2 Te̱se̱lo̱ni̱ka̱ 1:7 - Tennet

⁷ A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

2 Te̱se̱lo̱ni̱ka̱ 1:7 ပူးပေါင်းရင်းမြစ်များ

Lu̱ge̱z 19:18

Imma be ci een Sinai ko̱ u̱bu̱ng bbu̱rre̱ti̱ veelek, eci Manyi ulucak be gwo̱o̱ya̱. Iyowa bbu̱rre̱ti̱ biya ogon ki ci iyowa caala, otomowe be veelek ki ci een looci jo̱o̱re̱,

Lu̱ge̱z 3:2

Imma nginati, i̱ye̱la̱k zin anjilo ci Manyi nonno ele ki i̱yo̱ko̱ gwa̱a̱ gon garuwe ko̱. Icin Musesi zari ci anyak gwo̱o̱ ming alanyiti iróng zin garuwoci neci atuze.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Marko 14:62

O̱bo̱de̱k zin Ye̱su̱ nonno, a̱nne̱k ne, “I̱i̱ny, Ke̱e̱ni̱, acinni atin Ngerrti E̱e̱to̱ ming aave a̱tte̱ ci a̱zzo̱ Ta̱mu̱ta̱dde̱no̱, kar atin ki̱ki̱ya̱ di̱i̱zo̱ca̱ ta̱mu̱-kenga.”

Marko 8:38

Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”

Lu̱ka̱ 16:25

“Ma̱i̱je̱ Aburahami abarizek nonno, ‘Ngeranni, i̱no̱n da̱ ba̱li̱ye̱ baize cunne uruba i̱nna̱ kaal cik abunna, imma Lazaru uruba kaal cik gerzek, ma̱i̱je̱ i̱yo̱ko̱ ubunna enne ngatu kar i̱nna̱ a̱vvu̱ ngati apirnane.

Lu̱ka̱ 17:30

“Ogon zin atin looci bu̱k niko i̱i̱te̱ne̱ ci okko Ngerrti E̱e̱to̱ i̱ye̱la̱i̱.

Kaviyak wak Abunna Ta̱mu̱ta̱dde̱no̱ eher Joni 1:3

Eteehenya Zoz kaal do̱o̱k, i̱llo̱i̱ gi̱i̱ imma ci eenycai ngati a̱zze̱ne̱ enne to.

Kaviyak wak Abunna Ta̱mu̱ta̱dde̱no̱ eher Joni 1:51

Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Buk wa To̱ni̱a̱u̱ 1:11

Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

2 Ko̱ri̱nto̱ 4:17

Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

Evesos 1:2

Anyik bai Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng deten ki a̱vvu̱ze̱t yahe.

Kolosiya 1:16

Eci Ta̱mu̱ta̱dde̱n eenyca kaal do̱o̱k ngatinne, kaal cik aavtte ta̱mu̱-kenga ko̱ ki cik aavtte lo̱o̱ta̱, cik kacin naga eberene ki cik iróng kacin eberene, leceret cik alaatu icima doiz icima alaat icima alaanzet; eenycai kaala ne̱ko̱ do̱o̱k ngatinne kar bo̱do̱k kizeto ciginnek.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

2 Ti̱mo̱te̱yo̱ 2:12

Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 10:27

Abarik e̱e̱ti̱ ci anyak mu̱nye̱n ko̱, abak ngo̱li̱nte̱ ci okko Ta̱mu̱ta̱dde̱n ettede lo̱ki̱ko̱, kar ol wak adite iina iróng aziye zoz cinne, atuze gwo̱o̱ye̱ ci apadpadi oroot.

I̱bu̱ru̱ 12:29

Eci Ta̱mu̱ta̱dde̱n ci ka̱di̱ngdi̱nga̱n naga ko̱ ogon ki i̱yo̱ko̱ gwa̱a̱ ci atuz kaal ne lai.

I̱bu̱ru̱ 4:1

Ngen Ta̱mu̱ta̱dde̱n odolna zo̱ze̱ ci okko atin e̱e̱ti̱ ci diiri i̱i̱zo̱ lo̱o̱c ci i̱ye̱be̱ze̱ Ta̱mu̱ta̱dde̱n, abunna kazunne zoz neci kar iróng e̱e̱ti̱ imma odotonik vu̱rru̱t.

I̱bu̱ru̱ 4:11

I̱yo̱ko̱ zin, ku̱tu̱gu̱z naga do̱o̱k kaal cik eelannet kar ku̱mu̱dda̱ baiz ci kabahe yahe, ma anyikku e̱e̱t imma kutubur zoz ci Ta̱mu̱ta̱dde̱no̱, eci abure enne zoz ci Ta̱mu̱ta̱dde̱no̱ ki bali olli Ya̱u̱do̱ balik aavtte balala ming abure ke̱.

I̱bu̱ru̱ 4:9

Anyaha zin Ta̱mu̱ta̱dde̱n i̱i̱te̱n wa a̱yu̱bze̱ ol ciginnek ko̱.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.

Ju̱da̱ 1:7

Ogon zin bo̱do̱k niko, a̱a̱dda̱ zin ol balik o̱ro̱gjo̱we̱ cik Sodomi ki Gomorrah ki bo̱do̱k o̱ro̱gjo̱k wak ojongzo ki nogo. Izeto ol ne̱ke̱ a̱li̱ya̱k, ottodo kiwagon elegje. I̱ye̱le̱k zoz necu ol zoz ci ovvo atin ol atuze gwo̱o̱ye̱ ci alanyit udut.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.

O̱no̱zzo̱k 14:10

okko atin enne bu̱k aud merte ci atin aanyik Ta̱mu̱ta̱dde̱n komoze. A̱ddu̱to̱ni̱k merte neci uduc cinne mozinto kibbit ṯoc. Apirna atin enne oroot gwo̱o̱ya̱ kicinnet anjilonya cik a̱li̱le̱ ki Nyoon.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.

O̱no̱zzo̱k 21:4

A̱vi̱la̱ atin enne ti̱la̱lo̱ eberene cigge̱k. I̱zzi̱ atin bo̱do̱k daizi to icima mozinet icima u̱lu̱wa̱ icima u̱u̱ce̱z, eci kaala balik reentik ke̱ i̱zze̱c to ne dakdak.”

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 22:6

A̱nne̱ka̱ zin anjilo ne, “E̱e̱ggi̱n zo̱zzo̱wa̱ ne̱ke̱ de̱de̱. Okko Manyi Ta̱mu̱ta̱dde̱n wa a̱gga̱m vongizzok cik a̱ri̱tto̱u̱ ko̱ i̱tto̱na̱ anjilo cinne ki̱ye̱le̱k du̱cca̱k ciginnek kaal cik ovvo atin i̱i̱na̱ ataman.”

O̱no̱zzo̱k 22:9

Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”

O̱no̱zzo̱k 6:11

Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.