2 Te̱se̱lo̱ni̱ka̱ 2:8 - Tennet

⁸ Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

2 Te̱se̱lo̱ni̱ka̱ 2:8 ပူးပေါင်းရင်းမြစ်များ

Ma̱te̱yo̱ 13:19

Ogon i̱nyo̱mo̱na̱ wak i̱i̱na̱k gool ko̱ ki ol wak iziyyet zoz ci kaviyak cik ba̱a̱li̱ne̱t ci Ta̱mu̱ta̱dde̱no̱, kar ngatu iróng a̱gga̱. A̱kku̱ lo̱rye̱nti̱ kar ki̱ki̱ya̱ kaama kaviyak ne̱ke̱ zi̱nze̱tti̱nne̱ cigge̱k.

Ma̱te̱yo̱ 13:38

Okko ma̱na̱ een lo̱o̱c ci kaavtte ko̱, ovvo i̱nyo̱mo̱na̱ cik abunna ko̱, e̱e̱ggi̱n dooli cik ba̱a̱li̱ne̱t ci ta̱mu̱-kengo. Ovvo lobali e̱e̱ggi̱n dooli cik lo̱rye̱nta̱k.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

1 Ko̱ri̱nto̱ 1:28

Atahala Ta̱mu̱ta̱dde̱n kaal wak iróng anyak doiz ki wak ibbez ol lo̱o̱ta̱ ngatu, kar kegerzan kaal cik i̱no̱n olli lo̱o̱tu̱, een gi̱i̱ ci riili oroot,

2 Te̱se̱lo̱ni̱ka̱ 2:3

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

1 Ti̱mo̱te̱yo̱ 6:14

abunna ming azunne ti̱lo̱wi̱ne̱t cu zee ki̱zzi̱ rok zoz ci anganyi ol kobodak Manyitinna Ye̱su̱ Ki̱ri̱sto̱ lo̱o̱c.

2 Ti̱mo̱te̱yo̱ 1:10

Kar i̱yo̱ko̱, i̱ye̱le̱i̱t zin Ta̱mu̱ta̱dde̱n bunnat cinne ngati aanyyet Ti̱ri̱zo̱i̱t cinna Ye̱su̱ Ki̱ri̱sto̱, kar kommog daiz, kar kanyaha ruget wa aave udut, kamuda go̱o̱le̱ ci kazikne kaviyak cik abunna.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 10:27

Abarik e̱e̱ti̱ ci anyak mu̱nye̱n ko̱, abak ngo̱li̱nte̱ ci okko Ta̱mu̱ta̱dde̱n ettede lo̱ki̱ko̱, kar ol wak adite iina iróng aziye zoz cinne, atuze gwo̱o̱ye̱ ci apadpadi oroot.

1 Jon 2:13

Niga be̱e̱ti̱ga̱ni̱k, keherakkung anna i̱ge̱t zoz cu, eci niga a̱gga̱yyu̱ nonno ci bali aave kanante ci lo̱o̱tu̱ ki ci ta̱mu̱-kengo. Niga logoz, keherakkung anna i̱ge̱t zoz cu, eci ommogtu niga lo̱rye̱ni̱t. Niga dooli, keherakkung anna i̱ge̱t zoz cu, eci niga a̱gga̱yyu̱ Ta̱mu̱ta̱dde̱n Baba.

1 Jon 3:12

Ma ogonnu ki bali Kaini, abak baiz ci lo̱rye̱nto̱ kar ku̱ru̱k gotoni ka̱da̱k. Nya ming amuny enne gotoni ko̱? Amuny enne gotoni eci baizi cinne gerza, imma gotoniya ogon kaal cik abunna.

1 Jon 5:18

Ka̱gga̱ naga do̱o̱k iróng dooli cik Ta̱mu̱ta̱dde̱no̱ aalna zo̱ze̱ ci ogone mu̱nye̱n odohize; eci Ngerrti Ta̱mu̱ta̱dde̱no̱ azunne nogo, iróng zin lo̱rye̱nti̱ ogonik nogo gi̱i̱ ci gerze.

O̱no̱zzo̱k 1:16

Anyak enne a̱tte̱ ci a̱zzo̱ munyuny turgerem, okko utuge cinne iyowa nya̱tu̱ba̱ti̱ ci lehedi oroot. Okko ngu̱m cinne alanyit oroot kiwagon koor ci tagizo.

O̱no̱zzo̱k 13:5

Anyozik e̱le̱gi̱ti̱ gool ci kar kodonge ele kozoz kar kodom zar cik Ta̱mu̱ta̱dde̱no̱, kar kabal lo̱o̱c nyelowi moten we̱c ki rama.

O̱no̱zzo̱k 19:15

Iyowa utuge cinne nya̱tu̱ba̱t ci lehedi kar ku̱ru̱we̱ enne ol cik lo̱o̱tu̱ veelek. “Abal atin enne nogo coole ci alaanzetu ci een zi̱i̱t.” Kar enne koroc ngin wagon amacane merte kar ki̱ye̱la̱ mozinet ci Ta̱mu̱ta̱dde̱no̱ wa A̱ddi̱ki̱re̱ anyak Komiz do̱o̱k.

O̱no̱zzo̱k 2:16

Ming iróng niga urtannu mu̱nye̱n cuggo̱k lo̱o̱c, ka̱kku̱ni̱ atin anna ataman kar ki̱ki̱ya̱ koyok ol ne̱ko̱ nya̱tu̱ba̱te̱ ci utuge cinanni ko̱.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.