2 Ti̱mo̱te̱yo̱ 2:11 - Tennet

¹¹ De̱mzi̱ne̱t wa een de̱de̱ icu, “Ming ka̱da̱i̱ naga ngati kazunne zoz ci Ye̱su̱, karuge atin ki nonno bu̱k.

2 Ti̱mo̱te̱yo̱ 2:11 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Roma 6:5

Imma ming kozol naga ki Ye̱su̱ daiz cinne go̱o̱le̱ ci ka̱gga̱me̱ ba̱ti̱ti̱mo̱, kingazi atin naga daiza ki nonno.

Roma 6:8

Ka̱gga̱ naga ki i̱yo̱ko̱ ming ka̱da̱i̱ ki ti̱ri̱zo̱i̱t Ki̱ri̱sto̱ ko̱, karuge atin bu̱k ki nonno.

2 Ko̱ri̱nto̱ 13:4

Ming alali enne nu̱nu̱n ngati odode ol nonno ta̱la̱ke̱ca̱, itinga daiza, abak komize ci Ta̱mu̱ta̱dde̱no̱. Kalali naga ki bali Ki̱ri̱sto̱ ke̱. Abarik atin kabaito naga doize ci Ta̱mu̱ta̱dde̱no̱, ki bali Ki̱ri̱sto̱ ke̱, abunna ka̱li̱ngli̱nge̱kku̱ng.

2 Ko̱ri̱nto̱ 4:10

Ahacet daizi agit e̱le̱tti̱ cigga̱c odohize ki̱ye̱la̱ daiz ci Ye̱su̱, kar rugeti cinne ki̱ye̱la̱i̱ e̱le̱tti̱ne̱ cigga̱c.

1 Te̱se̱lo̱ni̱ka̱ 4:17

Imma naga ol ne̱k ngen karuge ko̱, i̱rra̱ne̱t atin gi̱i̱ imma lo̱o̱ta̱ koot kurumto ki Ye̱su̱ di̱i̱zo̱ca̱. Kar koot kabait ki Manyi udut.

1 Te̱se̱lo̱ni̱ka̱ 5:10

A̱da̱i̱ Ye̱su̱ zo̱ze̱ cinna kar kuruget ki nonno, ming karuge icima ka̱da̱i̱, karuge atin kar kabait bu̱k ming okko Ye̱su̱ oboda.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

1 Ti̱mo̱te̱yo̱ 3:1

Zoz zin wa een de̱de̱ icu: Ming arik e̱e̱ti̱ zinin orong kize ddi̱ki̱ryo̱i̱t ci Ce̱e̱z wa Ta̱mu̱ta̱dde̱no̱, een necu li̱ngli̱ngo̱n ci abunna oroot.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.