2 Ti̱mo̱te̱yo̱ 3:10 - Tennet

¹⁰ I̱yo̱ko̱, Ti̱mo̱te̱yo̱, a̱gga̱ i̱nna̱ de̱mzi̱ne̱t cinanni oroot, gool ci kowowene ki ol, ki gi̱i̱ ci korongi anna baize cinanni, ki tu̱we̱ne̱t cinanni ci ka̱tu̱we̱ Ta̱mu̱ta̱dde̱n, ki zinin ci alali, ki gool ci kireze ol, ki baiz ci kanime no̱ngi̱tto̱n.

2 Ti̱mo̱te̱yo̱ 3:10 ပူးပေါင်းရင်းမြစ်များ

Lu̱ka̱ 1:3

Kar zin ming kicina anna eliya kaal do̱o̱k kanenta, abunna ngatinanni kar keteher zo̱zzo̱k ne̱ke̱ do̱o̱k ju̱rru̱m, keheriki anna i̱nne̱ta̱, Theophilos,

Buk wa To̱ni̱a̱u̱ 11:23

Baling arawa enne kar kicin deten ci Ta̱mu̱ta̱dde̱no̱, atal oroot kar zin ku̱du̱wa̱k nogo abunna ming abile de̱de̱ zo̱ze̱ ci Manyi zi̱nze̱tti̱nne̱ cigge̱k do̱o̱k.

Buk wa To̱ni̱a̱u̱ 2:42

Aanycik nege e̱le̱tti̱ cigge̱k de̱mzi̱ne̱t ci to̱ni̱a̱u̱ ki wowonet cinne̱ng, ki du̱le̱ne̱t umune nga̱to̱de̱ ki lawinet.

Buk wa To̱ni̱a̱u̱ 20:18

Baling i̱vi̱tta̱k nege nonno, iizek zin nogo ne: “A̱gga̱yyu̱ niga gool ci kabahe anna nginti bali kabak ki i̱ge̱t i̱i̱nya̱ do̱o̱k, i̱i̱te̱ne̱ wa een oo ka̱kku̱na̱k anna lo̱o̱c ci Asia.

Buk wa To̱ni̱a̱u̱ 26:4

“A̱gga̱ olli Ya̱u̱do̱ do̱o̱k baiz cinanni baling ngen ke̱e̱ni̱ anna idica ke̱, akane baizi cinanni o̱rge̱ cinanni ele kar bo̱do̱k Jerusalema.

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

2 Ko̱ri̱nto̱ 1:17

Ma baling kodola zinine cinanni korongi ki̱vo̱nnu̱ng ke̱, kodola de̱de̱, iróng kogonni kiwagon ol wak a̱ba̱nne̱ zi̱nze̱tti̱.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Vilipia 2:20

I̱llo̱i̱ e̱e̱t imma ngatu ci kaavtiya bu̱k ci anyak zinin ci abunna ki Ti̱mo̱te̱yo̱, nonno do̱ niko ci azunne baiz cunno̱ng.

Vilipia 2:22

Imma Ti̱mo̱te̱yo̱, a̱gga̱yyu̱ niga arizet cinne, ka̱li̱ngli̱ngnya̱ ki nonno bu̱k ngati kuwaheka ol kaviyak cik abunna, ogon enne ngatinanni ki do̱le̱c ci a̱li̱ngli̱ng ki baatinne.

1 Te̱se̱lo̱ni̱ka̱ 1:5

Ma̱rri̱t baling kanyaktaung kaviyak cik abunna Ta̱mu̱ta̱dde̱no̱ obod ki zoz ci Ye̱su̱ wa atahalai. Iróng ba̱li̱ye̱ een kaviyak cik ku̱du̱kta̱ zar ulla ci a̱a̱nyu̱ng elemtta zoz ci Ye̱su̱, een abarik komize ci Ta̱mu̱ta̱dde̱no̱ ki Vongiz ci A̱li̱le̱ ci bali a̱li̱ngli̱ng orgene cinna. A̱gga̱yyu̱ ri̱t bo̱do̱k niga bu̱k niko baiz cinna̱ng baling kabak ki i̱ge̱t ke̱.

1 Ti̱mo̱te̱yo̱ 1:3

Ki baling ka̱jji̱nni̱ la̱du̱n i̱i̱ bali kokkoye anna lo̱o̱ce̱ ci een Macedonia ke̱, aave i̱nna̱ o̱rge̱ ci een Ephesus kar gerenyek ol wak edemezek ol wak a̱tu̱we̱ zoz ci een volong.

1 Ti̱mo̱te̱yo̱ 4:6

Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

2 Ti̱mo̱te̱yo̱ 4:3

A̱kku̱ i̱i̱te̱ni̱ ci iróng ol ngen orong kiziyet de̱mzi̱ne̱t ci abunna. Abarik aluta demezyak kizeto meele, orongit kar ku̱du̱kta̱k nogo kaal cik i̱i̱zo̱ iin cigge̱k.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.