2 Ti̱mo̱te̱yo̱ 3:3 - Tennet

³ Iróng irez ol, iróng alalnek e̱e̱t imma, anyak volong, iróng anyak urutoit zoza, anyak mootiz. Amarine zoz ci een de̱de̱.

2 Ti̱mo̱te̱yo̱ 3:3 ပူးပေါင်းရင်းမြစ်များ

Kananet 49:7

Kotori zin anna mozinet cinne̱ng gerze oroot ko̱, okko burnenet nong cinne̱ng gerza oroot! Kazanni atin anna nogo ngati Ya̱ko̱bo̱ kar kazan nogo Israila.

Ma̱te̱yo̱ 10:21

“Ovvo atin ol ogon kaal ciko: Adawa atin e̱e̱ti̱ gotoni, okko be̱e̱ti̱ do̱le̱co̱ adawa do̱le̱c cinne; ovvo dooli abure ti̱lo̱wi̱ne̱t ci be̱e̱ti̱nne̱ng ki e̱e̱ti̱nne̱ng, kar ku̱ru̱we̱t nogo ka̱da̱i̱to̱.

Ma̱te̱yo̱ 4:1

Kar zin Vongizi kuwe Ye̱su̱ balale ci gi̱da̱ngi̱ kar lo̱rye̱nti̱ kitiman nonno.

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

Lu̱ka̱ 16:14

Baling iziyyet ol cik een Varacis wak gon irez o̱ro̱bi̱ya̱ oroot ko̱ zoz neci, kar zin nege kangarunyanit ngu̱mti̱ ngati Ye̱su̱.

Kaviyak wak Abunna Ta̱mu̱ta̱dde̱no̱ eher Joni 6:70

O̱bo̱de̱k zin Ye̱su̱ nogo, a̱nne̱k ne, “Katahalaung i̱ge̱t ngati e̱e̱ggi̱nnu̱ omoto ki ram, anyak zin co̱de̱ ci een lo̱rye̱ni̱t orgene cunno̱ng.”

Roma 1:29

E̱e̱ggi̱n kaala ne̱k gerzek aavtte zi̱nze̱tti̱nne̱ cigge̱k ko̱, gerziten, ki meder, ki zi̱nze̱tti̱ cik a̱ppi̱nte̱k, ki munyenet ol, ki dangonet, ki gool ci alabane ol kaal, ki etteddo ki ol zo̱o̱, omomot ol,

Roma 1:31

Aavtte o̱o̱tti̱ pad, iróng anyak tu̱we̱ne̱t, iróng wo̱ye̱ eelannet gi̱i̱ imma, iróng irez icima amanik ol u̱gge̱ cik apirna.

1 Ko̱ri̱nto̱ 7:5

Ma aburnnu e̱le̱tti̱ ngati ooginu nga̱to̱de̱, abunna ming a̱ju̱ra̱nu̱ e̱le̱tti̱ ming ngen alayu Ta̱mu̱ta̱dde̱n arrak do̱yo̱i̱t. Kar zin vu̱rrta̱, urumte ki ngaa cunne, gerza ming okko sitani atimanin, eci iróng e̱e̱ti̱ ci diiri anyak komiz ci azunne ele cinne.

1 Ko̱ri̱nto̱ 7:9

Ma̱i̱je̱ ming iróng nege azunne e̱le̱tti̱ cigge̱k zo̱ze̱ ci ngaanu, anyik nogo kurucco, abunna ming aruce e̱e̱ti̱ kar kabak baiz ci abunna, gerza ming abak e̱e̱ti̱ baiz ci amanik enne ngaai.

1 Te̱se̱lo̱ni̱ka̱ 4:8

Ming abure e̱e̱ti̱ imma de̱mzi̱ne̱t necu, iróng abure e̱e̱t ci diiri, abure abarik Ta̱mu̱ta̱dde̱n wa aanyik ol Vongiz ci A̱li̱le̱.

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

Ti̱to̱ 1:8

Abarik, abunna ming irez e̱re̱nno̱k, kar bo̱do̱k katal ku̱tu̱gu̱ kaal cik abunna, abunna ming anyak urutoit zoza, abunna ming ogon kaal cik een de̱de̱, anyik kabak baiz ci abunna a̱li̱le̱.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

Je̱mi̱s 2:6

Abarik niga odomtu ol wak amati. Amire ki ol wak een jain cik adakkung? Amire ki nogo cik ovvoyyung lo̱ki̱ka̱?

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

2 Peturu 2:19

A̱nne̱k nege ol ne, aavtiyyu atin labak, imma nege e̱e̱ggi̱n du̱cca̱k cik baiz ci gerze, eci ol cik diirik e̱e̱ggi̱n du̱cca̱k cik kaal wak uuta nogo o̱o̱tti̱.

2 Peturu 3:3

Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.

Ju̱da̱ 1:18

A̱nne̱kku̱ng ne, “Imma atin i̱i̱nya̱we̱ cik okko looci aṯurneke, a̱vvu̱ atin ol cik ovvo aranne zoz ci Ta̱mu̱ta̱dde̱no̱, eci orong ku̱tu̱gu̱zzo̱ kaal cik gerzek amin zi̱nze̱tti̱ cigge̱k.”

O̱no̱zzo̱k 13:15

Anyozik ba̱li̱ye̱ nonno komizi ci kar enne kutubuwek ngoot ri̱ri̱to̱n ci e̱le̱gi̱t bali een oo ke̱ bak ovongi, abunna ming ozozi kar kaanyik ol wak iróng orong ki̱di̱ngdi̱nga̱ni̱t e̱le̱gi̱t ko̱ ku̱ru̱kte̱ ka̱da̱i̱to̱.

O̱no̱zzo̱k 13:17

kar iróng e̱e̱ti̱ imma utene icima uuta kaal ming iróng enne anyak baayenit ci een zar cik e̱le̱gto̱ icima nimira ci zar ciginnek.

O̱no̱zzo̱k 16:6

eci nege oowa bi̱ye̱ cik ol cigunnek a̱li̱le̱ ko̱ ki a̱ri̱tto̱k cik zoz ci Ta̱mu̱ta̱dde̱no̱, anyiu i̱nna̱ nogo bi̱ye̱ kuudet ki ming ogon nege ko̱.”

O̱no̱zzo̱k 17:6

Kicina anna ngaa neci ming ibbak bi̱ye̱ta̱ cik ol cik a̱li̱le̱ Ta̱mu̱ta̱dde̱no̱, ol wak ozoz zoz ci Ye̱su̱. Baling kicina anna nonno, ku̱ku̱le̱ya̱ anna je̱e̱n oroot.