2 Ti̱mo̱te̱yo̱ 3:2 - Tennet

² Orong atin ol kaal do̱o̱k kizeto cigge̱k, kar bo̱do̱k kirezit o̱ro̱bi̱ya̱, a̱ppi̱k atin ol e̱le̱tti̱, odom ol e̱le̱tti̱ oroot, ogon kaal cik gerzek i̱ba̱ti̱ne̱, iróng ol ngen o̱ngo̱o̱le̱ be̱e̱ti̱gge̱k ki e̱e̱ti̱gge̱k. Iróng anyik ol zany icima o̱ngo̱o̱le̱ Ta̱mu̱ta̱dde̱n, abak baiz ci gerze.

2 Ti̱mo̱te̱yo̱ 3:2 ပူးပေါင်းရင်းမြစ်များ

Ma̱te̱yo̱ 15:6

Edemezu niga e̱e̱t neci gerza ming o̱ngo̱o̱le̱ baatinne ngati iróng anyike muci. Ibbezzu niga ti̱lo̱wi̱ne̱t wa Ta̱mu̱ta̱dde̱no̱ eci azunnu keer cunno̱ng.

Lu̱ka̱ 12:15

Kar enne kizek nogo ne, “Icinnet ju̱rru̱m! U̱zu̱tte̱ e̱le̱tti̱ ciggo̱k kar abunna iróng niga anyakku zi̱nze̱tti̱ cik a̱ppi̱nte̱k; riil rugeti ci e̱e̱t ci diiri kommog kaal cik meelek.”

Lu̱ka̱ 16:14

Baling iziyyet ol cik een Varacis wak gon irez o̱ro̱bi̱ya̱ oroot ko̱ zoz neci, kar zin nege kangarunyanit ngu̱mti̱ ngati Ye̱su̱.

Lu̱ka̱ 6:35

Abarik irezit mo̱ddo̱ cuggo̱k, u̱tu̱gu̱zze̱k nogo kaal cik abunna, aanycik nogo kaal labak ci iróng atin niga orongnyu nga̱bo̱lo̱. Kar atin Ta̱mu̱ta̱dde̱n ka̱a̱nyu̱ng kaal cik meelek, ovvo atin e̱e̱ggi̱nnu̱ dooli cik Manyi wa Ommog Veelek, eci enne een bunnatait ngati olli mu̱nye̱nu̱.

Buk wa To̱ni̱a̱u̱ 5:36

Imma e̱rki̱nya̱ balik ke̱, i̱ye̱la̱ bali e̱e̱ti̱ ci een zara Theudos ele, azi ne een enne e̱e̱t ci riili bu̱k, kar ol cik e̱e̱ggi̱n obet we̱c kunuwet nonno. U̱ru̱we̱ zin enne, kar ol ciginnek do̱o̱k kazante ki̱zzi̱ gi̱i̱ imma to.

Roma 11:18

ma odongnyu e̱le̱tti̱ zo̱ze̱ ci alawo ne̱ko̱. Ming odongtu e̱le̱tti̱, abunna ming ogonnu zoz cu: Iróng i̱nne̱t ci eela egero, abarik egero cik eelanin.

2 Ko̱ri̱nto̱ 5:15

A̱da̱i̱ Ki̱ri̱sto̱ zo̱ze̱ ci ol do̱o̱k, kar abunna ol wak aruge iróng ngen irez e̱le̱tti̱ cigge̱k do̱ niko, abarik abunna ming irez Manyi bali a̱da̱i̱ zo̱ze̱ cinne̱ng, kar Ta̱mu̱ta̱dde̱n kitingawe nonno daiza kurug bo̱do̱k.

Vilipia 2:21

Eci ol do̱o̱k acin li̱ngli̱ngo̱no̱k cigge̱k, iróng een li̱ngli̱ngo̱n ci Ye̱su̱ Ki̱ri̱sto̱.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

2 Te̱se̱lo̱ni̱ka̱ 2:4

Odong atin enne ele cinne kar kadang kaal cik Ta̱mu̱ta̱dde̱no̱ do̱o̱k, icima kaal cik a̱di̱ngdi̱nga̱n nonno, kar enne kaarik ele cinne Ce̱e̱z wa Ta̱mu̱ta̱dde̱no̱, azi ne ke̱e̱ni̱ Ta̱mu̱ta̱dde̱n.

1 Ti̱mo̱te̱yo̱ 1:20

Ma̱i̱je̱ zin ol ne̱k ogon kaal ne̱ko̱ ko̱, ciko Hymenaeus ki Alizanduru, kodotiya anna nogo lo̱o̱c iróng ngen ki̱lo̱ti̱ nogo kar kedemez Sitani nogo, gerza ming odom nege Ta̱mu̱ta̱dde̱n.

1 Ti̱mo̱te̱yo̱ 1:9

Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

1 Ti̱mo̱te̱yo̱ 3:3

Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

1 Ti̱mo̱te̱yo̱ 6:10

Eci ming irez e̱e̱ti̱ kaal oroot, anyak no̱ngi̱tto̱n cik gerzek do̱o̱k. Abarik ol uggak utuburet tu̱we̱ne̱t zoz ci Ta̱mu̱ta̱dde̱no̱ aartik zi̱nze̱tti̱ kaal, kar kanyaktak e̱le̱tti̱ u̱u̱ce̱z.

1 Ti̱mo̱te̱yo̱ 6:4

een enne e̱e̱t ci odong ele. Iróng enne a̱gga̱ gi̱i̱ imma. Abarik orong kadang ol gaganiko kar zin kanyaha jo̱o̱re̱. Anyaha zin dangonet neci meder, ki zoz ci irawone ol, ki to̱ri̱ne̱t, ki i̱no̱ni̱ ci gerze,

2 Ti̱mo̱te̱yo̱ 3:4

Ovolonge atin nege gonoggi, kar zin ku̱tu̱gu̱zzo̱ kaal cik e̱e̱ggi̱n darace, odong e̱le̱tti̱. Irez kaal cik lo̱o̱tu̱, abarik uunge Ta̱mu̱ta̱dde̱n.

Je̱mi̱s 2:8

Ming azunnu niga lo̱ti̱nno̱k wak riilik Warage ci Ta̱mu̱ta̱dde̱no̱ e̱he̱rye̱ azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱,” ogonnu niga zoz ci een de̱de̱.

Je̱mi̱s 4:16

Ki i̱yo̱ko̱ odongnyu niga e̱le̱tti̱ ko̱, een donginet e̱le̱tti̱ zoz ci lo̱rye̱nto̱.

Je̱mi̱s 4:6

Abarik enne aanyet agit deten ci a̱ppwe̱. Zoz zin ci ozoz Waraga ci Ta̱mu̱ta̱dde̱no̱ azi ne: “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

2 Peturu 2:10

Edez atin Ta̱mu̱ta̱dde̱n oroot ol wak i̱no̱n kaal cik gerzek ki wak ibbeze nege alaanzet ci alaatu. Odong ol ne̱ko̱ e̱le̱tti̱ kar kozozit mootiza, iróng nege o̱ngo̱o̱le̱ ngati otore kaal cik aavtte ta̱mu̱-kenga.

2 Peturu 2:12

Imma ol ne̱ko̱ iróng a̱gga̱ gerziten cinne̱ng. Ogon nege ki i̱yo̱ko̱ elegje wak zarak iróng ozozi, a̱rri̱ta̱i̱ nege kize kaal cik a̱ru̱we̱ ka̱da̱i̱to̱. Ozoz zoz ci mu̱nye̱nu̱ ci iróng nege a̱gga̱. Egerzan atin nogo zoz ci gerze ogon nege ko̱.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.

O̱no̱zzo̱k 13:1

Kicina zin anna e̱le̱gi̱t ci a̱ddi̱ki̱re̱ mooti ci iyowa nyatapare ci a̱ddi̱ki̱re̱. Anyak o̱to̱ omoto, ki o̱o̱tti̱ turgerem ki lulukwa omoto o̱to̱ne̱, kar o̱o̱tti̱ne̱ anyak zar cik eheronik nogo do̱o̱k odome nege Ta̱mu̱ta̱dde̱n.

O̱no̱zzo̱k 16:11

kar zin kotorit Ta̱mu̱ta̱dde̱n ci ta̱mu̱-kengo ma̱rri̱t a̱u̱ce̱ bboroyowa e̱le̱tti̱ne̱ cigge̱k, abarik abure iróng urta mu̱nye̱n cigge̱k zo̱ze̱ ci u̱tu̱gu̱zzo̱ nege.

O̱no̱zzo̱k 16:21

Itazak zin ol teltelena cik a̱ddi̱ki̱re̱ i̱i̱na̱ ta̱mu̱-kenga, ming atiman ol e̱e̱ggi̱n coviyanya rama. Otorit zin nege Ta̱mu̱ta̱dde̱n zo̱ze̱ ci zeret ci a̱ju̱ka̱ teltelen ne̱ke̱, ma̱rri̱t zeret neci ming gerza oroot.

O̱no̱zzo̱k 16:9

Ovoc zin a̱bu̱re̱zi̱ neci ol oroot zee kar zin ol kotorit zar cik Ta̱mu̱ta̱dde̱no̱, wa anyak komiz ci alame zerenin ne̱ko̱ do̱o̱k, abarik utuburet iróng ngen urta mu̱nye̱n cigge̱k kar ki̱di̱ngdi̱nga̱ni̱t nonno.