2 Peturu 3:3 - Tennet

³ Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

2 Peturu 3:3 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 12:48

Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

2 Ti̱mo̱te̱yo̱ 3:1

Imma i̱yo̱ko̱, abunna zin ming aziknnu zoz cu ju̱rru̱m: Ming izeto ojontte i̱i̱nya̱ cik obodane Ye̱su̱, i̱i̱na̱k atin kaala cik gerzek lo̱o̱c.

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

2 Peturu 1:20

Abunna zin ming a̱gga̱yyu̱, i̱llo̱i̱ a̱ri̱to̱i̱t ci a̱du̱wa̱ zoz Warage ci Ta̱mu̱ta̱dde̱no̱ kar bo̱do̱k ku̱du̱wa̱ ke̱ngti̱ cik zo̱zzo̱k ne̱ke̱ o̱o̱we̱ cinne do̱.

2 Peturu 2:10

Edez atin Ta̱mu̱ta̱dde̱n oroot ol wak i̱no̱n kaal cik gerzek ki wak ibbeze nege alaanzet ci alaatu. Odong ol ne̱ko̱ e̱le̱tti̱ kar kozozit mootiza, iróng nege o̱ngo̱o̱le̱ ngati otore kaal cik aavtte ta̱mu̱-kenga.

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.

Ju̱da̱ 1:18

A̱nne̱kku̱ng ne, “Imma atin i̱i̱nya̱we̱ cik okko looci aṯurneke, a̱vvu̱ atin ol cik ovvo aranne zoz ci Ta̱mu̱ta̱dde̱no̱, eci orong ku̱tu̱gu̱zzo̱ kaal cik gerzek amin zi̱nze̱tti̱ cigge̱k.”