2 Ti̱mo̱te̱yo̱ 3:16 - Tennet

¹⁶ A̱kku̱ Waraga ci Ta̱mu̱ta̱dde̱no̱ do̱o̱k Vongize ci Ta̱mu̱ta̱dde̱no̱, kar ke̱de̱me̱zi̱t zoz wa een de̱de̱, ci amad ol zo̱ze̱ ci mu̱nye̱nu̱, ki dimaninet zoz ci abaci, kar kedemez bunnat ci kabahe ju̱rru̱m,

2 Ti̱mo̱te̱yo̱ 3:16 ပူးပေါင်းရင်းမြစ်များ

Ma̱te̱yo̱ 13:52

Kar zin kizek nogo ne, “Imma zin de̱me̱zo̱i̱ti̱ wa lo̱ti̱nno̱u̱ wa edemeze zo̱ze̱ ci ba̱a̱li̱ne̱t ci ta̱mu̱-kengo ko̱, ogon ki e̱e̱ti̱ ci een manyi ce̱e̱z. Anyaha kaal cik een jor ki wak unuweto de̱he̱ra̱ re̱e̱nu̱n.”

Ma̱te̱yo̱ 21:42

I̱jji̱n zin Ye̱su̱ nogo, “Ngen niga ikebit zoz necu Warage ci Ta̱mu̱ta̱dde̱no̱? Azi ne, “‘Okko bee bali abure ol wak eenyce ko̱ ize bee ci abilne ce̱e̱z kommog veelek. U̱tu̱gu̱ Manyi zoz necu, a̱zi̱ze̱ oroot ming kacin naga eberene.’

Ma̱te̱yo̱ 22:43

O̱bo̱de̱k zin Ye̱su̱ nogo, “Nya zin ba̱li̱ye̱ Da̱vi̱de̱ ozoz komize ci Vongiz ci A̱li̱le̱ awu nonno azi ne, ‘Manyi’? Eci azi Da̱vi̱de̱ ne,

Ma̱te̱yo̱ 26:54

Ming ku̱tu̱gu̱ anna niko, akati wo̱ye̱ zoz ci Ta̱mu̱ta̱dde̱no̱ e̱he̱rye̱ Warage cinne azi ne, ogonika ol annit ko̱ mo̱o̱le̱t ku̱?”

Ma̱te̱yo̱ 26:56

A̱vvu̱ kaala ne̱ko̱ do̱o̱k abunna zoz bali ozoz a̱ri̱tto̱wa̱ Warage ci Ta̱mu̱ta̱dde̱no̱ ke̱ kakat mo̱o̱le̱t.” Kar zin nuyaha do̱o̱k ko̱do̱te̱k nonno lo̱o̱c kar ki̱vi̱re̱t.

Marko 12:24

O̱bo̱de̱k zin Ye̱su̱ nogo izek ne, “Abaccu niga eci iróng niga a̱gga̱yyu̱ Waraga ci Ta̱mu̱ta̱dde̱no̱ icima komiz cinne.

Marko 12:36

Ozoz Da̱vi̱de̱ enne eliya Vongize ci A̱li̱le̱ ize ne: “‘A̱nne̱k Manyi Manyi cinanni ne: “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol, zee ku̱tu̱gu̱ anna mo̱ddo̱ wagunnek, ka̱vvu̱to̱ zoone cigunnek.”’

Kaviyak wak Abunna Ta̱mu̱ta̱dde̱no̱ eher Joni 10:35

A̱gga̱yyu̱ iróng e̱e̱ti̱ imma uhu Waraga ci Ta̱mu̱ta̱dde̱no̱, aave zoz ci e̱he̱rye̱ ko̱ een de̱de̱ udut. Awu Ta̱mu̱ta̱dde̱n ol wak elemtta zoz cinne ‘ta̱mu̱ta̱dde̱ne̱t’,

Kaviyak wak Abunna Ta̱mu̱ta̱dde̱no̱ eher Joni 3:20

Abure ol ne̱k ogon mu̱nye̱n ko̱ tukulec, iróng orong ki̱vi̱ta̱k tukulec, eci o̱ngo̱o̱le̱ i̱ye̱la̱ atin mu̱nye̱n cigge̱k.

Buk wa To̱ni̱a̱u̱ 1:16

Kar enne kize ne, “Gotonogga ki ngonogga tu̱we̱nta̱, akat zoz bali e̱he̱rye̱ Warage ci Ta̱mu̱ta̱dde̱no̱ ke̱ mo̱o̱le̱t, ci ozoz bali Vongizi ci A̱li̱le̱ go̱o̱le̱ ci Da̱vi̱de̱ bali reena zo̱ze̱ ci Judasi wa bali okko aanyik Ye̱su̱ kecebe,

Buk wa To̱ni̱a̱u̱ 18:25

Edemez da̱ e̱e̱ti̱ imma nonno zoz ci Manyi, ozoz enne oroot talninta, uwak zoz ci Ye̱su̱ ju̱rru̱m, abarik da̱ enne a̱gga̱ ba̱ti̱ti̱mo̱ wa Joni do̱ niko.

Buk wa To̱ni̱a̱u̱ 20:20

ka̱du̱wa̱kku̱ng zoz ci een de̱de̱ odohize zu̱wa̱ ki bo̱do̱k ce̱e̱zi̱nne̱ ciggo̱k.

Buk wa To̱ni̱a̱u̱ 20:27

Eci anna ku̱du̱wa̱u̱ng i̱ge̱t zoz do̱o̱k kaviyahe cik abunna Ta̱mu̱ta̱dde̱no̱.

Buk wa To̱ni̱a̱u̱ 28:25

Adangto zin nege e̱le̱tti̱ne̱, ma baling ngen nege koot, iizek zin Pa̱u̱lo̱ nogo ne, “Ozoz Vongizi ci A̱li̱le̱ zoz ci een de̱de̱ ngati ji̱ji̱ti̱ggo̱k baling a̱du̱wa̱k enne a̱ri̱to̱i̱t wa een Isaya a̱nne̱k ne:

Roma 15:4

Eci kaala ne̱k e̱he̱rye̱ Warage ci Ta̱mu̱ta̱dde̱no̱ do̱o̱k ko̱, e̱he̱rye̱ kar kedemezet agit zoz wa een de̱de̱, kar naga go̱o̱le̱ ci kanime no̱ngi̱tto̱n ki zoz ci a̱du̱wa̱kke̱t zoz ci Ta̱mu̱ta̱dde̱no̱, kar atin kartik zi̱nze̱tti̱ zoz ci atin a̱kku̱ ke̱.

Roma 2:20

Annu niga ne, a̱gga̱yyu̱ lo̱ti̱nno̱k cik Ta̱mu̱ta̱dde̱no̱ wak anyak genyiz ki zoz ci een de̱de̱, i̱lo̱ti̱kku̱ wo̱ye̱ ol cik adite iina kar edemezit dooli cikidik.

Roma 3:2

Ming ize e̱e̱ti̱ Ya̱u̱do̱c, riile nege go̱o̱lo̱we̱ cik meelek giir: Arrak oowa, a̱du̱wa̱k Ta̱mu̱ta̱dde̱n kaviyak ciginnek wak abunna ol utuge ci ol cik een Ya̱u̱d.

Roma 4:23

Ki i̱yo̱ko̱ ming kikeb naga Warage ci Ta̱mu̱ta̱dde̱no̱ ko̱. Iróng zin zoz een ci Aburaham do̱ ci elemi Ta̱mu̱ta̱dde̱n kize e̱e̱t ci abunna zo̱ze̱ ci tu̱we̱ne̱t cinne,

1 Ko̱ri̱nto̱ 12:7

I̱ye̱la̱ Vongizi ci A̱li̱le̱ ele olle do̱o̱k go̱o̱lo̱we̱ cik aavtte do̱ do̱ abunna ming eela nogo do̱o̱k.

Ga̱la̱ti̱a̱ 3:8

Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

I̱bu̱ru̱ 11:1

I̱yo̱ko̱ zin, een tu̱we̱ne̱t gi̱i̱ ci karike naga zi̱nze̱tti̱ ko̱ de̱de̱, i̱ye̱le̱kke̱t atin kaal cik iróng naga kacin i̱yo̱ko̱ niko eberene.

I̱bu̱ru̱ 3:7

I̱yo̱ko̱ zin, ki ming a̱du̱wa̱ Vongizi ci A̱li̱le̱ ko̱: “Wazin necu, ming aziknnu niga muluk ci Ta̱mu̱ta̱dde̱no̱,

I̱bu̱ru̱ 4:12

Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.