2 Ti̱mo̱te̱yo̱ 2:22 - Tennet

²² Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

2 Ti̱mo̱te̱yo̱ 2:22 ပူးပေါင်းရင်းမြစ်များ

Buk wa To̱ni̱a̱u̱ 7:59

Baling ovvocit nege Stephen, alawo zin enne, azi ne, “Manyi Ye̱su̱, bite vongiz cinanni.”

Buk wa To̱ni̱a̱u̱ 9:14

A̱kku̱ zin enne ngintu komize ci alaat cik olli wawaco kar keceb ol do̱o̱k wak annu zoz cunne.”

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

1 Ko̱ri̱nto̱ 10:14

Gotonogga ki ngonogga tu̱we̱nta̱, e̱de̱yya̱ e̱le̱tti̱ to̱do̱yo̱we̱ cik e̱e̱ggi̱n ta̱mu̱ta̱dde̱ne̱t cik adimanai azzine.

1 Ko̱ri̱nto̱ 14:1

Abunna zin ming annuyu zoz ci rezinto oroot, kar orongit arizet ci Vongizo, ommogje arizet ci a̱du̱wa̱k ol zoz ci Ta̱mu̱ta̱dde̱no̱.

1 Ko̱ri̱nto̱ 6:18

E̱de̱yya̱ e̱le̱tti̱ baize ci a̱li̱ya̱kze̱ti̱nu̱. Imma mu̱nye̱na̱ cik ogon e̱e̱ti̱ ci diiri ko̱ do̱o̱k aavtte eliya eci re̱e̱nu̱no̱, ma̱i̱je̱ e̱e̱ti̱ icima ngaa ci een a̱li̱ya̱i̱t ogonik mu̱nye̱n ele cinne.

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Ti̱mo̱te̱yo̱ 2:8

Korongi ol do̱o̱k wak a̱tu̱we̱ kabanycek azzin cik a̱li̱le̱ Ta̱mu̱ta̱dde̱n ngati alawine, ci iróng nege abure nong icima adango.

1 Ti̱mo̱te̱yo̱ 4:12

Ma anyik ol kibbeztin eci i̱nna̱ e̱e̱ni̱ idica, abarik anyik ol cik a̱tu̱we̱ kicinnet gool ci uwahe i̱nna̱ zoz ci Ta̱mu̱ta̱dde̱no̱, gool ci owowonu ki ol, gool ci ireze Ta̱mu̱ta̱dde̱n ki ol, gool ci a̱tu̱we̱ Ta̱mu̱ta̱dde̱n, ki gool ci abahe labak.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

1 Peturu 3:11

Abunna la̱du̱n enne ming uungnek kaal cik mu̱nye̱nu̱ kar ku̱tu̱gu̱ kaal cik abunna; abunna la̱du̱n ming orong enne gano kar kaanyik kize baiz cinne.

3 Jon 1:11

Goona wa zinino, ma uhu zoz ci mu̱nye̱nu̱ kize zoz ci abunna. Imma e̱e̱ti̱ ci ogon zoz ci abunna een enne e̱e̱t ci Ta̱mu̱ta̱dde̱no̱, imma e̱e̱ti̱ ci ogon mu̱nye̱n iróng enne a̱gga̱ Ta̱mu̱ta̱dde̱n.