2 Te̱se̱lo̱ni̱ka̱ 3:14 - Tennet

¹⁴ U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno.

2 Te̱se̱lo̱ni̱ka̱ 3:14 ပူးပေါင်းရင်းမြစ်များ

Ma̱te̱yo̱ 18:17

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

1 Ko̱ri̱nto̱ 4:14

Iróng anna keherakkung zin i̱ge̱t zo̱zzo̱k ne̱ko̱ ko̱ kar kadaung a̱li̱ya̱ni̱, abarik ki̱lo̱tu̱ng, eci niga e̱e̱ggi̱nnu̱ dooli cigannik kirezung.

1 Ko̱ri̱nto̱ 5:11

Ma̱i̱je̱ i̱yo̱ko̱, ka̱du̱wa̱kku̱ng, ma owowonu ki e̱e̱t imma ci azi ne, ka̱tu̱we̱ enne kar ngatu kize a̱li̱ya̱i̱t icima anyak zinin ci a̱ppwe̱ kaale, ala to̱do̱yyo̱k kize ta̱mu̱ta̱dde̱n, e̱e̱t ci otor ol, e̱e̱t ci een bba̱kco̱i̱t, icima e̱e̱t ci alaba ol kaal. Ma adainu ki e̱e̱t ci abak baiz ci ogon niko.

1 Ko̱ri̱nto̱ 5:9

Keherakkung waraga bali nanni een oo ke̱ ka̱nne̱kku̱ng ne, “Ma owowonu ki ol cik een a̱li̱ya̱k.”

2 Ko̱ri̱nto̱ 10:6

Ming iziyu i̱nna̱ zoz ci ka̱du̱wa̱nna̱ naga ko̱, kedezza zin atin ol wak iróng o̱ngo̱o̱le̱.

2 Ko̱ri̱nto̱ 2:9

Keherakkung anna waraga necu korongi kuruba de̱de̱ ming o̱ngo̱o̱li̱nna̱ng.

2 Ko̱ri̱nto̱ 7:15

I̱yo̱ko̱, atalne Ti̱to̱ oroot eci u̱tu̱gu̱zzu̱ gi̱i̱ ci orongnyung enne abunna ming ogonnu. Atalne bo̱do̱k eci i̱ti̱ri̱zttu̱ niga nonno ba̱li̱ye̱ ju̱rru̱m. Ming okko enne i̱no̱n zoz neci, irezzung oroot.

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

Kolosiya 4:16

Ming ikebtu niga do̱o̱k waraga necu, i̱tto̱nta̱k zin waraga necu bu̱k ol wak a̱tu̱we̱ abak o̱rge̱ ci een Laodicea kar kikebit nege bu̱k. Kar zin niga bu̱k ikebit waraga bali ki̱tto̱nna̱k anna ol wak a̱tu̱we̱ o̱rge̱ ci een Laodicea ke̱.

1 Te̱se̱lo̱ni̱ka̱ 4:8

Ming abure e̱e̱ti̱ imma de̱mzi̱ne̱t necu, iróng abure e̱e̱t ci diiri, abure abarik Ta̱mu̱ta̱dde̱n wa aanyik ol Vongiz ci A̱li̱le̱.

2 Te̱se̱lo̱ni̱ka̱ 3:6

Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m.

Ti̱to̱ 2:8

Anyik de̱mzi̱ne̱t cunne kubunna kar iróng ol ibbez zoz neci. Imma ol wak orong kadangttin, adak a̱li̱ya̱ni̱ iróng amuda gi̱i̱ imma ci gerze kar kadangttet.

Ti̱to̱ 3:10

Ming aave e̱e̱ti̱ ci ogon kaal cik anyaha ngeronet orgene cunno̱ng, ti̱lo̱ nonno lak co̱de̱ icima lak rama bu̱k. Imma ming emena iróng orong kizik, ma ngen edeconik nonno.

Vilomene 1:21

Keheriki anna i̱nne̱t waraga cu eci kariki anna i̱nne̱t zinin, e̱e̱ni̱ e̱e̱t ci o̱ngo̱o̱li̱na̱n, ka̱gga̱ ogoni atin i̱nna̱ kaal cik meelek cik ngen anna ki̱jji̱n bu̱k.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

2 Jon 1:10

Ming a̱kku̱ e̱e̱ti̱ imma ci iróng azunne de̱mzi̱ne̱t ci Ki̱ri̱sto̱, ma elemnyyu nonno ce̱e̱zi̱nne̱ cuggo̱k, kar bo̱do̱k ma izayu nonno.