Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Ti̱mo̱te̱yo̱ 4:18 - Tennet

18 Ka̱gga̱ niko ming eelanna atin Manyi kaale wak gerzek do̱o̱k, kar kuwuya ngati ba̱a̱li̱ne̱t ci ta̱mu̱-kengo. Abunna abarik ming ka̱di̱ngdi̱nga̱n nonno niko udut. Nonno nenen.

အခန်းကိုကြည့်ပါ။ ကော်ပီ




2 Ti̱mo̱te̱yo̱ 4:18
40 ပူးပေါင်းရင်းမြစ်များ  

Anjilo wa eelanna annit kaale cik gerzek do̱o̱k, anyik bai nonno ka̱mu̱yu̱k logoz ne̱ko̱. Anyik bai ol kutu nogo zare cigannik ki zar cik be̱e̱ti̱ga̱ni̱k Aburaham ki I̱sa̱ko̱, anyik bai nogo ki̱ti̱rre̱t kizeto meele giir lo̱o̱ta̱ ngatu.”


Ma̱i̱je̱ zin ol wak ogon kaal wak abunna, ataltali e̱le̱tti̱ kiwagon koor ba̱a̱li̱nte̱ ci Be̱e̱ti̱nne̱ng. Ming anyak e̱e̱ti̱ iin, anyik kiziyo ju̱rru̱m.


“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.


Ma anyike ol kitimanteta, abarik eelawet lo̱rye̱nta̱.’


Laleit agit ba̱ci̱no̱we̱, eci naga bu̱k kalaleka e̱e̱t ci ogonikket agit mu̱nye̱n. Ma anyike mu̱nye̱n kitimanteta.’”


“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.


Kar anna ka̱a̱nyu̱ng ba̱a̱li̱ne̱t ci Ta̱mu̱ta̱dde̱no̱, ki baling aanya Baba annit co̱de̱ ke̱,


Iróng zin i̱yo̱ko̱ kalayi kar eenyek demezyak wagannik lo̱o̱ta̱ ngatu, abarik kalayi kar zuute nogo lo̱rye̱nta̱.


Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek. Abunna zin ka̱di̱ngdi̱nga̱n naga do̱o̱k nonno udut. Nonno nenen.


Abunna kinnat Ta̱mu̱ta̱dde̱n wa o̱de̱ ṯok niko, a̱gga̱ kaal do̱o̱k, ki̱di̱ngdi̱nga̱ni̱t nonno udut zo̱ze̱ ci Ye̱su̱ Ki̱ri̱sto̱. Nonno nenen.


Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.


Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.


Gotonogga ki ngonogga tu̱we̱nta̱, ka̱du̱wa̱kku̱ng zoz ci e̱le̱tti̱ cik kanyak naga lo̱o̱ta̱ ngatu ko̱, iróng atin aragiz ba̱a̱li̱ne̱t ci Ta̱mu̱ta̱dde̱no̱, ovvo e̱le̱tti̱ cik lo̱o̱tu̱ a̱da̱i̱ atin ko̱, i̱llo̱i̱ nogo ngin imma rugete ci aave udut.


I̱ti̱ri̱zze̱t Ta̱mu̱ta̱dde̱n agit daiza, ooganet atin enne agita. Karike zin naga nonno zi̱nze̱tti̱ kar enne ki̱ti̱ri̱ze̱ta̱,


Ki̱di̱ngdi̱nga̱ni̱t zar cik Ta̱mu̱ta̱dde̱no̱ udut, amin.


Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.


Ma̱i̱je̱ Manyi abunna, ka̱gga̱yya̱ niko ming a̱a̱nyu̱ng komiz kar zin bo̱do̱k kebeung ngati lo̱rye̱nto̱.


Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.


Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).


I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.


Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:


Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.


Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.


nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.


Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.


eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.


Okko ngatinne, aave atin doizi cinne udut. Amen.


Kar zin go̱o̱le̱ necu, a̱gga̱ma̱nu̱ng atin Manyitinna Ti̱ri̱zo̱i̱t Ye̱su̱ Ki̱ri̱sto̱ talinte ci a̱ppwe̱ oroot ba̱a̱li̱nte̱ cinne aave udut.


Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.


Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ