2 Ti̱mo̱te̱yo̱ 2:12 - Tennet

¹² Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.

2 Ti̱mo̱te̱yo̱ 2:12 ပူးပေါင်းရင်းမြစ်များ

Ma̱te̱yo̱ 10:33

Abarik ming aburna e̱e̱ti̱ orgene ci ollu, kokko atin anna ka̱bu̱ri̱ nonno bu̱k ngu̱me̱ ci Baba ta̱mu̱-kenga.

Ma̱te̱yo̱ 26:35

Abariz Peturu dee, kar kize ne, “I̱llo̱i̱, iróng anna kungneki lo̱o̱c udut, ma wo̱ye̱ nu̱nu̱n ming ize daiz, ka̱da̱i̱ ki i̱nne̱t nga̱to̱de̱.” Kar zin bo̱do̱k nuyaha do̱o̱k kizeto niko bu̱k.

Ma̱te̱yo̱ 26:75

A̱a̱dda̱ zin Peturu zoz bali u̱du̱wa̱ Ye̱su̱ ke̱, azi ne, “Ming ngen tuulici korok, etezinna atin i̱nna̱ annita lak i̱i̱yo̱.” Kar zin enne kuk reena, u̱tu̱lu̱ oroot.

Marko 10:33

Ize zin enne ne, “Kovvo naga rok Jerusalem, kar atin ol uggak kadaya annit Ngerrti E̱e̱to̱ ngati alaat cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱. Etteddek atin nege nonno daiz kar bo̱do̱k kanycik gaala cik iróng een Ya̱u̱d.

Marko 8:38

Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”

Lu̱ka̱ 12:9

Imma e̱e̱ti̱ ci amikzena annit orgene ci ollu, kokko atin anna kamikzene nonno bu̱k ngati utubte anjilonya cik Ta̱mu̱ta̱dde̱no̱.

Lu̱ka̱ 22:29

Kar anna ka̱a̱nyu̱ng ba̱a̱li̱ne̱t ci Ta̱mu̱ta̱dde̱no̱, ki baling aanya Baba annit co̱de̱ ke̱,

Lu̱ka̱ 22:30

kar atin niga wo̱ye̱ adakku da̱i̱ne̱t bak audenu ngati kaave anna ba̱a̱li̱nte̱ cinanni kar a̱vvu̱t lecerete, ettedu lo̱ki̱ko̱ ci booryyok cik Israilo e̱e̱ggi̱n omoto ki rama.

Lu̱ka̱ 9:26

Ming adak a̱li̱ya̱ni̱ e̱e̱t zo̱ze̱ cinanni, okko atin Ngerrti E̱e̱to̱ bu̱k adak a̱li̱ya̱ni̱ zo̱ze̱ cinne ming i̱ki̱ya̱k enne di̱ngdi̱ngo̱n cinne ki di̱ngdi̱ngo̱n ci Baatinne ki anjilonya cik a̱li̱le̱.

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

Roma 5:17

Abalet daizi ki i̱yo̱ko̱ alaani ko̱, eci Adami abaca. Iróng zin zoz necu atubo ki gi̱i̱ ci ogon Ye̱su̱ Ki̱ri̱sto̱. I̱i̱rke̱ Ta̱mu̱ta̱dde̱n ngatinna oroot, kar kaanyyet bunnat cinne ka̱vvu̱ baize cinna zo̱ze̱ ci e̱e̱t co̱de̱ ṯok, Ye̱su̱ Ki̱ri̱sto̱.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

Vilipia 1:28

Ma o̱ngo̱o̱li̱nnu̱ udut ol cik amarinnung i̱ge̱ta̱. Een necu zoz ci i̱ye̱la̱ egerzan atin Ta̱mu̱ta̱dde̱n nogo, ma̱i̱je̱ niga amudannu atin ti̱ri̱ze̱ne̱t ngati Ta̱mu̱ta̱dde̱no̱.

1 Ti̱mo̱te̱yo̱ 5:8

Imma ming iróng e̱e̱ti̱ azunne tatug cinne̱ng, ommogje ol cik ce̱e̱z cinne, utubur enne zoz ci a̱tu̱we̱ ol Ta̱mu̱ta̱dde̱n, ommog abarik enne e̱e̱t ci ngen kelema Ta̱mu̱ta̱dde̱n.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 1:6

kar kaanyyet kizet alaat ki olli wawaco abunna ka̱li̱ngli̱nge̱k Ta̱mu̱ta̱dde̱n Baatinne. Anyak Ye̱su̱ Ki̱ri̱sto̱ di̱ngdi̱ngo̱n ki doiz ci aave udut! Amen.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).

O̱no̱zzo̱k 20:6

A̱mu̱yu̱k atin Ta̱mu̱ta̱dde̱n ol ciginnek a̱li̱le̱, ingazi daize ci o̱o̱wu̱. Okko daizi ci een vu̱rru̱t ko̱ iróng anyak komiz ngatinne̱ng, abarik ovvo atin nege e̱e̱ggi̱n olli wawaco Ta̱mu̱ta̱dde̱no̱ ki Ki̱ri̱sto̱ kar atin kabalit ki nonno lo̱o̱c e̱rki̱nya̱ i̱bbo̱ng co̱de̱ (1,000).

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.

O̱no̱zzo̱k 3:8

Ka̱gga̱ anna kaal cik ogonnu niga do̱o̱k. Icinnet zin, koowekku̱ng anna i̱ge̱t tatug ci iróng e̱e̱ti̱ imma anyugi. Ka̱gga̱ anyakku niga doiz cidici, ngen azunnu zoz cinanni iróng aburnnu zar cigannik.

O̱no̱zzo̱k 5:10

Idimanu i̱nna̱ nogo kanyait alaanzet ki olli wawaco cik a̱li̱ngli̱nge̱k Ta̱mu̱ta̱dde̱n, kar zin kabalit ol lo̱o̱ta̱ ngatu.”