2 Te̱se̱lo̱ni̱ka̱ 1:11 - Tennet

¹¹ Kalawekku̱ng Ta̱mu̱ta̱dde̱n odohize, kar Ta̱mu̱ta̱dde̱n kize ne abakttu go̱o̱le̱ ci abunna baize ci korongi abait ki bali ka̱du̱wa̱kku̱ng ke̱. Kalawekku̱ng bo̱do̱k Ta̱mu̱ta̱dde̱n cinna ka̱a̱nyu̱ng komiz ci ogonnu kaal cik abunna orongnyu u̱tu̱gu̱z eci niga a̱tu̱yyu̱ zoz ci Manyi Ye̱su̱.

2 Te̱se̱lo̱ni̱ka̱ 1:11 ပူးပေါင်းရင်းမြစ်များ

Marko 4:28

Anyike todowa labi kiyokta, arrak alize kizeto angaya, kar kartik viyong, kar zin vu̱rrta̱ kartik labi.

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 11:29

Iróng Ta̱mu̱ta̱dde̱n uhu zinin cinne, kar kobodai muci ciginnek balik aanyik enne nogo ke̱.

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

Roma 8:30

Utu zin Ta̱mu̱ta̱dde̱n ol balik odola atahala enne, imma ol ne̱k awu enne ko̱, elema enne kize ol wak abunna, kar kaanyik nogo kozolit komiz cinne.

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

Evesos 1:16

Imma zin zo̱ze̱ necu, kanyike gon anna Ta̱mu̱ta̱dde̱n zany odohize zo̱ze̱ cunno̱ng, ka̱a̱da̱nnu̱ng zin i̱ge̱t ngati kalawe Ta̱mu̱ta̱dde̱n odohize.

Evesos 1:5

Imma rezinte ci irezet enne agit ko̱, aanyet kizet dooli ciginnek ngati Ye̱su̱ Ki̱ri̱sto̱ go̱o̱le̱ ci odola enne kar katal ku̱tu̱gu̱.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Vilipia 3:14

I̱yo̱ko̱ zin ka̱vi̱ri̱ anna kokko rugeta, kar atin kuruba muci ci awuya Ta̱mu̱ta̱dde̱n ta̱mu̱-kenga zo̱ze̱ ci Ye̱su̱ Ki̱ri̱sto̱.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Te̱se̱lo̱ni̱ka̱ 1:5

A̱kku̱ atin i̱i̱te̱ni̱ ci okko Ta̱mu̱ta̱dde̱n ettede lo̱ki̱ko̱ ci ollu ju̱rru̱m, kar kidiman ol balik a̱gi̱d ol zo̱ze̱ ci ba̱a̱li̱ne̱t ci okko Ta̱mu̱ta̱dde̱n abale lo̱o̱c.

2 Te̱se̱lo̱ni̱ka̱ 2:14

A̱a̱nyu̱ng zin Ta̱mu̱ta̱dde̱n elemtta zoz cinne baling kuwahekkung naga kaviyak cik abunna ciginnek kar urubta ba̱a̱li̱ne̱t ci okko atin Manyitinna Ye̱su̱ Ki̱ri̱sto̱ abale lo̱o̱c.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

O̱no̱zzo̱k 3:4

Anyakku niga ol cikidik Sardisa cik iróng ongonyek ru̱u̱ma̱ni̱ cigge̱k mu̱nye̱n. Ovvo atin nege owo ki annita ru̱u̱ma̱ni̱ne̱ cik voorik, eci nege e̱e̱ggi̱n ol cik abunna.

O̱no̱zzo̱k 5:10

Idimanu i̱nna̱ nogo kanyait alaanzet ki olli wawaco cik a̱li̱ngli̱nge̱k Ta̱mu̱ta̱dde̱n, kar zin kabalit ol lo̱o̱ta̱ ngatu.”