2 Ti̱mo̱te̱yo̱ 2:2 - Tennet

² kar zo̱zzo̱wa̱ balik aziyi i̱nna̱ ngatinanni, ngati aavtte bbacaha cik meelek ke̱, anyonik zo̱zzo̱wa̱ ne̱ke̱ ol cik abunna kar atin nege ke̱de̱me̱zi̱t ol u̱gge̱ bu̱k.

2 Ti̱mo̱te̱yo̱ 2:2 ပူးပေါင်းရင်းမြစ်များ

Ma̱te̱yo̱ 13:52

Kar zin kizek nogo ne, “Imma zin de̱me̱zo̱i̱ti̱ wa lo̱ti̱nno̱u̱ wa edemeze zo̱ze̱ ci ba̱a̱li̱ne̱t ci ta̱mu̱-kengo ko̱, ogon ki e̱e̱ti̱ ci een manyi ce̱e̱z. Anyaha kaal cik een jor ki wak unuweto de̱he̱ra̱ re̱e̱nu̱n.”

Ma̱te̱yo̱ 24:25

Izikto ju̱rru̱m, ku̱du̱wa̱u̱ng anna ming ngen zoz neci ki̱ki̱ya̱.

Lu̱ka̱ 12:42

O̱bo̱de̱k zin Manyi nonno, “Ngene zin ci een e̱e̱t ci abunna kar ka̱gga̱m kaal cik li̱ngli̱ngo̱nta̱k ju̱rru̱m, nonno ci aarik alaani kize enne ddi̱ki̱ryo̱i̱t ci du̱cca̱k ciginnek, ci aanyik nogo o̱ro̱bi̱ya̱ cik da̱i̱nta̱k ming e̱de̱cca̱ nege nye̱lo̱k?

1 Ko̱ri̱nto̱ 4:2

Abunna zin ol ne̱k anyonik li̱ngli̱ngo̱ni̱ ko̱, ming ogon li̱ngli̱ngo̱n ju̱rru̱m zi̱nze̱tti̱nne̱ cik alali.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

2 Ko̱ri̱nto̱ 3:5

Imma o̱to̱ne̱ cinna, iróng naga kanyak doiz ci kuule kaal do̱o̱k, iróng wo̱ye̱ ka̱du̱wa̱ kazi ne agit cik kanyak doiz. Abarik Ta̱mu̱ta̱dde̱n ci aanyyet doiz.

Kolosiya 1:7

Aziknnu niga zoz necu arrak oowa ngati e̱e̱t ci een zara Epaphras, e̱e̱t ci kireza naga ka̱li̱ngli̱ngnya̱ bu̱k ki nonno, een enne e̱e̱t ci a̱li̱ngli̱ng zoz ci Ki̱ri̱sto̱ ngatinna,

1 Ti̱mo̱te̱yo̱ 1:12

Kanyik zin anna zany Manyitinna Ye̱su̱ Ki̱ri̱sto̱. Kanyik bo̱do̱k zany ngati a̱gga̱we̱ zinin cinanni ming karike nonno. Kar zin a̱gga̱ya̱ annit ke̱e̱ni̱ e̱e̱t ci kabunna kar kaanya komiz ci ka̱li̱ngli̱nge̱ li̱ngli̱ngo̱n wainne.

1 Ti̱mo̱te̱yo̱ 1:18

Ti̱mo̱te̱yo̱ wa e̱e̱ni̱ ngeranni tu̱we̱nta̱, kamitaneki zoz necu niko kar zuute ele olle wak edemezek gonoggi volong azi ne zoz ci a̱kku̱ Ta̱mu̱ta̱dde̱na̱. Kozozi zin niko ngibali a̱du̱wa̱ne̱ a̱ri̱tto̱wa̱ muluk ci a̱kku̱ Ta̱mu̱ta̱dde̱na̱ obod ki i̱nne̱ta̱. Zik ti̱lo̱wi̱ne̱t necu ju̱rru̱m kar nyak tu̱we̱ne̱t, abunna atin ming u̱u̱li̱ a̱ri̱tto̱k ne̱k edemez ol volong ke̱.

1 Ti̱mo̱te̱yo̱ 4:14

Ma uungi arizet bali aanyi Ta̱mu̱ta̱dde̱n ke̱, bali amuda go̱o̱le̱ ci a̱du̱wa̱ki̱ a̱ri̱to̱i̱ti̱ ci zoz cinne, kar lo̱ddi̱ki̱re̱ cik Ce̱e̱z wa Ta̱mu̱ta̱dde̱no̱ kalayyei Ta̱mu̱ta̱dde̱n.

1 Ti̱mo̱te̱yo̱ 4:6

Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

1 Ti̱mo̱te̱yo̱ 5:22

Ma a̱vi̱le̱ke̱ e̱e̱t imma li̱ngli̱ngo̱n ci Ta̱mu̱ta̱dde̱no̱ ming ngen gga̱ nonno ju̱rru̱m, ma i̱i̱zo̱ mu̱nye̱n cik ol u̱gge̱, zuute ele kize caala paz.

1 Ti̱mo̱te̱yo̱ 6:12

Zuute zoz ci a̱tu̱we̱ Ye̱su̱. Abunna ming a̱gga̱mi̱ zoz ci baiz wa aave udut bali aanyi Ta̱mu̱ta̱dde̱n. I̱ye̱la̱ i̱nna̱ tu̱we̱ne̱t zoz ci Ta̱mu̱ta̱dde̱no̱ kicinnet icima kiziyet ol cik meelek ke̱.

2 Ti̱mo̱te̱yo̱ 3:10

I̱yo̱ko̱, Ti̱mo̱te̱yo̱, a̱gga̱ i̱nna̱ de̱mzi̱ne̱t cinanni oroot, gool ci kowowene ki ol, ki gi̱i̱ ci korongi anna baize cinanni, ki tu̱we̱ne̱t cinanni ci ka̱tu̱we̱ Ta̱mu̱ta̱dde̱n, ki zinin ci alali, ki gool ci kireze ol, ki baiz ci kanime no̱ngi̱tto̱n.

2 Ti̱mo̱te̱yo̱ 3:14

Ma̱i̱je̱ ngatunne Ti̱mo̱te̱yo̱, medak de̱mzi̱ne̱t ba̱li̱ye̱ ju̱rru̱m, kar bil tu̱we̱nta̱ ju̱rru̱m, abunna ming a̱gga̱ ngene ci edemezin.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.