2 Te̱se̱lo̱ni̱ka̱ 2:15 - Tennet

¹⁵ I̱yo̱ko̱ zin, gotonogga, u̱zu̱tte̱ de̱mzi̱ne̱t bali kedemzekung ke̱, icima go̱o̱le̱ bali kaavtte bu̱k ke̱ icima warage bali ki̱tto̱na̱kku̱ng ke̱.

2 Te̱se̱lo̱ni̱ka̱ 2:15 ပူးပေါင်းရင်းမြစ်များ

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

1 Ko̱ri̱nto̱ 11:2

Katalne anna ngatinno̱ng oroot, go̱o̱le̱ ci aadanang niga annit ko̱, kar bo̱do̱k u̱zu̱tte̱ de̱mzi̱ne̱t bali kedemezung anna i̱ge̱t ke̱ do̱o̱k.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

1 Ko̱ri̱nto̱ 16:13

A̱vvu̱t ju̱rru̱m be̱i̱nta̱. Ibilet okkomit kak tu̱we̱nte̱ cunno̱ng. Abunna ming e̱e̱ggi̱nnu̱ ol wak animnyu zoz, kar okkomit kak.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

2 Te̱se̱lo̱ni̱ka̱ 2:2

ma zin anyikku e̱e̱t imma kalabaung zo̱ze̱ ci azi ne u̱du̱wa̱k Vongizi ci A̱li̱le̱ nonno icima a̱kku̱ waraga ngatinna, i̱ki̱ya̱ i̱i̱te̱ni̱ ci Manyi la̱du̱n.

2 Te̱se̱lo̱ni̱ka̱ 3:14

U̱zu̱tte̱ e̱e̱t ci abure zoz ci keherakkung naga ko̱ ju̱rru̱m. E̱de̱yya̱ e̱le̱tti̱ ngatinne kar kadak a̱li̱ya̱ni̱ nonno.

2 Te̱se̱lo̱ni̱ka̱ 3:6

Gotonogga ki ngonogga tu̱we̱nta̱, ka̱du̱wa̱kku̱ng zare cik Manyitinna Ye̱su̱ Ki̱ri̱sto̱, e̱de̱yya̱ e̱le̱tti̱ ngati gotonogget wak a̱tu̱we̱ imma ngatu iróng a̱li̱ngli̱ngi̱. A̱gga̱mi̱t zoz wa li̱ngli̱ngo̱nto̱ bali ki̱lo̱ti̱ku̱ng ke̱ ju̱rru̱m.

Ti̱to̱ 1:9

Abunna ming a̱gga̱m enne kaviyak cik Ye̱su̱ balik edemeze ol nonno ke̱; kar atin enne ki̱ti̱lo̱ ol de̱mzi̱nte̱ neci, bak i̱ye̱la̱ ba̱ci̱nno̱k cik ol wak abure de̱mzi̱ne̱t neci.

Ju̱da̱ 1:3

Gotonogga ki ngonogga wak zinino, korongi anna de̱de̱ ketehereung zoz ci obod ki ti̱ri̱ze̱ne̱t ci Ta̱mu̱ta̱dde̱no̱ kozol naga ko̱, abarik korongi ketehereung kilalekkung abunna ming keleno ki tu̱we̱ne̱t ci a̱kku̱ lak co̱de̱ ko̱, aanyik Manyi ol wak a̱tu̱we̱ ko̱.