Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Te̱se̱lo̱ni̱ka̱ 3:6 - Tennet

6 Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m.

အခန်းကိုကြည့်ပါ။ ကော်ပီ




2 Te̱se̱lo̱ni̱ka̱ 3:6
24 ပူးပေါင်းရင်းမြစ်များ  

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.


Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.


Katalne anna ngatinno̱ng oroot, go̱o̱le̱ ci aadanang niga annit ko̱, kar bo̱do̱k u̱zu̱tte̱ de̱mzi̱ne̱t bali kedemezung anna i̱ge̱t ke̱ do̱o̱k.


Ming arumenu niga zare cik Manyitinna Ye̱su̱, kaave anna bu̱k ki i̱ge̱ta̱ vongiza, kar doizi ci Manyitinna Ye̱su̱, ka̱vvu̱to̱ ngatinna.


Keherakkung waraga bali nanni een oo ke̱ ka̱nne̱kku̱ng ne, “Ma owowonu ki ol cik een a̱li̱ya̱k.”


Ming alalneke i̱nna̱ e̱e̱t ba̱ci̱nno̱k, kalalnek anna nonno bu̱k de̱de̱, ming anyak gi̱i̱ imma ci orong kalalek anna nonno kaale ne̱k u̱tu̱gu̱ enne ke̱, kalaleya ngati Ki̱ri̱sto̱ zo̱ze̱ cunne.


Eci anna ke̱e̱ni̱ nuyait ci Manyi, ki̱lo̱tu̱ng oroot, ma ngen abakku ki ol wak iróng e̱e̱ggi̱n Ya̱u̱d a̱zze̱ o̱o̱tti̱ ki ol wak iróng a̱gga̱ Ta̱mu̱ta̱dde̱n.


Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.


Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.


Ki̱lo̱tu̱ng bo̱do̱k ka̱nne̱kku̱ng ne, abait baiz ci abunna aavtiyyu labak, i̱li̱ngli̱nge̱t li̱ngli̱ngo̱n azzine cuggo̱k kar urubta da̱i̱ne̱t ki bali ming ku̱du̱ktta̱u̱ng ke̱.


Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.


I̱yo̱ko̱ zin, gotonogga, u̱zu̱tte̱ de̱mzi̱ne̱t bali kedemzekung ke̱, icima go̱o̱le̱ bali kaavtte bu̱k ke̱ icima warage bali ki̱tto̱na̱kku̱ng ke̱.


Abunna ming a̱li̱ngli̱ngnyu̱ ki bali gon naga ke̱. Iróng ba̱li̱ye̱ naga ke̱e̱ggi̱nna̱ gu̱u̱rwa̱, baling kaavtte bu̱k ke̱.


Ki̱lo̱ti̱n, Ti̱mo̱te̱yo̱, zare cik Ta̱mu̱ta̱dde̱no̱ ki cik Ye̱su̱ Ki̱ri̱sto̱ ki cik anjilonya wak Ta̱mu̱ta̱dde̱no̱, zuute lo̱ti̱nno̱k wak ka̱du̱wa̱ki̱ ke̱, ma ahali ol. Ti̱ri̱z ol do̱o̱k ju̱rru̱m.


anyaha ol wak e̱e̱ggi̱n giilcak dango ki̱zzi̱ zoz ci een de̱de̱. I̱no̱n ol ne̱ke̱ azi ne, okko e̱e̱ti̱ een bo̱to̱ro̱c go̱o̱le̱ ci annuwe enne Ta̱mu̱ta̱dde̱n.


Ogon e̱le̱tti̱ ki cik e̱e̱ggi̱n ol cik Ta̱mu̱ta̱dde̱no̱, ma̱i̱je̱ ngatu amikzene komiz ci Ta̱mu̱ta̱dde̱no̱ baize cinne̱ng. Ma orkoryyu ki ol cik ogon ki i̱yo̱ko̱.


Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:


Ming a̱kku̱ e̱e̱ti̱ imma ci iróng azunne de̱mzi̱ne̱t ci Ki̱ri̱sto̱, ma elemnyyu nonno ce̱e̱zi̱nne̱ cuggo̱k, kar bo̱do̱k ma izayu nonno.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ