2 Te̱se̱lo̱ni̱ka̱ 1:9 - Tennet

⁹ Edez atin Manyi nogo udut kar kanyik ka̱vvu̱to̱ reena alaanzete cinne.

2 Te̱se̱lo̱ni̱ka̱ 1:9 ပူးပေါင်းရင်းမြစ်များ

Kananet 3:8

Bali yo̱mo̱na̱ iziyyet ngaa ki mac Manyi Ta̱mu̱ta̱dde̱n ming owo ma̱na̱ orgena ngati alalne looci, u̱lu̱gu̱nyye̱t zin nege e̱le̱tti̱ keene ecito.

Kananet 4:16

U̱lu̱g zin Kaini ngati aave Manyi uk abak lo̱o̱ce̱ ci een Nod, ci aave je̱e̱ne̱ ci Edeni.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 22:13

“Iizek zin alaani du̱cca̱k ciginnek ne, ‘A̱gga̱mi̱t e̱e̱t necu e̱ce̱bi̱t zo̱o̱ ki azzin kar zin u̱ju̱ktte̱k re̱e̱nu̱n, nginti mu̱hu̱ri̱ ke̱, nginti okko enne a̱lu̱we̱ nyigite cik lo̱o̱tu̱.’

Ma̱te̱yo̱ 24:30

“Kar zin vu̱rrta̱, i̱ye̱la̱i̱ zin gool ci a̱kku̱nne̱ Ngerrti E̱e̱to̱ ta̱mu̱-kenga, kar atin ol cik lo̱o̱tu̱ do̱o̱k ku̱tu̱lu̱zzo̱. Kar atin kicinnet Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Ma̱te̱yo̱ 26:24

Eci Ngerrti E̱e̱to̱ a̱da̱i̱ atin ki bali ming u̱du̱ya̱i̱ zoz cinne Warage ci Ta̱mu̱ta̱dde̱no̱. O̱lle̱ bai atin cik e̱e̱t ci adawa Ngerrti E̱e̱to̱, agano weda ming iróng enne a̱rri̱ta̱i̱!”

Ma̱te̱yo̱ 7:23

Kovocak atin anna nogo zoz, ‘Iróng anna ka̱gga̱yyu̱ng. Oot reena ngatinanni niga ol wak gon ogonnu mu̱nye̱n ko̱.’

Lu̱ka̱ 13:27

“Ma̱i̱je̱ atin enne abariz zoz cunno̱ng, ‘Iróng anna ka̱gga̱yyu̱ng icima a̱vvu̱nnu̱ niga nga. Oto, niga ol wak gon ogonnu kaal cik gerzek ko̱.’

Kaviyak wak Abunna Ta̱mu̱ta̱dde̱no̱ eher Joni 5:14

Imma bali vu̱rrta̱ umudak Ye̱su̱ nonno Ce̱e̱z wa Ta̱mu̱ta̱dde̱no̱, kar zin kizek ne, “Cinno, i̱yo̱ko̱ ubunna i̱nna̱ bo̱do̱k. Ma ngen ogoni mu̱nye̱n, gerza ming a̱kku̱nna̱ki̱ gi̱i̱ ci gerze.”

Vilipia 3:19

Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

1 Te̱se̱lo̱ni̱ka̱ 5:3

I̱nna̱ atin wazini neci ngati aniwe ol ne, “Aave looci labak, i̱llo̱i̱ jo̱o̱re̱.” Kar zin li̱be̱ne̱t ci edeze Ta̱mu̱ta̱dde̱n lo̱o̱c ki̱tta̱ niko! Obokket ki u̱u̱ce̱zi̱ ci obok ngaa ci orong uukcai ki̱zze̱c rok ol cik a̱vi̱ri̱.

2 Te̱se̱lo̱ni̱ka̱ 2:8

Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 10:29

I̱no̱ni̱t lo̱ki̱ko̱ ci okkomi okko Ta̱mu̱ta̱dde̱n etteddek ol wak ibbez zoz ci Ngerrti Ta̱mu̱ta̱dde̱no̱, adima bo̱do̱k bi̱ye̱ cik Ye̱su̱ anyaha olomi ci een jor, wa eela nonno mu̱nye̱ne̱ ko̱ kize gi̱i̱ ci labak, kar bo̱do̱k kodom Vongiz ci A̱li̱le̱ Ta̱mu̱ta̱dde̱no̱ ci aanyik nonno de̱ti̱ne̱t ko̱.

2 Peturu 2:17

Ogon zin ol ne̱ko̱ ki i̱yo̱ko̱ ta̱mu̱ ci iróng aṯile, i̱ti̱k ngooti di̱i̱z veelek. Ere nginti mu̱u̱hu̱ri̱ lo̱rye̱nto̱ nogo.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.

Ju̱da̱ 1:13

Imma kaala ne̱k gerzek ogon nege i̱yo̱ko̱ ko̱, atubo ki tawan ci maam wak gon apalpalan ngooti nyatapare ci a̱ddi̱ki̱re̱ ko̱, adima kaal cigge̱k gerzek arike ti̱ti̱m. Kar bo̱do̱k nege ogon ki i̱yo̱ko̱ munyunya wak owo, imma ngatu iróng aavtte nga̱to̱de̱, ovvo nege ngati mu̱hu̱ri̱ udut.

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.

O̱no̱zzo̱k 20:14

Kar zin daizi ki nginti daizo ku̱ju̱kto̱zi̱k koot gwo̱o̱ye̱ ci apadpadi oroot. Een gwa̱a̱ neci ci apadpadi udut ke̱, daiz ci vu̱rrto̱.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.