2 Te̱se̱lo̱ni̱ka̱ 2:10 - Tennet

¹⁰ ki kaale cik mu̱nye̱nu̱ a̱lu̱te̱ ol cik ovvo daiza. A̱da̱i̱ nege eci utuburet rezinet zoz ci een de̱de̱ kar zin nege ku̱mu̱dda̱ ti̱ri̱ze̱ne̱t.

2 Te̱se̱lo̱ni̱ka̱ 2:10 ပူးပေါင်းရင်းမြစ်များ

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Kaviyak wak Abunna Ta̱mu̱ta̱dde̱no̱ eher Joni 3:17

Iróng Ta̱mu̱ta̱dde̱n i̱tto̱na̱k Ngerinne lo̱o̱c, kar ki̱ki̱ya̱ ketted lo̱ki̱ko̱ ci ollu, i̱tto̱na̱ abarik kar ki̱ki̱ya̱ kuruguz ol.

Kaviyak wak Abunna Ta̱mu̱ta̱dde̱no̱ eher Joni 5:34

Iróng kelemi zoz ci a̱du̱wa̱ ol zo̱ze̱ cinanni, abarik, ka̱du̱wa̱kku̱ng zoz necu kar wo̱ye̱ niga urubta ti̱ri̱ze̱ne̱t.

Roma 10:1

Gotonogga ki ngonogga tu̱we̱nta̱, orong zinin cinanni kar kalawek olli Israilo Ta̱mu̱ta̱dde̱n kar nege kurubta ti̱ri̱ze̱ne̱t.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 6:17

E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k.

1 Ko̱ri̱nto̱ 1:18

Eci een kaviyaha cik ta̱la̱ke̱ca̱k ko̱ tarbalzet ngati ol wak izeto daizzok, ma̱i̱je̱ ngati ol wak u̱mu̱dda̱ ti̱ri̱ze̱ne̱t, een komiz ci Ta̱mu̱ta̱dde̱no̱.

1 Ko̱ri̱nto̱ 16:22

Ming iróng e̱e̱ti̱ imma irez Manyi Ye̱su̱, anyik to̱ri̱ne̱t ki̱tta̱k nonno. Anyik bai Manyi ki̱ki̱ya̱ ataman.

2 Ko̱ri̱nto̱ 11:13

Iróng ol ne̱ke̱ e̱e̱ggi̱n to̱ni̱a̱k cik Ki̱ri̱sto̱ de̱de̱. Alaba nege ol azi ne ke̱e̱ggi̱nna̱ to̱ni̱a̱k cik Ye̱su̱.

2 Ko̱ri̱nto̱ 11:15

Iróng wo̱ye̱ ka̱ku̱le̱k je̱e̱n gi̱i̱ye̱ necu, a̱gga̱ to̱ni̱a̱ha̱ cik lo̱rye̱nto̱ uhu e̱le̱tti̱ azi ne kogonna kaal cik abunna. Ngen atin Ta̱mu̱ta̱dde̱n apahek anjilonya cik lo̱rye̱nta̱k lo̱ki̱ko̱ kaale ne̱ko̱ i̱i̱te̱n co̱de̱.

2 Ko̱ri̱nto̱ 2:15

Eci kogon naga ki amanteci ci ongooli laala, anyahakket Ki̱ri̱sto̱ Ta̱mu̱ta̱dde̱n, okko ngolizi neci rok ol wak ovvo elemi zoz ci Ta̱mu̱ta̱dde̱no̱ ki ol wak ovvo daiza.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

1 Te̱se̱lo̱ni̱ka̱ 2:16

ngati alamnyet ming iróng kuwaheka ol wak iróng een Ya̱u̱d kaviyak wak Ta̱mu̱ta̱dde̱no̱ abunna, wak atin eela nogo. Imma go̱o̱le̱ necu, otorte ba̱ci̱no̱wa̱ cigge̱k, utubur Ta̱mu̱ta̱dde̱n nong. Edez atin Ta̱mu̱ta̱dde̱n nogo zo̱ze̱ necu vu̱rrta̱.

2 Te̱se̱lo̱ni̱ka̱ 2:12

kar atin ol do̱o̱k wak iróng a̱tu̱ zoz ci een de̱de̱ kettedozik lo̱ki̱ko̱ nogo, ma̱i̱je̱ ngatu nege atali mu̱nye̱n.

2 Te̱se̱lo̱ni̱ka̱ 2:13

Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

1 Ti̱mo̱te̱yo̱ 2:4

Orong Ta̱mu̱ta̱dde̱n ol do̱o̱k kurubta ruget, kar ka̱gga̱c zoz wa een de̱de̱.

I̱bu̱ru̱ 3:13

Abarik ki̱ti̱lo̱z gotonogget ki ngonogget odohize, ki i̱yo̱ko̱ ming a̱du̱wa̱kke̱t zoz ci Ta̱mu̱ta̱dde̱no̱ wazin necu ko̱. Ma anyikku mu̱nye̱n kecebtaung o̱o̱tti̱ kar utuburet zoz ci Ta̱mu̱ta̱dde̱no̱.

2 Peturu 2:12

Imma ol ne̱ko̱ iróng a̱gga̱ gerziten cinne̱ng. Ogon nege ki i̱yo̱ko̱ elegje wak zarak iróng ozozi, a̱rri̱ta̱i̱ nege kize kaal cik a̱ru̱we̱ ka̱da̱i̱to̱. Ozoz zoz ci mu̱nye̱nu̱ ci iróng nege a̱gga̱. Egerzan atin nogo zoz ci gerze ogon nege ko̱.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.