2 Te̱se̱lo̱ni̱ka̱ 1:10 - Tennet

¹⁰ Akane atin de̱zi̱ne̱t necu ming okko Ye̱su̱ oboda kataltal ele ngati ol wak a̱li̱le̱ a̱tu̱ zoz cinne kar ko̱to̱ngo̱o̱ltte̱ nonno. Kar ol balik a̱tu̱ nonno katalit. Iddonginu atin niga bu̱k ki ol ne̱ke̱, eci a̱tu̱yyu̱ zoz bali kuwahekkung obod ki Ye̱su̱ ke̱.

2 Te̱se̱lo̱ni̱ka̱ 1:10 ပူးပေါင်းရင်းမြစ်များ

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 24:36

“I̱llo̱i̱ e̱e̱t co̱de̱ ci a̱gga̱ i̱i̱te̱n icima i̱i̱ ci ovvo kaala ne̱ke̱ ogonine, iróng anjilonya ta̱mu̱-kenga a̱gga̱ bu̱k icima Ngerinne bu̱k. Abarik Baatinna wa aave ta̱mu̱-kenga do̱ ci a̱gga̱.

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 7:22

Anyak ol cik meelek atin a̱nne̱ka̱ i̱i̱te̱ne̱ ci lo̱ki̱ko̱ ko̱ ne, ‘Manyi, Manyi ba̱li̱ye̱ naga kuwaheka ol kaviyak zare cigunnek, ma zin go̱o̱le̱ neci kottoktta kuulo cik lo̱rye̱nta̱k ngati ol cik meelek, kar bo̱do̱k ku̱tu̱gu̱zza̱ kaal cik meelek a̱vu̱la̱.’

Lu̱ka̱ 10:12

Ka̱du̱wa̱kku̱ng, anime atin olli Sodomi no̱ngi̱tto̱n kommog orog cu.

Kaviyak wak Abunna Ta̱mu̱ta̱dde̱no̱ eher Joni 11:4

Baling izik Ye̱su̱ zoz neci, ize ne, “Iróng atin morizi neci een daiz. Anyike atin morizi neci zar cik Ta̱mu̱ta̱dde̱no̱ ku̱bu̱lte̱, kar ol ki̱di̱ngdi̱nga̱ni̱t Ngerrti Ta̱mu̱ta̱dde̱no̱ morize necu.”

Kaviyak wak Abunna Ta̱mu̱ta̱dde̱no̱ eher Joni 17:10

E̱e̱ggi̱n ol cik kanyai anna ko̱ do̱o̱k cigunnek, ovvo ne̱k anyai i̱nna̱ ko̱ do̱o̱k cigannik. A̱bu̱le̱ zin zara cigannik zo̱ze̱ necu.

1 Ko̱ri̱nto̱ 1:6

eci zoz cinna̱ng wa obod ki Ki̱ri̱sto̱ uzucaung i̱ge̱ta̱.

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

Ga̱la̱ti̱a̱ 1:24

Innatit zin nege Ta̱mu̱ta̱dde̱n zo̱ze̱ cinanni.

Evesos 1:12

Atahalait enne agit olli Ya̱u̱do̱ oowa, abunna zin naga karike zi̱nze̱tti̱ Ki̱ri̱sto̱, abunna odohize kinnat nonno kize gool ci ka̱di̱ngdi̱nga̱ne̱ naga nonno.

Evesos 1:14

A̱du̱wa̱kke̱t Vongizi ci Ta̱mu̱ta̱dde̱no̱ i̱yo̱ko̱, kanyak naga ko̱ kaal cik kamuda atin naga adazek Ta̱mu̱ta̱dde̱n ol ciginnek ngati Ki̱ri̱sto̱. Abunna zin naga ki̱ye̱la̱ di̱ngdi̱ngo̱n cinne i̱i̱nya̱ do̱o̱k kaale ne̱ko̱.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 1:6

Ogon Ta̱mu̱ta̱dde̱n niko ko̱ kar kinnatit naga deten ki bunnat cinne wa a̱ddi̱ki̱re̱ bali aanyet enne agita ollin zo̱ze̱ ci Ngerinne wa irez enne ko̱.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Evesos 3:10

Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

1 Te̱se̱lo̱ni̱ka̱ 1:5

Ma̱rri̱t baling kanyaktaung kaviyak cik abunna Ta̱mu̱ta̱dde̱no̱ obod ki zoz ci Ye̱su̱ wa atahalai. Iróng ba̱li̱ye̱ een kaviyak cik ku̱du̱kta̱ zar ulla ci a̱a̱nyu̱ng elemtta zoz ci Ye̱su̱, een abarik komize ci Ta̱mu̱ta̱dde̱no̱ ki Vongiz ci A̱li̱le̱ ci bali a̱li̱ngli̱ng orgene cinna. A̱gga̱yyu̱ ri̱t bo̱do̱k niga bu̱k niko baiz cinna̱ng baling kabak ki i̱ge̱t ke̱.

1 Te̱se̱lo̱ni̱ka̱ 2:1

A̱gga̱yyu̱ ri̱t niga niko gotonogga wak tu̱we̱nta̱k, iróng eroni bali keronakkung ke̱ amurya.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

2 Te̱se̱lo̱ni̱ka̱ 1:12

Kalayya Ta̱mu̱ta̱dde̱n cinna baize cunno̱ng kar irezzit Manyitinna Ye̱su̱, kar ol bu̱k kirezttung zo̱ze̱ ci Ye̱su̱, ngati eleme de̱ti̱ne̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱.

2 Te̱se̱lo̱ni̱ka̱ 2:13

Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 1:18

Anyik Manyi bai ka̱mu̱yu̱k Onesiphorus kar kuruba eezet ming okko Manyi Ye̱su̱ obodak lo̱o̱c. A̱gga̱ ri̱t i̱nna̱ bu̱k eelawa enne go̱o̱lo̱we̱ cik meelek lo̱o̱ce̱ ci Ephesusi.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.