2 Ti̱mo̱te̱yo̱ 3:12 - Tennet

¹² De̱de̱, ming aanyik e̱e̱ti̱ zinin Ta̱mu̱ta̱dde̱n ngati Ye̱su̱ Ki̱ri̱sto̱, abarik a̱gi̱d atin ol nonno.

2 Ti̱mo̱te̱yo̱ 3:12 ပူးပေါင်းရင်းမြစ်များ

Ma̱te̱yo̱ 16:24

Iizek zin Ye̱su̱ nuyak ne, “Ming orong e̱e̱ti̱ kize to̱ni̱a̱t cinanni, anyik kutungek kaal cik lo̱o̱tu̱ irez enne ko̱, do̱o̱k, kar zin kodong ta̱la̱ke̱c cinne piryanzeto kar zin kunuwan.

Ma̱te̱yo̱ 23:34

Ki̱tto̱na̱kku̱ng a̱ri̱tto̱k wak zoz ci Ta̱mu̱ta̱dde̱no̱ ki ol wak egenyi ki de̱me̱zzo̱k. A̱ru̱kku̱ atin niga u̱gge̱ ka̱da̱i̱to̱ kar ododek ta̱la̱ke̱c; kar atin bo̱do̱k u̱ru̱we̱t u̱gge̱ Ce̱e̱zi̱nne̱ wak Lawinto, aliyanu nogo o̱ro̱gjo̱we̱.

Marko 10:30

amuda atin enne bu̱k kaal o̱bo̱n co̱de̱ lak o̱bo̱n co̱de̱, amuda enne baize cu (ce̱e̱zi̱ ki gotonoggi ki ngonoggi ki e̱e̱ti̱nne̱ng ki dooli, ki kaal cik meelek giir kar bo̱do̱k ol ki̱gi̱de̱t nonno) Imma baize ci atin a̱kku̱ ko̱ anyak baiz ci aave udut.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 17:14

Ku̱du̱wa̱ha̱ nogo zoz cunne abarik zin ol wak iróng a̱tu̱we̱ lo̱o̱ta̱ ngatu, amartoi nogo, ma̱rri̱t nege e̱e̱ggi̱n ol wak a̱tu̱we̱, iróng ngen e̱e̱ggi̱n olli lo̱o̱tu̱, ki i̱yo̱ko̱ anna ming iróng ngen ke̱e̱ni̱ ci lo̱o̱tu̱ ko̱.

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

1 Ko̱ri̱nto̱ 15:19

Ming een zo̱ze̱ ci baiz cu do̱ ci karike naga zi̱nze̱tti̱ Ki̱ri̱sto̱, kapirna wo̱ye̱ naga kommogit ol wak lo̱o̱tu̱ do̱o̱k.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 4:9

Ming a̱gi̱dde̱t ol nu̱nu̱n, iróng zin Ta̱mu̱ta̱dde̱n aanyik e̱e̱t imma ngatinna ku̱ru̱we̱. I̱i̱te̱n imma a̱ru̱we̱kke̱t ol utube, iróng zin Ta̱mu̱ta̱dde̱n aanyik nogo gool ci a̱ru̱kke̱t kize daiz.

1 Ti̱mo̱te̱yo̱ 2:2

Alayek Ta̱mu̱ta̱dde̱n alaat cik abal lo̱o̱c ki ol wak a̱ddi̱ki̱re̱ abal ol, ki ol wak abal nege, kar kabait labak go̱o̱le̱ ci kireze Ta̱mu̱ta̱dde̱n zi̱nze̱tti̱nne̱ cik abunna.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Ti̱mo̱te̱yo̱ 6:3

ming edemez e̱e̱ti̱ lo̱ti̱nno̱k wak aavtte do̱ ngati lo̱ti̱nno̱k wak Manyitinna Ye̱su̱ Ki̱ri̱sto̱ een de̱de̱ ki gool ci kanu ko̱,

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

1 Peturu 3:14

Ma wo̱ye̱ nu̱nu̱n ming apirnannu ngati ogonnu kaal cik abunna, ngen zin abarik Ta̱mu̱ta̱dde̱n a̱ma̱yu̱kku̱ng. “Ma o̱ngo̱o̱li̱nnu̱ zoz imma icima i̱no̱nnu̱ zoz ci ogonekku̱ng ol kaal cik gerzek.”

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

O̱no̱zzo̱k 12:4

Okko ku̱u̱l cinne a̱vi̱la̱ munyuny lo̱lo̱i̱t cidici ta̱mu̱-kenga ku̱ju̱ke̱k lo̱o̱c. Ibil zin u̱ggu̱li̱ ngu̱me̱ ci ngaa ci orong kutuyai ko̱, kar atin enne kadak do̱le̱c ci ngaa neci ming okko a̱rri̱ta̱i̱.

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.