2 Ti̱mo̱te̱yo̱ 4:16 - Tennet

¹⁶ Imma i̱i̱te̱ne̱ bali kozoza lo̱ki̱ko̱ ke̱, kozozi zoz cinanni do̱, odoteya ol do̱o̱k annit lo̱o̱c, i̱llo̱i̱ e̱e̱t ci eelanna zoza. Anyik Manyi kalalek nogo.

2 Ti̱mo̱te̱yo̱ 4:16 ပူးပေါင်းရင်းမြစ်များ

Marko 14:50

I̱vi̱re̱t zin demezyaha cik Ye̱su̱, utungtek nonno lo̱o̱c do̱.

Lu̱ka̱ 12:11

“Ming anyaktaung ol i̱ge̱t Ce̱e̱zi̱ cik Lawinto, ngati aavtte alaata ki lo̱ddi̱ki̱re̱ cik gaalau, ma o̱ngo̱o̱li̱nnu̱ zoz ci ovvo atin niga a̱du̱wa̱nnu̱ eelannu e̱le̱tti̱ cuggo̱k,

Kaviyak wak Abunna Ta̱mu̱ta̱dde̱no̱ eher Joni 16:32

Abarik a̱kku̱ i̱i̱, i̱ki̱ya̱ de̱de̱, utube, ovvo atin niga azaninnu, ngen ngene ce̱e̱ze̱ cinne. Ungnekkang atin annit do̱. Iróng zin anna kaave do̱, eci anna karumena ki Baba bu̱k.”

Buk wa To̱ni̱a̱u̱ 22:1

“Gotonogget ki be̱e̱ti̱ga̱ni̱k, izikttang annita, korongi koobekkung zoz cinanni ju̱rru̱m.”

Buk wa To̱ni̱a̱u̱ 25:16

“Ka̱du̱wa̱k anna nogo a̱nne̱k ne, iróng gon keere ci olli Romi etted lo̱ki̱ko̱ ci e̱e̱to̱ ming ngen enne kozoz zoz cinne ngati aavtte ol balik eceb nonno ke̱, kar abunna enne anyak gool ci ozoze bu̱k.

Buk wa To̱ni̱a̱u̱ 7:60

Kar zin kuduk lo̱o̱c kakatek u̱zu̱ngti̱nne̱ kar ku̱tu̱lu̱, “Manyi, ma edezi nogo mu̱nye̱ne̱ cik ogon nege ko̱.” Baling ming okko enne a̱du̱wa̱ zoz necu niko, etteda zinin a̱da̱ha̱.

1 Ko̱ri̱nto̱ 13:5

Imma e̱e̱ti̱ ci anyak rezinet zinina, iróng egerenyek ol mootiza, iróng bo̱do̱k irezek kaal ele cinne do̱ niko, iróng omoze ataman, iróng azunne zinina zoz ci gerze ogonik ol nonno.

1 Ko̱ri̱nto̱ 9:3

Een necu zoz ci eelanna ngati ol wak adangnya.

2 Ko̱ri̱nto̱ 7:11

Icinnet gi̱i̱ ci u̱tu̱gu̱ Ta̱mu̱ta̱dde̱n ngati a̱a̱nyu̱ng matiz! Orongnyu niga i̱ye̱lte̱k nonno iróng niga anyakku ba̱ci̱. Omozinnu abarik niga, a̱ma̱li̱ltte̱ o̱o̱tti̱ cuggo̱k, orongnyu niga lo̱ki̱ko̱ kettede ju̱rru̱m. I̱ye̱la̱nu̱ niga e̱le̱tti̱ cuggo̱k ilemnyyu niga zo̱ze̱ necu.

Vilipia 1:17

Imma ol wak een mederyok ko̱, uwahek ol zoz ci Ki̱ri̱sto̱ go̱o̱le̱ ci oronge nege kaal cik orong zi̱nze̱tti̱ cigge̱k, iróng een zoz ci een de̱de̱, orong nege kamarta annita nong ming kecebje lagama niko ko̱.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

2 Ti̱mo̱te̱yo̱ 1:15

A̱gga̱ ri̱t i̱nna̱ niko utungteya ol balik lo̱o̱ce̱ ci een zara Asia ke̱ lo̱o̱c, owoye ciko Phygelus ki Hermogenes.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.

2 Ti̱mo̱te̱yo̱ 4:15

Zuute ele cunne, eci enne adang zoz ci kuwaheka ol ko̱ oroot.

1 Peturu 3:15

Abarik o̱to̱ngo̱o̱ltte̱ Ki̱ri̱sto̱ kize Manyi zi̱nze̱tti̱nne̱ cuggo̱k. Abunna ming erewinnu ju̱rru̱m kar abarizet e̱e̱t ci a̱jji̱nne̱ orong ka̱gga̱ zoz ci anyakku niga arikku zi̱nze̱tti̱ ko̱.