2 Ti̱mo̱te̱yo̱ 1:12 - Tennet

¹² I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 1:12 ပူးပေါင်းရင်းမြစ်များ

Ma̱te̱yo̱ 12:21

Ovvo atin ol lo̱o̱co̱we̱ do̱o̱k arike zar ciginnek zi̱nze̱tti̱ cigge̱k.”

Ma̱te̱yo̱ 24:36

“I̱llo̱i̱ e̱e̱t co̱de̱ ci a̱gga̱ i̱i̱te̱n icima i̱i̱ ci ovvo kaala ne̱ke̱ ogonine, iróng anjilonya ta̱mu̱-kenga a̱gga̱ bu̱k icima Ngerinne bu̱k. Abarik Baatinna wa aave ta̱mu̱-kenga do̱ ci a̱gga̱.

Ma̱te̱yo̱ 7:22

Anyak ol cik meelek atin a̱nne̱ka̱ i̱i̱te̱ne̱ ci lo̱ki̱ko̱ ko̱ ne, ‘Manyi, Manyi ba̱li̱ye̱ naga kuwaheka ol kaviyak zare cigunnek, ma zin go̱o̱le̱ neci kottoktta kuulo cik lo̱rye̱nta̱k ngati ol cik meelek, kar bo̱do̱k ku̱tu̱gu̱zza̱ kaal cik meelek a̱vu̱la̱.’

Lu̱ka̱ 10:12

Ka̱du̱wa̱kku̱ng, anime atin olli Sodomi no̱ngi̱tto̱n kommog orog cu.

Lu̱ka̱ 23:46

Utuwe zin Ye̱su̱ egereny muluwe ci a̱ppwe̱, “Baba! Karike anna a̱zzi̱t cunne vongiz cinanni.” Baling u̱du̱wa̱ enne zoz necu, etteda zin zinin.

Kaviyak wak Abunna Ta̱mu̱ta̱dde̱no̱ eher Joni 17:15

Iróng zin i̱yo̱ko̱ kalayi kar eenyek demezyak wagannik lo̱o̱ta̱ ngatu, abarik kalayi kar zuute nogo lo̱rye̱nta̱.

Kaviyak wak Abunna Ta̱mu̱ta̱dde̱no̱ eher Joni 6:44

Emena Ye̱su̱ zoza dee, azi ne, “Iróng e̱e̱ti̱ imma a̱kku̱nna̱ka̱, Baba do̱ niko wa i̱tto̱na̱na̱ ko̱ ci a̱gu̱ra̱ nonno, kingane atin anna nonno daiza i̱i̱te̱ne̱ ci okko looci aṯurneke.

Buk wa To̱ni̱a̱u̱ 13:46

O̱bo̱dde̱k zin bo̱do̱k Pa̱u̱lo̱ ki Barnabas mazeta: Korongnya arrak naga ku̱du̱ktta̱u̱ng i̱ge̱t zoz ci Ta̱mu̱ta̱dde̱no̱. Ma i̱yo̱ko̱ ming aburnnu ko̱, i̱ye̱la̱ zoz necu azi ne, iróng niga orongnyu baiz wa aave udut, kovvo zin naga kuwaheka ol cik iróng e̱e̱ggi̱n Ya̱u̱d.

Buk wa To̱ni̱a̱u̱ 13:50

Ma̱i̱je̱ olli Ya̱u̱do̱ oot ulutet odot wak riilik ki ngaai wak riilik o̱ngo̱o̱le̱ Ta̱mu̱ta̱dde̱n. Elemtta nege kar ki̱gi̱de̱t Pa̱u̱lo̱ ki Barnabas, kar zin kotoit nogo lo̱o̱ce̱ cinne̱ng.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

Buk wa To̱ni̱a̱u̱ 7:59

Baling ovvocit nege Stephen, alawo zin enne, azi ne, “Manyi Ye̱su̱, bite vongiz cinanni.”

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

Roma 9:33

Ki i̱yo̱ko̱ ming a̱du̱wa̱ Ta̱mu̱ta̱dde̱n buwe cinne, azi ne, “Icinnet, kabaik anna bee nginti een Zion kar kidir ol, bee ci aanyik nogo ku̱yu̱kte̱, Ma̱i̱je̱ e̱e̱ti̱ ci a̱tu̱ nonno, iróng atin adak a̱li̱ya̱ni̱.”

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

Vilipia 1:20

Gi̱i̱ zin ci korongi anna oroot ko̱ icu, karike zinin oroot, kar zin iróng adaka a̱li̱ya̱ni̱, abarik kanyai komiz ci kanime zoz, kar zoz ci Ki̱ri̱sto̱ ki̱di̱ngdi̱nga̱ne̱ eliye cinanni, go̱o̱le̱ ci ngen anna karugi icima ka̱da̱ha̱.

Vilipia 3:10

Een gi̱i̱ ci korongi anna do̱o̱k abunna ka̱gga̱ Ki̱ri̱sto̱ ki doiz ci ingane nonno daiza kurug. Korongi kozolta ki nonno pirnanet cinne kar ka̱da̱k ki bali enne ke̱,

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.

Vilipia 3:8

I̱llo̱i̱ gi̱i̱ imma ci riili ngati a̱gga̱we̱ e̱e̱ti̱ Ye̱su̱ Ki̱ri̱sto̱ Manyi. Kodotiya anna kaal do̱o̱k lo̱o̱c, kanyike kizeto darace. Ki̱ri̱sto̱ do̱ ci korongi anna lo̱o̱ce̱ cu,

1 Te̱se̱lo̱ni̱ka̱ 2:16

ngati alamnyet ming iróng kuwaheka ol wak iróng een Ya̱u̱d kaviyak wak Ta̱mu̱ta̱dde̱no̱ abunna, wak atin eela nogo. Imma go̱o̱le̱ necu, otorte ba̱ci̱no̱wa̱ cigge̱k, utubur Ta̱mu̱ta̱dde̱n nong. Edez atin Ta̱mu̱ta̱dde̱n nogo zo̱ze̱ necu vu̱rrta̱.

1 Te̱se̱lo̱ni̱ka̱ 5:4

Imma niga ol wak a̱tu̱yyu̱ zoz ci Ye̱su̱ ko̱, ma anyikku zoz ci lo̱o̱c ci gerze ko̱ kecebaung o̱o̱tti̱, koboung wazini neci. Obokkung atin wazini ci a̱kku̱nne̱ Ye̱su̱ ke̱ ki ta̱mu̱ ci tagizo.

1 Ti̱mo̱te̱yo̱ 6:20

Ti̱mo̱te̱yo̱, zuute zoz bali aanyi Ta̱mu̱ta̱dde̱n ke̱, bek ju̱rru̱m. Ma edeconik ta̱mu̱ta̱dde̱ne̱t wak zozak ki zoz wa volongo awu ol kize genyiz,

2 Ti̱mo̱te̱yo̱ 1:14

Zuute kaviyak cik abunna aanyi Vongizi ci A̱li̱le̱, wa abak ngatinna.

2 Ti̱mo̱te̱yo̱ 1:16

Anyik Manyi ka̱mu̱yu̱k ce̱e̱z ci Onesiphorus, ma̱rri̱t ba̱li̱ye̱ ozozikan, iróng enne anyak a̱li̱ya̱n zo̱ze̱ ci kecebine anna lagama ko̱.

2 Ti̱mo̱te̱yo̱ 1:18

Anyik Manyi bai ka̱mu̱yu̱k Onesiphorus kar kuruba eezet ming okko Manyi Ye̱su̱ obodak lo̱o̱c. A̱gga̱ ri̱t i̱nna̱ bu̱k eelawa enne go̱o̱lo̱we̱ cik meelek lo̱o̱ce̱ ci Ephesusi.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 2:18

I̱yo̱ko̱ zin, eci ippira Ye̱su̱ bak atiman lo̱rye̱nti̱, eela atin enne ol cik atiman lo̱rye̱nti̱ bu̱k.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

1 Peturu 1:5

eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.

1 Peturu 4:16

Ming apirnannu niga ol cik e̱e̱ggi̱n Kiristian, ma anyikku a̱li̱ya̱n kadaung, abarik inatit Ta̱mu̱ta̱dde̱n eci anyaktu niga zar ne̱ke̱.

1 Peturu 4:19

I̱yo̱ko̱ zin, imma niga ol wak apirnannu go̱o̱le̱ ci oronge Ta̱mu̱ta̱dde̱n ko̱, abunna ming arikku zi̱nze̱tti̱ ciggo̱k do̱o̱k E̱e̱t wa bali eenycanet kar ku̱tu̱gu̱ zoz ci abunna odohize.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.