱ Ta̱mu̱ta̱dde̱na̱. Kozozi zin niko ngibali a̱du̱wa̱ne̱ a̱ri̱tto̱wa̱ muluk ci a̱kku̱ Ta̱mu̱ta̱dde̱na̱ obod ki i̱nne̱ta̱. Zik ti̱lo̱wi̱ne̱t necu ju̱rru̱m kar nyak tu̱we̱ne̱t, abunna atin ming u̱u̱li̱ a̱ri̱tto̱k ne̱k edemez ol volong ke̱.

1 Ti̱mo̱te̱yo̱ 6:12

Zuute zoz ci a̱tu̱we̱ Ye̱su̱. Abunna ming a̱gga̱mi̱ zoz ci baiz wa aave udut bali aanyi Ta̱mu̱ta̱dde̱n. I̱ye̱la̱ i̱nna̱ tu̱we̱ne̱t zoz ci Ta̱mu̱ta̱dde̱no̱ kicinnet icima kiziyet ol cik meelek ke̱.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

2 Ti̱mo̱te̱yo̱ 1:14

Zuute kaviyak cik abunna aanyi Vongizi ci A̱li̱le̱, wa abak ngatinna.

2 Ti̱mo̱te̱yo̱ 3:10

I̱yo̱ko̱, Ti̱mo̱te̱yo̱, a̱gga̱ i̱nna̱ de̱mzi̱ne̱t cinanni oroot, gool ci kowowene ki ol, ki gi̱i̱ ci korongi anna baize cinanni, ki tu̱we̱ne̱t cinanni ci ka̱tu̱we̱ Ta̱mu̱ta̱dde̱n, ki zinin ci alali, ki gool ci kireze ol, ki baiz ci kanime no̱ngi̱tto̱n.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:8

Ka̱gga̱ anna kaal cik ogonnu niga do̱o̱k. Icinnet zin, koowekku̱ng anna i̱ge̱t tatug ci iróng e̱e̱ti̱ imma anyugi. Ka̱gga̱ anyakku niga doiz cidici, ngen azunnu zoz cinanni iróng aburnnu zar cigannik.

O̱no̱zzo̱k 6:11

Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.