2 Ti̱mo̱te̱yo̱ 2:7 - Tennet

⁷ I̱no̱n zoz ci ka̱du̱wa̱ki̱ ko̱, aanyi atin Manyi genyiz ci okko a̱gga̱we̱ kaal do̱o̱k.

2 Ti̱mo̱te̱yo̱ 2:7 ပူးပေါင်းရင်းမြစ်များ

Lu̱ka̱ 21:15

Eci ka̱a̱nyu̱ng atin anna i̱ge̱ta̱ zoz ki genyiz kar zin ol ne̱k amarinnung ko̱, iróng amuda gool ci aburne zoz cunno̱ng.

Lu̱ka̱ 24:45

Oo zin enne o̱o̱tti̱ cigge̱k kar ka̱gga̱c zo̱zzo̱k wak a̱du̱wa̱ Waraga ci Ta̱mu̱ta̱dde̱no̱.

Lu̱ka̱ 9:44

“Izikto ju̱rru̱m zo̱ze̱ ci okko anna ka̱du̱wa̱kku̱ng ko̱: Okko atin e̱e̱ti̱ imma adawa Ngerrti E̱e̱to̱ ngati anyike nonno azzin cik ol cik meelek giir.”

Kaviyak wak Abunna Ta̱mu̱ta̱dde̱no̱ eher Joni 14:26

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 16:13

Ming i̱ki̱ya̱ De̱me̱zo̱i̱ti̱ ci een Vongiz wa een de̱de̱, okko atin i̱ye̱le̱kku̱ng de̱mzi̱ne̱t wak e̱e̱ggi̱n de̱de̱. Iróng atin zoz ci okko enne a̱du̱wa̱ ko̱ een zoz cinne, a̱du̱wa̱kku̱ng atin zoz ci izik enne, kar zin atin ku̱du̱wa̱u̱ng gi̱i̱ ci atin okko a̱kku̱.

Buk wa To̱ni̱a̱u̱ 7:10

kar keela nonno kaale cik gerzek do̱o̱k. Aanyik Ta̱mu̱ta̱dde̱n Yosevo genyiz ci zozo, kar zin alaani ci Masiro katal nonno, atahala nonno kize e̱e̱t ci abal Masir ki ol ce̱e̱ze̱ cinne do̱o̱k.

1 Ko̱ri̱nto̱ 12:8

Aanyik Vongizi ci A̱li̱le̱ e̱e̱t doiz ci kar enne kozoz arizet ci obod ki zoz ci genyizo. Okko bo̱do̱k ngati e̱e̱t imma aanyik doiz ci a̱gga̱we̱ zoz ci abunna a̱du̱wa̱k ol.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

Kolosiya 1:9

Imma zin zo̱ze̱ necu, baling kizikta zoz cunno̱ng, ngen naga kibilizta lawinet Ta̱mu̱ta̱dde̱n zo̱ze̱ cunno̱ng kar ka̱a̱nyu̱ng genyiz ci Vongizo ki gga̱wa̱ne̱t zoz.

1 Ti̱mo̱te̱yo̱ 4:15

I̱no̱n zo̱zzo̱k cik ka̱du̱wa̱ki̱ ko̱ odohize, li̱ngli̱ng ju̱rru̱m kar kicinnet ebere do̱o̱k ming u̱u̱li̱ i̱nna̱ de̱de̱.

2 Ti̱mo̱te̱yo̱ 2:6

Arume ol wak e̱e̱vye̱ oroot oowa ngati ngen ki̱bbi̱re̱ ma̱na̱ ci ollu.

2 Ti̱mo̱te̱yo̱ 2:8

I̱no̱na̱ Ye̱su̱ Ki̱ri̱sto̱ odohize, wa een ngerrti Da̱vi̱de̱ wa atahalai bali ingane Ta̱mu̱ta̱dde̱n nonno daiza. Een ne̱ko̱ kaviyak cik abunna cigannik.

I̱bu̱ru̱ 12:3

Icinnet da̱ baiz bali anime enne gi̱de̱ne̱t a̱tte̱ ci olli mu̱nye̱nu̱ oroot, abunna iróng niga o̱ngo̱o̱li̱nnu̱ baiz bak aburnnu nong.

I̱bu̱ru̱ 13:7

A̱a̱dda̱ ddi̱ki̱ryyo̱k cuggo̱k balik edemezung zoz ci Ta̱mu̱ta̱dde̱no̱ ke̱. A̱a̱dda̱ baiz ci abahe nege, i̱ye̱zi̱t tu̱we̱ne̱t cinne̱ng.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

I̱bu̱ru̱ 7:4

A̱ddi̱ki̱re̱ Melchizedeki kommog veelek. I̱no̱ni̱t zoz cu: Aanyik Aburahami nonno taban cinne gi̱i̱ co̱de̱ kaale cik e̱e̱ggi̱n omoto a̱zi̱ze̱ akana enne illawa.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

Je̱mi̱s 3:15

Iróng zin genyizi ci ogon niko a̱kku̱ ta̱mu̱-kenga, een genyiz ci lo̱o̱tu̱, iróng anyak zoz ci vongizo, anyak zoz ci lo̱rye̱nto̱.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.