2 Ti̱mo̱te̱yo̱ 2:9 - Tennet

⁹ Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

2 Ti̱mo̱te̱yo̱ 2:9 ပူးပေါင်းရင်းမြစ်များ

Lu̱ka̱ 23:32

Ovvoye nege wazin neci ol cik e̱e̱ggi̱n ogoryak rama ki Ye̱su̱ koot ku̱ru̱kte̱ ka̱da̱i̱to̱.

Buk wa To̱ni̱a̱u̱ 21:33

I̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ eceb Pa̱u̱lo̱ kar zin enne ku̱du̱wa̱k ol kecebit nonno diditai cik e̱e̱ggi̱n rama. Kar zin enne ki̱jji̱no̱, een enne ngene, u̱tu̱gu̱ enne nyaa?

Buk wa To̱ni̱a̱u̱ 28:31

Uwahek Pa̱u̱lo̱ ol ba̱a̱li̱ne̱t ci Ta̱mu̱ta̱dde̱no̱ ngati iróng o̱ngo̱o̱li̱nne̱ zoz imma, kar bo̱do̱k kedemez zoz ci obod ki Manyi Ye̱su̱ Ki̱ri̱sto̱.

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Vilipia 1:17

Imma ol wak een mederyok ko̱, uwahek ol zoz ci Ki̱ri̱sto̱ go̱o̱le̱ ci oronge nege kaal cik orong zi̱nze̱tti̱ cigge̱k, iróng een zoz ci een de̱de̱, orong nege kamarta annita nong ming kecebje lagama niko ko̱.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Kolosiya 4:18

Annita Pa̱u̱lo̱ ci keherakkung i̱ge̱t zawinet cu a̱tte̱ cinanni. Abunna zin ming a̱a̱da̱nnu̱ ce̱bi̱ne̱t cinanni lagama. Anyik deten ci Ta̱mu̱ta̱dde̱no̱ ka̱vvu̱ ngatinno̱ng.

Kolosiya 4:3

Kar alayettu agit bu̱k Ta̱mu̱ta̱dde̱n, kar enne koowet gool ci kuwaheka ol kaviyak cik abunna, kar ku̱du̱kta̱k ol zoz ci Ye̱su̱ Ki̱ri̱sto̱ bali a̱lu̱gnye̱ ke̱. Kecebje zin anna lagama zo̱ze̱ necu.

1 Te̱se̱lo̱ni̱ka̱ 1:8

Eci a̱tu̱we̱nu̱ niga zo̱ze̱ ci Manyi Ye̱su̱, iróng zin zoz neci atakuza lo̱o̱c ci Macedonia ki ci Achaia do̱, abarik edera lo̱o̱c do̱o̱k zo̱ze̱ ci a̱tu̱yyu̱ niga zoz ci Ta̱mu̱ta̱dde̱no̱, ki̱zzi̱ rok zoz imma ci ka̱du̱wa̱kka̱ nogo.

2 Te̱se̱lo̱ni̱ka̱ 3:1

Gotonogga wak tu̱we̱nto̱, korongnyung alayettu Ta̱mu̱ta̱dde̱n kar kanyik zoz wa Manyi kuzuca ol u̱gge̱ ataman, ki baling azucanung kar o̱to̱ngo̱o̱ltte̱ zoz cinne ke̱.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 1:16

Anyik Manyi ka̱mu̱yu̱k ce̱e̱z ci Onesiphorus, ma̱rri̱t ba̱li̱ye̱ ozozikan, iróng enne anyak a̱li̱ya̱n zo̱ze̱ ci kecebine anna lagama ko̱.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

2 Ti̱mo̱te̱yo̱ 2:3

Niim pirnanet kiwagon aciiroci ngati a̱li̱ngli̱nge̱ zoz ci Ye̱su̱ Ki̱ri̱sto̱.

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 2:14

O̱to̱ngo̱o̱ltte̱ bo̱do̱k alaat wak i̱tto̱na̱ enne kar ki̱vi̱ta̱ kettedek ol wak ogon kaal cik gerzek lo̱ki̱ko̱ kar bo̱do̱k kinnatit ol wak ogon kaal cik abunna.

1 Peturu 3:16

Abunna abarizek ol zoz ci abunna kar ol wak a̱du̱wa̱ki̱ kaal cik gerzek ngati Ki̱ri̱sto̱ ko̱, kadak nogo a̱li̱ya̱ni̱.

1 Peturu 4:15

Abarik zin ming apirnannu niga niko ko̱, iróng ogonnu ki ol wak a̱ru̱k ol icima ogoryak, icima ogonnu ki i̱rrki̱rryo̱wa̱, icima a̱du̱lo̱ne̱kku̱ zoz ci ol u̱gge̱.