2 Peturu 3:9 - Tennet

⁹ Iróng Manyi ogon zoz ci u̱du̱wa̱ enne idic, ki i̱yo̱ko̱ ming i̱no̱n ol uggak ko̱. Alalizan enne zinin cinne ngatinno̱ng, iróng orong e̱e̱t imma ngatinno̱ng ka̱da̱k, abarik orong ol do̱o̱k kuturta mu̱nye̱n cigge̱k.

2 Peturu 3:9 ပူးပေါင်းရင်းမြစ်များ

Lu̱ge̱z 18:23

Ming u̱tu̱gu̱ i̱nna̱ zoz necu kar Ta̱mu̱ta̱dde̱n ku̱du̱wa̱i̱n, okko i̱nna̱ anime no̱ngi̱tto̱n, kar ol do̱o̱k wak anyak no̱ngi̱tto̱n ovvo atali lo̱ki̱ko̱ cunne.”

Roma 13:11

U̱tu̱gu̱z kaal ne̱ko̱ do̱o̱k, a̱gga̱c i̱i̱te̱n necu ju̱rru̱m, eci i̱i̱te̱ni̱ necu ci kar ki̱ti̱ri̱ze̱t Ta̱mu̱ta̱dde̱n agita ize ojon oroot kommog i̱i̱te̱n bali ka̱tu̱we̱ naga Ye̱su̱ arrak oowa ke̱.

Roma 13:12

Ogon i̱i̱te̱ni̱ ci kabahe naga lo̱o̱ta̱ ngatu kiwagon ba̱a̱li̱ni̱ ci okko aliz looci ataman. Abunna kabiliz mu̱nye̱n cik ogon ol ba̱a̱l, kar ku̱tu̱gu̱z kaal cik abunna ogon ol waz.

Roma 2:4

I̱no̱ni̱ i̱nna̱ bunnat ci Ta̱mu̱ta̱dde̱no̱ a̱ppwe̱, icima ki zinin cinne alali ci iróng atin enne aburneki nong? Iróng i̱nna̱ a̱gga̱ zoz ci orong Ta̱mu̱ta̱dde̱n ngatunne abunna ming ungnek mu̱nye̱n lo̱o̱c kar bodak nonno?

Roma 9:22

Orong Ta̱mu̱ta̱dde̱n ki̱ye̱la̱ mozinet ki doiz cinne ka̱gga̱we̱, ngati ol wak gerzek agano ki ru̱we̱ne̱t. Abarik enne alalnek ol ne̱ko̱ dee.

1 Ti̱mo̱te̱yo̱ 1:16

Alaleya Ta̱mu̱ta̱dde̱n annit e̱e̱t wa mu̱nye̱nu̱ wa ommog veelek kar ol kicinnta bunnat ci Ye̱su̱ Ki̱ri̱sto̱ ngatinanni, kar ol kicinnet laliz ci zinin ci Ta̱mu̱ta̱dde̱no̱. Kar ol cik a̱tu̱ zoz ci Ye̱su̱ kuruget udut.

1 Ti̱mo̱te̱yo̱ 2:4

Orong Ta̱mu̱ta̱dde̱n ol do̱o̱k kurubta ruget, kar ka̱gga̱c zoz wa een de̱de̱.

I̱bu̱ru̱ 10:37

Eci Waraga ci Ta̱mu̱ta̱dde̱no̱ ozoz zoz ci Ye̱su̱ azi ne, “A̱kku̱ atin enne ataman.

1 Peturu 3:20

E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

2 Peturu 1:4

Imma zin go̱o̱le̱ necu aanyyet enne agit kaal cik abunna riilik oroot, balik u̱du̱wa̱ enne kar kaanyyet ke̱ do̱o̱k. Ma zin kaale ne̱ko̱ a̱a̱nyu̱ng e̱de̱yya̱ e̱le̱tti̱ kaale wak lo̱o̱tu̱ gerzek balik orong zi̱nze̱tti̱ cuggo̱k u̱tu̱gu̱z ke̱, kar zin i̱yo̱ko̱ niga ozolit bunnat ci Ta̱mu̱ta̱dde̱no̱.

2 Peturu 3:15

Abunna zin ming a̱gga̱yyu̱ niga zi̱nze̱tti̱nne̱ cuggo̱k, laliz zinin ci Manyi Ta̱mu̱ta̱dde̱n ci anyahakket ti̱ri̱ze̱ne̱t. Eteheraet gotoneti ci een Pa̱u̱lo̱ ba̱li̱ye̱ kaal ne̱ko̱ genyize ci aanyik Ta̱mu̱ta̱dde̱n nonno.

O̱no̱zzo̱k 2:21

Kanyiya anna i̱i̱te̱n ci kar kutura ba̱ci̱nno̱k ciginnek a̱li̱ya̱kze̱ti̱nu̱ ko̱, abarik enne iróng elemi.