2 Ti̱mo̱te̱yo̱ 2:18 - Tennet

¹⁸ cik utunget abarik zoz wa Ta̱mu̱ta̱dde̱no̱ een de̱de̱, i̱ti̱ktte̱ ol tu̱, kar kegerezanit tu̱we̱ne̱t cinne̱ng ngati edemzeke ol zoz ci azi ne, itingazzo abarik ol wak a̱da̱i̱to̱ daiza.

2 Ti̱mo̱te̱yo̱ 2:18 ပူးပေါင်းရင်းမြစ်များ

Ma̱te̱yo̱ 15:13

O̱bo̱de̱k zin enne nogo, “Okko atin Baba wa aave ta̱mu̱-kenga ko̱, aduca egeroi keen wak iriret ol uggak.

Ma̱te̱yo̱ 22:29

O̱bo̱de̱k zin Ye̱su̱ nogo, “Abaccu niga oroot eci iróng niga a̱gga̱yyu̱ Waraga ci Ta̱mu̱ta̱dde̱no̱, icima komiz cinne.

Lu̱ka̱ 8:13

Imma i̱nyo̱mo̱na̱ ne̱k i̱i̱na̱k biyen ko̱, ogon nege ki ol wak a̱gga̱ma̱ zoz talninta ming ovvo nege aziye, ma̱i̱je̱ ngatu iróng nege anyak egero. A̱tu̱we̱ arrak nege do̱yo̱i̱t, imma i̱i̱te̱n ci amuda nege timaninet, utungtek zin zoz neci lo̱o̱c.

Buk wa To̱ni̱a̱u̱ 5:39

Ma̱i̱je̱ ming een ngati Ta̱mu̱ta̱dde̱no̱, i̱llo̱i̱ gool ci kar ibilizte nogo udut, abarik amudannu e̱le̱tti̱ ming oyohonnu ki Ta̱mu̱ta̱dde̱n.”

1 Ko̱ri̱nto̱ 11:19

Abarik bo̱do̱k ngero cunno̱ng ko̱ iróng gerza, kar abunna ka̱gga̱ elemi Ta̱mu̱ta̱dde̱n ollik jang ngatinno̱ng.

1 Ko̱ri̱nto̱ 15:12

Ming kuwahek naga ol zoz ci ingane Ki̱ri̱sto̱ daiza, nya ming azi ol uggak ngatinno̱ng ne iróng atin ol wak a̱da̱i̱to̱ ingazi daiza ko̱?

Kolosiya 3:1

A̱gga̱yyu̱ itingtau niga ki Ki̱ri̱sto̱ daiza, abunna ming arikku zi̱nze̱tti̱ cuggo̱k kaal cik aavtte ta̱mu̱-kenga, ngati aave Ki̱ri̱sto̱ a̱tte̱ ci a̱zzo̱ Ta̱mu̱ta̱dde̱no̱ ngati doizo.

1 Ti̱mo̱te̱yo̱ 1:19

Anyak ol u̱gge̱ cik iróng arike tu̱we̱ne̱t zi̱nze̱tti̱, bak a̱ddu̱te̱ tu̱we̱ne̱t cinne̱ng ki i̱ra̱na̱ cik aavtte de̱e̱ra̱.

1 Ti̱mo̱te̱yo̱ 6:10

Eci ming irez e̱e̱ti̱ kaal oroot, anyak no̱ngi̱tto̱n cik gerzek do̱o̱k. Abarik ol uggak utuburet tu̱we̱ne̱t zoz ci Ta̱mu̱ta̱dde̱no̱ aartik zi̱nze̱tti̱ kaal, kar kanyaktak e̱le̱tti̱ u̱u̱ce̱z.

1 Ti̱mo̱te̱yo̱ 6:21

wak gon ol uggak i̱ya̱kza̱ genyiz imma zin go̱o̱le̱ ci ogone nege niko a̱ma̱li̱ltte̱ nogo o̱o̱tti̱ zo̱ze̱ ci tu̱we̱ne̱t cinne̱ng, utungtek abarik tu̱we̱ne̱t zoz ci Ta̱mu̱ta̱dde̱no̱ lo̱o̱c. Kala Ta̱mu̱ta̱dde̱n ka̱a̱nyu̱ng eezet.

2 Ti̱mo̱te̱yo̱ 2:14

Oobek ol wak a̱tu̱we̱ de̱mzi̱ne̱t cu ju̱rru̱m. Recanek nogo ngati azikne Manyi bu̱k kar iróng adangone zo̱zo̱nno̱k. Iróng dangonet anyaha gi̱i̱ ci abunna, abarik egerzan ol ne̱k azikne ke̱.

Ti̱to̱ 1:11

Ma anyike nyakanganet cik volongak ko̱ ke̱de̱me̱zi̱t ol cik Ta̱mu̱ta̱dde̱no̱, eci de̱mzi̱nte̱ neci egerzanit ol cik meelek oroot, iróng ngen elemi zoz ci een de̱de̱. Orong demezyaha cik ogon niko o̱ro̱bi̱ya̱ cik ollu.

I̱bu̱ru̱ 3:10

Zoz zin ci kaburnek anna nong bu̱u̱l neci ko̱ nenen necu, kar anna kize ne, ‘Ovvo odohize zi̱nze̱tti̱ cigge̱k tu̱a̱, iróng nege a̱gga̱ go̱o̱llo̱k cigannik.’

Je̱mi̱s 5:19

Gotonogga ki ngonogga tu̱we̱nta̱, ming anyak e̱e̱t ci i̱ti̱k tu̱ zo̱ze̱ ci een de̱de̱, anyik e̱e̱t imma kobodai nonno,

1 Jon 2:19

Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.