2 Peturu 3:4 - Tennet

⁴ Azi atin nege ne, “Baling u̱du̱wa̱ Manyi cunno̱ng azi ne ka̱kku̱ni̱, a̱kku̱ atinga? A̱da̱i̱to̱ ji̱ji̱ti̱gga̱c, ngane kaala ogon ki bali eenycane Ta̱mu̱ta̱dde̱n lo̱o̱c ke̱, i̱llo̱i̱ gi̱i̱ imma ci een jor.”

2 Peturu 3:4 ပူးပေါင်းရင်းမြစ်များ

Kananet 19:14

Uk zin Loti u̱du̱wa̱k kawunyya ciginnek, balik owo dooli ciginnek ke̱. A̱nne̱k ne, “Amadantte ngatu ataman, eci Manyi orong atidic ki̱li̱b orog cu.” Ma̱i̱je̱ kawunyya ciginnek azi ne amice i̱yo̱ko̱ enne.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 24:28

Ming ovvo u̱du̱va̱nna̱ alute ngamani, anyak kaal cik a̱da̱i̱to̱.”

Ma̱te̱yo̱ 24:48

Ma̱i̱je̱ ming ogon du̱ca̱i̱ti̱ neci kaal cik gerzek kar bo̱do̱k ki̱no̱n kize ne, ‘Aave atin manyi ce̱e̱z reena u̱u̱mu̱c,’

Marko 10:6

Imma kanante ci lo̱o̱tu̱ eenyce Ta̱mu̱ta̱dde̱n lo̱o̱c, ‘eenyca nogo kizeto e̱e̱t ci maci ki ci nga̱a̱ye̱.’

Marko 13:19

ma̱rri̱t i̱i̱nya̱we̱ ne̱ke̱ a̱li̱be̱ atin looci li̱be̱ne̱t ci ngen bali ki̱tta̱ la̱du̱n nginti eenycane Ta̱mu̱ta̱dde̱n lo̱o̱c zee rok i̱yo̱ko̱. Iróng bo̱do̱k atin gi̱i̱ imma ci ogon ki necu i̱i̱na̱ udut.

Lu̱ka̱ 12:45

Ma̱i̱je̱ ming a̱nne̱k du̱ca̱i̱ti̱ ele cinne ne, ‘Iróng atin alaani cinanne a̱kku̱ ataman,’ kar enne kakate ki̱bi̱c gonoggi du̱cca̱k cik nga̱a̱ye̱k ki cik macik kar kadaho kuude kar kibbahe.

Buk wa To̱ni̱a̱u̱ 7:60

Kar zin kuduk lo̱o̱c kakatek u̱zu̱ngti̱nne̱ kar ku̱tu̱lu̱, “Manyi, ma edezi nogo mu̱nye̱ne̱ cik ogon nege ko̱.” Baling ming okko enne a̱du̱wa̱ zoz necu niko, etteda zinin a̱da̱ha̱.

1 Te̱se̱lo̱ni̱ka̱ 2:19

Eci nya ci karike naga zi̱nze̱tti̱, ki talninet cinna, icima luluk ci alaanzetu ci atin kovvo naga ka̱di̱ngdi̱nga̱ne̱ Manyitinna Ye̱su̱ ming okko enne a̱kku̱? Iróng een i̱nne̱ta̱?

2 Peturu 3:12

Ki i̱yo̱ko̱ e̱re̱yyu̱ niga i̱i̱te̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k oroot. A̱kku̱ atin i̱i̱te̱ni̱ neci ki li̱be̱ne̱t ci lo̱o̱tu̱, atuze ta̱mu̱-kengi ki i̱i̱ ki nye̱lo̱k ki munyuny gwo̱o̱ya̱ ne lai.

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.