2 Peturu 3:7 - Tennet

⁷ Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.

2 Peturu 3:7 ပူးပေါင်းရင်းမြစ်များ

Ma̱te̱yo̱ 10:15

Ka̱du̱wa̱kku̱ng zoz ci een de̱de̱, obokce atin abarik ngati o̱ro̱gjo̱k cik een Sodom ki Gomorrah i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱ cinne, gerza atin ngati orog neci oroot.

Ma̱te̱yo̱ 11:22

Abarik zin ka̱nne̱kku̱ng ne, obokce atin lo̱ki̱ke̱ ci Tyre ki Sidon lo̱ki̱ko̱ ci olli Korazin ki Betsaida ming uṯuroi looci.

Ma̱te̱yo̱ 11:24

Abarik zin ka̱nne̱kku̱ng ne, maya atin ming okko Ta̱mu̱ta̱dde̱n etted lo̱ki̱ko̱ ci olli Sodomi ming uk uṯuroi looci.”

Ma̱te̱yo̱ 12:36

Ka̱du̱wa̱kku̱ng, okko atin Ta̱mu̱ta̱dde̱n ettedik ol do̱o̱k lo̱ki̱ko̱ i̱i̱te̱ne̱ emani zo̱ze̱ ci u̱du̱wa̱ e̱e̱ti̱ gerzet ngati iróng a̱gga̱we̱.

Ma̱te̱yo̱ 24:35

Adittai atin ta̱mu̱-kengi ki lo̱o̱c, imma zoz cinanni abak atin udut.”

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Marko 6:11

Ming iróng orogi a̱gga̱ma̱nu̱ng icima aziye zoz cunno̱ng, u̱tu̱ru̱rta̱ todowa zone kar kize neci gi̱i̱ ci i̱ye̱la̱ ming aburnnu niga nong ngatinne̱ng.”

Kaviyak wak Abunna Ta̱mu̱ta̱dde̱no̱ eher Joni 12:48

Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

Roma 2:5

Abarik odoi i̱nne̱t oo kak, iróng orongi bodak Ta̱mu̱ta̱dde̱n. U̱tu̱gu̱ zin i̱nna̱ zoz ci gerze, i̱ta̱k zin mozinet ci Ta̱mu̱ta̱dde̱no̱ oo cunne, okko atin enne ettedeki lo̱ki̱ko̱ ming uk looci uṯurehe.

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

Vilipia 1:28

Ma o̱ngo̱o̱li̱nnu̱ udut ol cik amarinnung i̱ge̱ta̱. Een necu zoz ci i̱ye̱la̱ egerzan atin Ta̱mu̱ta̱dde̱n nogo, ma̱i̱je̱ niga amudannu atin ti̱ri̱ze̱ne̱t ngati Ta̱mu̱ta̱dde̱no̱.

2 Te̱se̱lo̱ni̱ka̱ 2:3

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

1 Ti̱mo̱te̱yo̱ 6:9

Ma̱i̱je̱ ol wak orong kizeto bo̱to̱ro̱, ovvo i̱i̱na̱k zoz ci gerze atimane lo̱rye̱nti̱ kar atin kidita nogo pit.

I̱bu̱ru̱ 12:29

Eci Ta̱mu̱ta̱dde̱n ci ka̱di̱ngdi̱nga̱n naga ko̱ ogon ki i̱yo̱ko̱ gwa̱a̱ ci atuz kaal ne lai.

2 Peturu 2:9

Ming een zoz necu de̱de̱, a̱gga̱ Manyi gool ci eelanne enne ol wak a̱tu̱ nonno, ngati amudanne nege no̱ngi̱tto̱n kar ka̱gga̱m olli mu̱nye̱nu̱ kar kedez nogo, ere ki̱ki̱ya̱ i̱i̱te̱ni̱ ci ettede enne lo̱ki̱ko̱.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

2 Peturu 3:12

Ki i̱yo̱ko̱ e̱re̱yyu̱ niga i̱i̱te̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k oroot. A̱kku̱ atin i̱i̱te̱ni̱ neci ki li̱be̱ne̱t ci lo̱o̱tu̱, atuze ta̱mu̱-kengi ki i̱i̱ ki nye̱lo̱k ki munyuny gwo̱o̱ya̱ ne lai.

1 Jon 4:17

Imma zin go̱o̱le̱ necu, iddera rezinet orgen cinna do̱o̱k, kere zin naga i̱i̱te̱n ci lo̱ki̱ko̱ ngati okkomi zi̱nze̱tti̱ eci naga kogon ki enne rezinta lo̱o̱ta̱ ngatu.

Ju̱da̱ 1:7

Ogon zin bo̱do̱k niko, a̱a̱dda̱ zin ol balik o̱ro̱gjo̱we̱ cik Sodomi ki Gomorrah ki bo̱do̱k o̱ro̱gjo̱k wak ojongzo ki nogo. Izeto ol ne̱ke̱ a̱li̱ya̱k, ottodo kiwagon elegje. I̱ye̱le̱k zoz necu ol zoz ci ovvo atin ol atuze gwo̱o̱ye̱ ci alanyit udut.

O̱no̱zzo̱k 17:11

Imma e̱le̱gi̱ti̱ bali arrak aave ke̱, kar i̱yo̱ko̱ iróng ngen aave, een enne alaan wa een tu̱rge̱. A̱kku̱ enne alaate wak e̱e̱ggi̱n turgerem ke̱, okko enne bu̱k aditai.

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.

O̱no̱zzo̱k 21:1

Kicina zin anna ta̱mu̱-keng ki lo̱o̱c ci een jor, eci ta̱mu̱-kengi ki lo̱o̱c bali o̱o̱tti̱nu̱ ke̱ i̱zze̱c to ne dakdak, i̱zzi̱ zin nyatapari ci a̱ddi̱ki̱re̱ imma to.