2 Te̱se̱lo̱ni̱ka̱ 3:4 - Tennet

⁴ Ka̱gga̱yya̱ niko ming ebekkung Manyi, u̱zu̱tte̱ kaal balik kedemezung ke̱ ju̱rru̱m.

2 Te̱se̱lo̱ni̱ka̱ 3:4 ပူးပေါင်းရင်းမြစ်များ

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

Roma 15:18

Iróng atin anna kozozi zoz imma, kozozi zoz ci kaal cik ogon Ki̱ri̱sto̱ li̱ngli̱ngo̱nte̱ cinanni, kanyahak ol wak iróng een Ya̱u̱d ki̱vi̱ta̱ ko̱to̱ngo̱o̱ltte̱ Ta̱mu̱ta̱dde̱n, gi̱i̱ye̱ ci kogonni anna icima kozozi utuga.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

1 Ko̱ri̱nto̱ 14:37

Ming i̱no̱n e̱e̱ti̱ imma azi ne ke̱e̱ni̱ a̱ri̱to̱i̱t, icima kanyai arizet ci vongizo, abunna enne ming a̱gga̱ zoz ci keherakkung anna i̱ge̱t ko̱ een zoz ci Manyi Ye̱su̱ Ki̱ri̱sto̱.

1 Ko̱ri̱nto̱ 7:19

Eci zo̱ze̱ ci ettede ol vi̱ca̱vi̱ca̱ icima iróng etted ko̱, i̱llo̱i̱ zoz imma ci gerze. Riil zoz ci azunne e̱e̱ti̱ zoz ci Ta̱mu̱ta̱dde̱no̱ do̱ niko.

2 Ko̱ri̱nto̱ 2:3

Zoz zin ci ketehera waraga ba̱li̱ye̱ ko̱, abunna ming kokko anna ka̱kku̱ni̱, gerza ming iróng ol ne̱ke̱ aanya ka̱vvu̱ labak, aburnekka nong. Korongi zin anna abunna ming atalninnu niga kar anna bu̱k katalo. Karikku̱ng anna i̱ge̱t zinin do̱o̱k, abunna ming kozol talninet cinanni ko̱ ki i̱ge̱t nga̱to̱de̱.

2 Ko̱ri̱nto̱ 2:9

Keherakkung anna waraga necu korongi kuruba de̱de̱ ming o̱ngo̱o̱li̱nna̱ng.

2 Ko̱ri̱nto̱ 8:22

Imma bo̱do̱k ki̱tto̱nna̱ gotonet imma ci a̱tu̱we̱ korkorrit ki Ti̱to̱ ki gonoggi u̱gge̱. Kicinnta li̱ngli̱ngo̱n ci e̱e̱t necu lak cik meelek giir, anyak zinin ci orong keelai ol cik a̱tu̱we̱. I̱yo̱ko̱ eci orong ovvoye muci rok ol wak a̱tu̱we̱, orong zin enne kuk bu̱k eci enne arikkung zinin oroot.

Ga̱la̱ti̱a̱ 5:10

Ka̱gga̱ iróng atin niga elemnyyu zoz ci de̱me̱zzo̱k wak volongak, eci naga ka̱tu̱ Ta̱mu̱ta̱dde̱n. Okko atin Manyi etted lo̱ki̱ko̱ ci ol wak a̱ti̱kku̱ng tu̱.

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

1 Te̱se̱lo̱ni̱ka̱ 4:10

Irezttu de̱de̱ gotonogget ki ngonogget tu̱we̱nta̱ wak abak lo̱o̱ce̱ ci een Macedonia veelek. Ngen naga kilalekkung dee kar otortek rezinet neci kize a̱ppwa̱.

2 Te̱se̱lo̱ni̱ka̱ 3:12

Ki̱lo̱tta̱ zin naga ol cik ogon niko zare cik Manyi Ye̱su̱ Ki̱ri̱sto̱ abunna ming akannek zo̱o̱ lo̱o̱c kar ki̱li̱ngli̱nge̱t da̱i̱ne̱t cik adak nege.

2 Te̱se̱lo̱ni̱ka̱ 3:6

Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m.

Vilomene 1:21

Keheriki anna i̱nne̱t waraga cu eci kariki anna i̱nne̱t zinin, e̱e̱ni̱ e̱e̱t ci o̱ngo̱o̱li̱na̱n, ka̱gga̱ ogoni atin i̱nna̱ kaal cik meelek cik ngen anna ki̱jji̱n bu̱k.