2 Ti̱mo̱te̱yo̱ 1:7 - Tennet

⁷ Ma̱rri̱t Ta̱mu̱ta̱dde̱n iróng aanyyet vongiz ci dalanzetinu, aanyyet vongiz ci kokkomne ki ci kirezone ki ci kazunne e̱le̱tti̱.

2 Ti̱mo̱te̱yo̱ 1:7 ပူးပေါင်းရင်းမြစ်များ

Lu̱ka̱ 10:19

Ka̱a̱nyu̱ng anna i̱ge̱t komiz ci orocu uwanya ki iten, kar ommogit doiz ci mo̱dde̱nnu̱ do̱o̱k; i̱llo̱i̱ atin gi̱i̱ ci adakkung.

Lu̱ka̱ 15:17

“Baling uk enne i̱no̱n do̱, ize enne ne, ‘E̱e̱ggi̱n du̱cca̱ha̱ cik a̱li̱ngli̱ng ki baba anyak da̱i̱ne̱t cik ungnek lo̱o̱c, kar ngatu anna ka̱da̱i̱ magiz!

Lu̱ka̱ 24:49

Kokko atin anna ki̱tto̱na̱kku̱ng muci wa bali u̱du̱wa̱ Baba ke̱; abarik a̱vvu̱t Jerusalema zee ka̱a̱nyu̱ng Ta̱mu̱ta̱dde̱n komiz ci a̱kku̱ ta̱dde̱na̱.”

Lu̱ka̱ 8:35

kar ol koot kicinnet gi̱i̱ ci ogone ko̱. Baling i̱vi̱tta̱k nege Ye̱su̱, urubta e̱e̱t bali iyowa kuulo cik lo̱rye̱nta̱k ngatinne ke̱, ming aave ojonun zoone cik Ye̱su̱, aime ju̱rru̱m, abunna oo; kar nege ko̱to̱ngo̱o̱ltte̱.

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

Buk wa To̱ni̱a̱u̱ 26:11

Kokko anna Ce̱e̱zi̱nne̱ wak Lawinto odohize eci korongi ol ke̱de̱zi̱t nogo. Kadangek nogo abunna atizik zar cik Manyi Ye̱su̱. Ka̱bu̱ri̱ bali anna nong oroot, kokko gon anna rok lo̱o̱cco̱k cik i̱do̱ngi̱nnu̱ kokko ka̱gi̱di̱ nogo.

Buk wa To̱ni̱a̱u̱ 26:25

Abariz zin Pa̱u̱lo̱, “Vestus ddi̱ki̱ryo̱i̱t wa a̱ddi̱ki̱re̱ oroot, iróng annit adaka ngamoni. Een zoz ci ka̱du̱wa̱ anna ko̱ zoz ci caale een de̱de̱.

Buk wa To̱ni̱a̱u̱ 6:8

Een da̱ Stepheni e̱e̱t ci anyak deten ki komiz ci Ta̱mu̱ta̱dde̱no̱, u̱tu̱gu̱we̱k enne ol kaal cik aanyik o̱o̱tti̱ cik ollu ka̱ma̱li̱ltte̱ ki bo̱do̱k kaal cik a̱vu̱la̱.

Buk wa To̱ni̱a̱u̱ 9:22

Anyak Sauli komiz ci uwahe zoz ci Ta̱mu̱ta̱dde̱no̱ ka̱ma̱li̱ltte̱ o̱o̱tti̱ cik Ya̱u̱d wak abak Damascusa eci Sauli azi ne, een Ye̱su̱, Ki̱ri̱sto̱.

Roma 5:5

Iróng zoz ci karike naga zi̱nze̱tti̱ Ta̱mu̱ta̱dde̱n ko̱ unyaneta, eci Ta̱mu̱ta̱dde̱n aanyyet agit rezinet cinne zi̱nze̱tti̱nne̱ cigga̱c go̱o̱le̱ ci Vongiz ci A̱li̱le̱, ci aanyet enne agita.

Roma 8:15

Iróng Vongizi ci Ta̱mu̱ta̱dde̱no̱ aanyyet kizet du̱cca̱k kar ko̱to̱ngo̱o̱ltte̱ lo̱ki̱ko̱ ci Ta̱mu̱ta̱dde̱no̱. Abarik Vongizi aanyyet kizet dooli ciginnek bak kawu Ta̱mu̱ta̱dde̱n kize Be̱e̱ti̱nna̱.

1 Ko̱ri̱nto̱ 2:4

Okko zoz bali Ta̱mu̱ta̱dde̱no̱ kuwahekkung anna i̱ge̱t ke̱, iróng anyak genyiz ki zoz ci kommogekung zoz neci, abarik ka̱du̱wa̱kku̱ng go̱o̱le̱ ci doiz ci Vongiz ci A̱li̱le̱,

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Kolosiya 1:8

nonno bo̱do̱k ci a̱du̱wa̱kke̱t rezinet ci a̱a̱nyu̱ng Vongiz ci Ta̱mu̱ta̱dde̱no̱.

I̱bu̱ru̱ 2:15

A̱da̱i̱ enne kar keela ol do̱o̱k wak abak kize du̱cca̱k o̱ngo̱o̱le̱ daiz.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Jon 4:18

I̱llo̱i̱ zin gi̱i̱ imma ci ko̱ngo̱o̱le̱ naga rezinta, eci rezinet de̱de̱ ottok kaal cik ko̱ngo̱o̱le̱ naga do̱o̱k, eci ngo̱li̱ne̱t een lo̱lo̱i̱t ci de̱zi̱nto̱. Ming o̱ngo̱o̱le̱ e̱e̱ti̱, iróng rezinet cinne eleno.