2 Ti̱mo̱te̱yo̱ 1:10 - Tennet

¹⁰ Kar i̱yo̱ko̱, i̱ye̱le̱i̱t zin Ta̱mu̱ta̱dde̱n bunnat cinne ngati aanyyet Ti̱ri̱zo̱i̱t cinna Ye̱su̱ Ki̱ri̱sto̱, kar kommog daiz, kar kanyaha ruget wa aave udut, kamuda go̱o̱le̱ ci kazikne kaviyak cik abunna.

2 Ti̱mo̱te̱yo̱ 1:10 ပူးပေါင်းရင်းမြစ်များ

Lu̱ka̱ 11:36

I̱yo̱ko̱ zin, ming abbize ele cunne do̱o̱k tukulec, kar i̱llo̱i̱ ngin imma ci anyak mu̱hu̱ri̱te̱n, okko ele do̱o̱k anyak tukulec, ki ming alanyit tukuleci ngatunne.”

Lu̱ka̱ 13:7

Izek zin enne e̱e̱t ci ebek ma̱na̱ ko̱ ne, ‘I̱yo̱ko̱ kowo gon anna ma̱na̱ cu e̱rki̱nya̱ i̱i̱yo̱, iróng zin kamuda o̱ya̱u̱ u̱gge̱. Ettedak keet necu lo̱o̱c! Nya ming angaba keet necu lo̱o̱c ko̱?’

Lu̱ka̱ 2:11

Wazin necu o̱rge̱ ci Da̱vi̱de̱ a̱rri̱ta̱i̱ Ti̱ri̱zo̱i̱ti̱ kize cunno̱ng; een enne Ki̱ri̱sto̱ Manyi.

Kaviyak wak Abunna Ta̱mu̱ta̱dde̱no̱ eher Joni 1:9

Een neci ba̱li̱ye̱ vooriten wa een de̱de̱, a̱kku̱ kar ki̱ki̱ya̱ kutukul ol do̱o̱k lo̱o̱ta̱.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 4:42

Izettek zin ol ne̱ke̱ ngaa neci ne, “Iróng naga ka̱tu̱we̱nna̱ zo̱ze̱ wanai a̱du̱wa̱ i̱nna̱ ke̱ do̱. Kizikta zoz cinne naga e̱le̱tti̱ne̱, ka̱gga̱yya̱ niko ming een e̱e̱ti̱ cu de̱de̱ Ti̱ri̱zo̱i̱t ci lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 5:40

Abarik niga aburnnu iróng a̱vvu̱na̱kka̱ng kar urubta ruget.”

Buk wa To̱ni̱a̱u̱ 13:23

“Imma zin biilete ci Da̱vi̱de̱, anyahak atin Ta̱mu̱ta̱dde̱n olli Israilo Ti̱ri̱zo̱i̱t Ye̱su̱, ki bali u̱du̱wa̱ enne ke̱.

Buk wa To̱ni̱a̱u̱ 5:31

Odong zin Ta̱mu̱ta̱dde̱n nonno kar kuk karik ka̱vvu̱ a̱tte̱ cinne a̱zzo̱ kize Alaan ki Ti̱ri̱zo̱i̱t, kar wo̱ye̱ enne kaanyik olli Israilo ko̱bo̱dda̱i̱ zi̱nze̱tti̱ ba̱ci̱no̱we̱ kar kalalek nogo.

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 3:31

Kegerezanit naga lo̱ti̱nno̱k wak Musesi tu̱we̱nte̱ cinna? Iróng een niko! Kaanycik abarik naga lo̱ti̱nno̱k kokkomit kak.

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

1 Ko̱ri̱nto̱ 15:26

Ommog atin enne mo̱dde̱ni̱t ci vu̱rrto̱ wa een daiz.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 5:4

Een zin de̱de̱ ming ngen naga karuge, kanyak e̱le̱tti̱ cik ogon ki ti̱te̱tta̱ ko̱, kabalac odohize eci korong kutungttek e̱le̱tti̱ ne̱ko̱ lo̱o̱c. Iróng korongnyya ka̱vvu̱tta̱ ki ci a̱zze̱ e̱le̱tti̱ to, abarik kabalac eci korong nginti kabahe ki Ta̱mu̱ta̱dde̱n ta̱mu̱-kenga. Korongnyya zoz necu ku̱tu̱gu̱we̱ ataman abunna e̱le̱tti̱ cik ovvo atin a̱da̱i̱ ko̱ kutuhuye kizeto e̱le̱tti̱ cik abak udut.

Ga̱la̱ti̱a̱ 5:4

Imma niga ol cik orongnyu ubunntta ngu̱me̱ ci Ta̱mu̱ta̱dde̱no̱ ngati azunnu lo̱ti̱nno̱k wak Musesi, engerttau e̱le̱tti̱ ciggo̱k ngati Ki̱ri̱sto̱, de̱de̱, u̱yu̱ktte̱u̱ utungtteu deten ci Ta̱mu̱ta̱dde̱no̱ lo̱o̱c.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

2 Te̱se̱lo̱ni̱ka̱ 2:8

Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

2 Ti̱mo̱te̱yo̱ 1:1

Annit Pa̱u̱lo̱ ci keheri waraga cu, ke̱e̱ni̱ to̱ni̱a̱t ci Ye̱su̱ Ki̱ri̱sto̱ wa bali atahalai. Orongnya Ta̱mu̱ta̱dde̱n kar kuwahek ol ruget wa bali u̱du̱wa̱ enne ize ne, kamuda atin ngati karumzene ki Ye̱su̱ ke̱.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

Ti̱to̱ 2:11

Ma̱rri̱t Ta̱mu̱ta̱dde̱n i̱ye̱la̱ deten ci eelanne enne ol do̱o̱k.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

Ti̱to̱ 3:4

Ma̱i̱je̱ zin Ta̱mu̱ta̱dde̱n wa een Ti̱ri̱zo̱i̱t cinna abunna enne kar kize gunun.

I̱bu̱ru̱ 10:32

A̱a̱dda̱ i̱i̱nya̱ balik ngen elemannu Ye̱su̱ jor ke̱. Arikku niga zi̱nze̱tti̱ Ta̱mu̱ta̱dde̱n, ming anyak kaal cik anyahakku̱ng piryanzet.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

2 Peturu 1:11

Kar zin go̱o̱le̱ necu, a̱gga̱ma̱nu̱ng atin Manyitinna Ti̱ri̱zo̱i̱t Ye̱su̱ Ki̱ri̱sto̱ talinte ci a̱ppwe̱ oroot ba̱a̱li̱nte̱ cinne aave udut.

2 Peturu 1:3

Aanyyet komizi ci Ta̱mu̱ta̱dde̱no̱ agit kaal do̱o̱k wak korong naga baize cinna, abunna kaanyik Ta̱mu̱ta̱dde̱n katalo ngatinna, baling kiziyet naga awuyet di̱ngdi̱ngo̱nte̱ cinne kar kozolit bunnat cinne.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

2 Peturu 3:2

Korongnyung i̱ge̱t a̱a̱dda̱ zo̱zzo̱k balik a̱du̱wa̱ a̱ri̱tto̱wa̱ wak a̱li̱le̱ zoz ci Ta̱mu̱ta̱dde̱no̱, ki bo̱do̱k de̱mzi̱ne̱t ci Manyitinna wa een Ti̱ri̱zo̱i̱t bali edemezek enne to̱ni̱a̱k.

1 Jon 1:2

I̱ye̱la̱i̱ bali rugeti neci, kicinnta bo̱do̱k naga nonno e̱le̱tti̱ne̱. Kozoza abarik gi̱i̱ ci ka̱gga̱yya̱, kuwahekkung zoz ci baiz ci aave udut ngati Baatinne, kar zin ki̱ye̱la̱i̱ ngatinna bu̱k.

1 Jon 4:14

Kicinnet zin naga e̱le̱tti̱ne̱ kar bo̱do̱k ku̱du̱kta̱k ol zoz ci i̱tto̱na̱ne̱ Ta̱mu̱ta̱dde̱n Ngerinne kar ki̱ki̱ya̱ kize Ti̱ri̱zo̱i̱t ci olli lo̱o̱tu̱.

O̱no̱zzo̱k 18:1

Imma bali vu̱rrta̱ kicina anjilo imma ming a̱kku̱ ta̱mu̱-kenga. Anyak enne doiz ci a̱ddi̱ki̱re̱, kar zin looci katarane di̱ngdi̱ngo̱ne̱ cinne.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 20:14

Kar zin daizi ki nginti daizo ku̱ju̱kto̱zi̱k koot gwo̱o̱ye̱ ci apadpadi oroot. Een gwa̱a̱ neci ci apadpadi udut ke̱, daiz ci vu̱rrto̱.

O̱no̱zzo̱k 22:14

“A̱ma̱yu̱kte̱ ol wak uuny ru̱u̱ma̱ni̱ cigge̱k, agano atin nege ki keet ci rugeto kar ki̱tto̱zzo̱ arana koot o̱rge̱ ci a̱ddi̱ki̱re̱ ecito.

O̱no̱zzo̱k 22:17

Ize Vongizi ci Ta̱mu̱ta̱dde̱no̱ ki nyatiran ci Nyoono ne, “I̱jja̱!” Anyik e̱e̱t ci aziye kize ne “I̱jja̱.” Ming anyak e̱e̱t ci a̱ru̱k koor, anyik nonno ki̱ki̱ya̱; kar ming orong e̱e̱ti̱ imma maam, anyik nonno kidima muci ci maam cik rugeto ollin.