2 Ti̱mo̱te̱yo̱ 1:4 - Tennet

⁴ Ka̱a̱da̱ gon u̱lu̱wa̱ bali a̱lu̱we̱ ngati kengerone ke̱, kazi gon ne aanya wo̱ye̱ bo̱do̱k kurumto kar katalto oroot.

2 Ti̱mo̱te̱yo̱ 1:4 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 16:22

Ogon zin atin bo̱do̱k ngatinno̱ng ki i̱yo̱ko̱: I̱yo̱ko̱ zin ize i̱i̱ cunno̱ng ci omozinnu icu, kacinnung zin atin anna i̱ge̱t bo̱do̱k kar bo̱do̱k ataltto, i̱llo̱i̱ zin e̱e̱t imma ci okko okkoye talinet cunno̱ng to.

Kaviyak wak Abunna Ta̱mu̱ta̱dde̱no̱ eher Joni 16:24

Imma rok i̱yo̱ko̱ ngen niga i̱jji̱nne̱t gi̱i̱ imma zare cigannik. I̱jji̱nne̱t kar atin niga u̱mu̱dda̱, kar bo̱do̱k atin talninet cunno̱ng ke̱le̱zzo̱.

Buk wa To̱ni̱a̱u̱ 20:19

Ki̱li̱ngli̱nga̱ anna ngati Manyi ci iróng kodongi ele cinanni ki ti̱la̱lo̱ eberene, ming nu̱nu̱n ka̱ggi̱de̱ anna oroot zo̱ze̱ ci adawana olli Ya̱u̱do̱,

Buk wa To̱ni̱a̱u̱ 20:31

U̱zu̱tte̱ zin e̱le̱tti̱ ciggo̱k, a̱a̱dda̱ zin e̱rki̱nya̱ balik een i̱i̱yo̱ ke̱, ngen anna kibiliz ti̱lo̱wi̱ne̱t i̱ge̱t ba̱a̱li̱n ki wazin ki ti̱la̱lo̱ eberene.

Roma 1:11

Korongi anna oroot kar ki̱ki̱ya̱ kicinung, kar kedemezung arizet ci riili Vongizo, kar okkomit kak,

Vilipia 1:8

A̱gga̱ Ta̱mu̱ta̱dde̱n bu̱k korongi anna ki̱vo̱nnu̱ng kar kirezung ki i̱yo̱ko̱ ming irez Ye̱su̱ Ki̱ri̱sto̱ ol ko̱.

Vilipia 2:26

Ma̱i̱je̱ i̱yo̱ko̱ orong enne oroot kar ki̱vo̱nnu̱ng i̱ge̱ta̱. Abile nonno zinin je̱e̱na̱ eci iziktu niga omori enne ba̱li̱ye̱.

1 Te̱se̱lo̱ni̱ka̱ 2:17

I̱yo̱ko̱ zin gotonogga ki ngonogga tu̱we̱nta̱, korongi kozoz zoz ci obod ki i̱ge̱ta̱ ki agita ngin bali kengerone ki i̱nne̱t do̱yo̱i̱t ke̱, iróng abarik een go̱o̱le̱ ci kacinni ngu̱m do̱, abarik zi̱nze̱tti̱ cigga̱k i̱no̱nnu̱ng i̱ge̱t odohize. Korongnya gon kar keronta rok i̱ge̱t bu̱k eci naga kirezzung oroot, okkomi zin kar ki̱vi̱ta̱u̱ng.

2 Ti̱mo̱te̱yo̱ 4:21

Abunna la̱du̱n ming a̱kku̱nni̱ ataman, ming ngen ki̱ki̱ya̱ tagiz. Izayi ciko Ebulosi ki Pudenis ki Linus ki Kaludia ki gotonogget wak a̱tu̱we̱ do̱o̱k.

2 Ti̱mo̱te̱yo̱ 4:9

Ti̱mo̱te̱yo̱, korongi la̱du̱n i̱jja̱ rok ngintu ataman,

1 Jon 1:4

Keherakkung naga zoz cu, kar talninet cinna̱ng abunna ming eleno.

O̱no̱zzo̱k 21:4

A̱vi̱la̱ atin enne ti̱la̱lo̱ eberene cigge̱k. I̱zzi̱ atin bo̱do̱k daizi to icima mozinet icima u̱lu̱wa̱ icima u̱u̱ce̱z, eci kaala balik reentik ke̱ i̱zze̱c to ne dakdak.”

O̱no̱zzo̱k 7:17

Okko Nyoon ci aave lecera orgena ko̱ een atin tuwayoit cinne̱ng; okkoye atin enne nogo rok e̱be̱re̱c ci maam cik rugetak. Kar atin Ta̱mu̱ta̱dde̱n ki̱ti̱vi̱l ti̱la̱lo̱ eberene cigge̱k do̱o̱k ne lai.”