2 Te̱se̱lo̱ni̱ka̱ 2:13 - Tennet

¹³ Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

2 Te̱se̱lo̱ni̱ka̱ 2:13 ပူးပေါင်းရင်းမြစ်များ

Kananet 1:1

Bali oowa kananta eenyca Ta̱mu̱ta̱dde̱n ta̱mu̱-keng ki lo̱o̱c.

Lu̱ka̱ 1:75

ngati a̱li̱le̱ zi̱nze̱tti̱ cigga̱c ki bunnat ngu̱me̱ cinne i̱i̱nya̱ do̱o̱k.

Kaviyak wak Abunna Ta̱mu̱ta̱dde̱no̱ eher Joni 1:1

Aave da̱ la̱du̱n kanante ci lo̱o̱tu̱ Zoz to, arumze da̱ zoz neci ki Ta̱mu̱ta̱dde̱n, een da̱ Zoz neci Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Buk wa To̱ni̱a̱u̱ 13:48

Baling iziyyet ol cik iróng e̱e̱ggi̱n Ya̱u̱d zoz necu, ataltto oroot kar zin ki̱di̱ngdi̱nga̱ni̱t zoz ci Manyi; kar ol do̱o̱k wak atahalak Ta̱mu̱ta̱dde̱n kurubta baiz ci aave udut ko̱, ku̱tu̱we̱t.

Buk wa To̱ni̱a̱u̱ 15:9

Katubo naga do̱o̱k ngu̱me̱ cinne, eci enne adiman zi̱nze̱tti̱ cigge̱k kizeto caale tu̱we̱nte̱ ci anyak nege.

Roma 6:17

E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k.

Roma 8:33

Ming elema Ta̱mu̱ta̱dde̱n ol balik atahala enne ke̱, anyak wo̱ye̱ e̱e̱t imma ci ettedik ol ne̱ko̱ lo̱ki̱ko̱? I̱llo̱i̱ wo̱ye̱ e̱e̱t imma ci ettedik nogo lo̱ki̱ko̱.

Roma 9:11

Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

Ga̱la̱ti̱a̱ 3:1

Eehi olli Ga̱la̱ti̱a̱, aditennung iina, nya ci ecebannung o̱o̱tti̱? I̱ye̱la̱i̱ keng ci daiz ci Ye̱su̱ Ki̱ri̱sto̱ ju̱rru̱m ngatinno̱ng, ogon ki ci icinntu nonno ming odode keete ci een ta̱la̱ke̱c ka̱da̱k.

Evesos 2:8

Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.

Kolosiya 1:5

Een tu̱we̱ne̱t necu ki rezinet ci a̱kku̱ zo̱ze̱ ci arikku niga zi̱nze̱tti̱ zoz ci e̱re̱yyu̱ niga aave ta̱mu̱-kenga, iziktu niga zoz neci zo̱ze̱ ci een de̱de̱, kaviyahe cik abunna

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

1 Te̱se̱lo̱ni̱ka̱ 1:4

Gotonogga ki ngonogga tu̱we̱nta̱, ka̱gga̱yya̱ niko ming irezzung Ta̱mu̱ta̱dde̱n, kar katahalaung izet ol ciginnek.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

1 Te̱se̱lo̱ni̱ka̱ 4:7

Eci Ta̱mu̱ta̱dde̱n adimannet ba̱li̱ye̱ iróng orongnyet ku̱tu̱lle̱, abarik orongnyet kabait baiz ci caale paz.

1 Te̱se̱lo̱ni̱ka̱ 5:9

Eelannet atin Ta̱mu̱ta̱dde̱n, iróng orongnyet kar kedezzeta. Abarik ahalanet kar ki̱tto̱nna̱e̱t Manyitinna Ye̱su̱ Ki̱ri̱sto̱ ki̱ti̱ri̱ze̱ta̱.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

2 Te̱se̱lo̱ni̱ka̱ 2:10

ki kaale cik mu̱nye̱nu̱ a̱lu̱te̱ ol cik ovvo daiza. A̱da̱i̱ nege eci utuburet rezinet zoz ci een de̱de̱ kar zin nege ku̱mu̱dda̱ ti̱ri̱ze̱ne̱t.

2 Te̱se̱lo̱ni̱ka̱ 2:12

kar atin ol do̱o̱k wak iróng a̱tu̱ zoz ci een de̱de̱ kettedozik lo̱ki̱ko̱ nogo, ma̱i̱je̱ ngatu nege atali mu̱nye̱n.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

2 Ti̱mo̱te̱yo̱ 1:9

Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.

2 Ti̱mo̱te̱yo̱ 2:15

Li̱ngli̱ngo̱zi̱k Ta̱mu̱ta̱dde̱n ju̱rru̱m, kar ize du̱ca̱i̱t cinne ci abunna, iróng anyak a̱li̱ya̱n, kar gga̱m zoz ci een de̱de̱ ju̱rru̱m.

2 Ti̱mo̱te̱yo̱ 3:15

A̱gga̱ ri̱t i̱nna̱ Waraga ci Ta̱mu̱ta̱dde̱no̱ baling ngen e̱e̱ni̱ idica. Aanyi zoz cinne genyiz ki ti̱ri̱ze̱ne̱t go̱o̱le̱ ci a̱tu̱we̱ Ye̱su̱ Ki̱ri̱sto̱ kar ruba baiz wa aave udut.

I̱bu̱ru̱ 1:10

Ozoz bo̱do̱k Ta̱mu̱ta̱dde̱n zoz ci Ngerinne, azi ne, “Manyi, bali arrak oowa, i̱nne̱t ci akane teheenyinet ci lo̱o̱c do̱o̱k kar bo̱do̱k teheenya ta̱mu̱-keng.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

1 Jon 4:10

Een necu rezinet ci Ta̱mu̱ta̱dde̱no̱: Iróng een agit cik kirez Ta̱mu̱ta̱dde̱n, abarik nonno ci irezet agita, kar ki̱tto̱na̱i̱t Ngerinne kize wawac ci okko alalnek mu̱nye̱n cigga̱c.

1 Jon 4:19

Kirezo naga e̱le̱tti̱ eci een Ta̱mu̱ta̱dde̱n ci irezet agit arrak oowa.